منی کوردستان وکورد‎، حەمە حەریری

سەرزەمین و نەتەوەیەکم  لە وەتەی بوونم  لەو کاتەوە وەکوو مرۆڤ خۆم و خاکم پاراست لە چنگ گورگ و دێو و ھەژدیھاکانhama-hariri

سەت قات زۆرتر و بە گوڕتر لە ھاست دڕندە و حەزیاکان وەستاومەوە و دەوەستمەوە، ئەوە وانەیەکە و لە کۆنەوە  نەوە بە نەوە لە کەوتن و ھەستانەوە فێری بوومە و  ھەموو  وشەی داگیرکەرانی کوردستانی پێ دەسڕمەوە.

زۆر جار ڕەشابا و بوومە لەرزەی بۆمب و موشەک و لەشکر لە سەر لەشکری  دوژمنان  بۆ سڕینەوەی منی نەتەوەی کورد دا کەتوونە و لە بن نەھاتووم و دەستم لە خاک و سەربەستی  ھەڵنەگرتووە .

ئەم جارەشیان با ھەموو دنیا بزانێ بە زەبللا و چوکەیان بە دوور  و نیزکیان نە ئەوان کوردستانیان پێ قوت دەرێ  نە کوردستان و کوردیش لە گەیشتن  بە سەر بەستی دەست ھەڵدەگرێ .

خۆ ئەوان تەنیا پەلی بڕوا بوون بە گەیشتن بە ئازادی و سەربەخۆیی نەتەوەی کوردیان  لە ڕێگەی  ئاشتیەوە نەشکاند ، بەڵکو کەرامەتی ھەموو مرۆڤایەتیان  خستە بەر پێی دنیا خۆرانی  ئەمڕۆ  و سبەی و ھەموو بەندەکانی جاڕنامەی مافی مرۆڤیان   چڕژ و جغز پێدا ھێناوە و  ھەتا ڕووبەرێکی نوێی جیھانی بۆ  بە ئارامی ژیانی  نەتەوەکانی ژێر چەپۆک و خاک داگیرکراو دا ڕێگە پێ نەدرێ چارەنوسی خۆیان دیاری کەن.

ئەستمە زۆر ئەستمە  نەتەوەیەکی وەک نەتەوەی کورد تا گەیشتن بە سەربەستی دان بە خۆ دا بگرێ.

 

20171028

ئاگاداریەان
مەلا حەسەن شیوەسەڵی
مەلا محەممەد جوانڕۆیی
ئارشیو