موتمانەمان بەخۆمان نیە، مەلا برایم مەجیدپوور

وەک هەموان ئاگادارین لە نیوەی مانگی ئۆکتۆبرڕا بـەگەلەکۆمەگی ئیران و ئێڕاق و تورکیە و پشتیوانی دەتوانم بڵێم ڕاستەوخۆی ئەمریکا و ئوروپا و کۆڕوکۆمەڵە نێودەوڵەتیەکان و دۆڕاوەکانی ناوخۆ

mela-braym-mejidpur-0

[بۆیە دەڵێم ئەمریکا و ئەوانیتر، چوونکە بێدەگی بە مانای ڕازی بونە.] بە پێچەوانەی هەموو یاساو ڕاساکان هێرش کرایە سەر کەرکوک کە یەکێتی پێی دەکوت (دڵی کوردستان و ئەویتر قودسی کوردستان) و ناوچە بە زۆر بە ئێڕاقەوە چەسپێندراوەکان. دڵەکە لە لێدان خراو قودسیەتیش پیرۆزیەکەی شکێندرا. بۆئەو شکست و دۆڕاندنانە، یان هەر ناوێکی تری لیدەنێن هۆکاری جۆر بەجۆری ناشیانە و سەیر و سەمەرە باس دەکران و هەرلایەک پاکانەی بۆ خۆی پیوە دەکردن.

بۆ وێنە : (١) ئەنجامدانی ڕاپرسی گشتی .  (٢) نەبوونی پارەو پاشکەوتنی موچەو و…..   یەکەم: ئەوانەی خۆیان بەخوێندەوار و پێشکەوتوو شارەزا بە تیئۆریە سیاسیەکان و ئـازادی و دیـمـۆکڕاسی و دەیـان واژەی تر دەزانـن دەنگیان خستە پـاڵ دەنـگی دوژمنان و هەزاران ناو و ناتۆریان بـۆ ئەوانە دروستکرد کە دەنگیان بە بـەڵێ بۆ دیاریکردنی مافی چارەی خۆنوسین داوە. وەک تاوان دەیان قەبڵانـدو وەباڵە کەشیان دەخستە ئەستۆی کەس یان کەسانێک. لەوەش سەیرتر دەنگی (٩٢) لە سەد  و زیاتری گەلیشیان لە ڕکەبەری تاکە کەسێک دا کورتـکردەوە، واتە بەداخەوە بۆ ڕکەبەرایەتیەکی کۆنی بێی ئاکام بڕیارو دەنگی گەلیان وەک نەبوو بێبایخ حیساب کرد داوای مافێکی ڕەوایـان بـە گوناحی نـەبـەخـشراو لەقەڵەمدا کە ئەوە بێحورمەتیەکی گەورەیە بەگەل. مافێکی کە نـە سەرۆک وەزیرانی عیڕاقو نە دنیای دەرەوەش جگە لە داگیرکەرانی کوردستان نەیانتوانی بڵێن کورد ئەو مافەی نیە ،بەڵکو ئەو بیانویەیان دروستکرد کە ئێستا کاتی نیە، کەسییان نەبوبڵێ کەی کاتیەتی.کەچی دەرکەوت ئەوکاتی نیە بۆیەبوو ڕاوەستن تا گەلەکۆمەگیتان لێدەکەینو زێـدەکەتان داگیر دەکەینەوە . ئەوەش بزانن ئەگەر بۆیان بڕواتە پێشێ هەولیرو دهۆکیش داگیر دەکەنەوەو لە ژێر دەستەییش زیاتر بەکوردی ڕەوا نابینن ، خۆ سولەیمانیش ئەوانەی ئێستا لە هەموان بەهێزتر دیاری دەکەن بۆخۆیان دەچنەوە. پرسیار ئەوەیە بۆچی گەلێکی کە زۆربەئازادیو بـەئارامی لـە نێو ئەو هەمو فرتو فێڵانەدا دەنگی بـەڵێێ بــۆ چارەی خۆنـوسین داوە دەبـێـێ گەلەکۆمەگی لێبکەنـو بێبەزەییانە سەرکووت بـکرێێ ؟! ئـەوە لەکام قانون و یاسادا هاتووە گەلێک داوای مافی ڕەواو مرۆڤانە ی خۆی بکا دەبێێ داپڵۆسێندرێێ ؟!

دوهەم :باسی برسیەتیو دوا خرانی موچەو شتی لەو بابەتە کراوەو بـۆئەوەی دابینیان بکەی دەبێی خۆت تەسلێمی دەسەڵاتی بەغدا بکەی، واتە چاو لەدەستی دەسەڵاتێک بی کە وەک دوژمنێکی بەزیـوی لێقەڵماوو سەرشۆڕت چاو لێدەکا. لێرەدا پرسیار ئەوەیە : ئایا ڕەوایە بۆ پڕ کردنی گیرفان یان وەرگرتنی پلەو پایەیەک گەلێک بکەیە قوربانی یان باشتر بڵێم بیان فرۆشی بەنان ؟! گەل بدەیە دەستی قەزاوقەدەرو چارەنوسێکی نادیار؟! مەگەر لـەبیرتـان چۆتـەوە پێشەرگە بەنانە رەقەو بە تفەنگێکو چەند فیشەکەوە بەرەنگاری ئەو دوژمنە درندانە بوەو تەنگی پێهەڵچنیون. بێگومان گەلی کورد زۆرلەوە گەورەترە کەوا هەرزان فرۆشی بکەی ، دڵنیام ئەوانەی کەڕامەتو گەورەیی پێشمەرگەیان کردە قوربانی دۆڕاندنێکی سیاسی زۆری ناخایەنێ وڵامی ئـەو تـاوانـە گەورەیە وەر دەگرنەو وەک دۆڕاوێکی سەر شۆڕ خۆیان دەبیننەوە. ڕەنگە بڵێن : بۆ ناڵێی ئیعدام دەکرێن ، من واناڵێم چونکە ژیانی بەسەرشۆڕی زۆر لە مەرگ ناخۆشترە.

بـە داخـەوە ئـەوانـەی لـە مـانـاو مەزنی شۆڕش و شۆڕشگێر بـوون و مـافی گـەل تێنەگەیشتون و بڕوایان بە پیرۆز بونی نیە جا ئەوانە هەرکەس بن، وا دەزانن سەودا و معامەلەیە و کڕێن و فرۆشتنی پێوە دەکەن، بێخەبەر لەوەی ئەوانەی بڕوایان بەخۆیان و نەتەوە و مافەکەیان هەیە گیانی لە پێناودا دەدەن ،نەک ئەو بەقوربانی گیانیان بکەن.ئەوانەی ئیمانیان بەنەتەوەومافەکانی هەیە لە زۆریو بۆری دوژمن نەترساونو ناترسن، چەکوتفاقی مۆدێڕنو مەترسیدار وازیان پێی لە خەباتەکەیان نەهێناونو ناهێنێ .من بەو قەناعەتە گەیشتوم هۆکاری سەرەکی ئەوهەمو خەتاو هەڵەو دۆڕاندنانە بێی ئەملاو ئەولا دوژمنایەتیو ناکۆکیو بەرژەوەند خوازیانەی سەرجەم حیزبە دەسەڵاتدارەکانە ئەو دەرفـەتانە بـۆ دوژمـن دەڕەخسێنێو بـە دەسکیسیوهاوکاری خۆمان زەفەرمان پیدەبا .هەرلە سەرەتای پەلاماری دوژمن ئەوەندەی حیزبەکان لە بڵێندگۆ تەبلیغاتەکانیانەوە هێرشو پەلاماری یەکتریان دەست پێکرد، ئاوا بەرەنگاری دوژمنی هێرش کەرە نەبونەوە .ئەوەندەی من گوێم لە قسەو باسی هەمو لایەنەکان بـوە، کێشە ئـەسڵیەکە لە دوو (٢ ) خاڵدا کورت بۆتەوە ، یان دەگەڕێینەوە بۆسەرحولە مەرەسێو سەیدی سەیدی دەڵێینەوە، یان دەست بەچەک بە پشتیوانی دوژمنان شەڕی یەکتر کوژی دەست پیدەکەنەوە ( ناڵێم برا کوژی ) چونکە لە میژوی کوردو هیچ گەلێکی دنیادا برایەتی ئاوا نیە. بناغەی سەرهەڵدانی ئەو کێشانەش بەلایەکیتردا دەگەڕێتەوە بۆئەوەی کە ئەحزابی کوردی ئامانجو ستڕاتیژێکی دیارو یەکگرتو کە برێتیە لە ڕزگاری نیشتمانو گەل نیانەو لەسەری ساغ نەبوینەوە ،ئەگەر باسی دەکەینو دروشمیشی پێوەدەدەین تەنیا بۆ سەرنج ڕاکێشانی خەڵکە و خۆمانو گەلەکەشمانی پێی فریو دەدەین، چونکە ئەگەر ڕاستبی ئەوەئامانجی ئەسڵیمانە پیویست بەو هەمو پرشو بڵاویو دژبەریو دوژمنایەتیە ناکا، بەڵام گومانم لەوەدانیە لە پشتی ئەو دروشمە مەبستێکیترتەعقیب دەکرێی کە لەو ئامانجەو لەو برایەتیە بەلامانە وە گرینگترە بۆیە لەژێر دروشمی کوردبونو برایەتیدا یەکتر دەکوژین .

لەوانەش مەترسیدارتر بڕوانن ئەوەندە ئیدەو مەزهەب لـەنـاومانـدا دروست کراوە کە بەهیچ جۆریەک ناگرینو یەکتر ناناسینەوە بۆوینە : هێندێکمان بەناوی سونە شیعە بەدوژمن دەزانین ، شیعە کوردی سوننە بەکافر دەزانێو فتوای جیهادیشی بۆ دەردەکا ، هێندێکمان یەزیدیـو هێندێتر زەڕدەشتـیـو و….. هـەر یەکەیان ئەوانیتریان پێ بەتاڵە لانی کەم دەیەوێی لە مەیدان دەریکا، لە حاڵێکدا هەموی ئەوانە دەتوانن لە ژێر چەتری نەتەوەیی واتە کوردبوندا کۆببەنەوە . مەسەلەی ئیدەو ئایین باهەر کەس بۆ خۆی هەڵی بژێرێو کەسیش مافی ئەوەی نەبێی بێحورمەتی بەکس بکا . دەردێکیتر شەڕە شارو نـاوچە گەراییە ، یەک دەلێێ سولەمانیم ، ئەویتر ئێژێ هەولیریم ، یەکیتر دەڵێی مهابادیم ، ئەویان دەڵێ کەرکوکیم ، یەک دەڵیێ سنەییم . یەکیتر دەڵێی هەورامیم و…خۆئەگەر بەچاوی کراوەو بەدڵی فراوانەوە بڵێن کوردستانیم هەموی ئەوانە دەگرێتەوە . دیارە بەلامەوە گونجاوە پێاو شوێنی لەدایکبونی خۆی خۆشبوێی ، بەڵام مخابن ئەوە بۆتە دیاردەیەک کە لانیکەم خەریکە لێکترمان نامۆ دەکاو دەبێە ئامرازێک کە دوژمن بەزیانی خۆمان کەڵکی لیوەردەگرێوگرتوشیەتیو لە ئاکامدا هەرنەبێی شەڕە گەڕەکمان پیدەکا.

لەوانەش سەیرترهێندێکمان ئاشقی فارسو،هێندێکیترشەیدای تورکوهێندێکیترمان خولیاو سەرسامی عەڕەبین.!! دەکرێی مرڤ یەکیانی خۆش بوێی ، بەڵام نابێی کەست لەخۆت خۆشتر بوێی.هەموی ئەوانە دەرێدەخەن کە ئێمە خۆمان بەکەمتر لەوانە دەزانینو کەسایەتی خۆمان لە بارەقەڵای ئەواندا دەبینین ،پتر بڕوا بەوان دەکەین تا خۆمان. دیارە هەمو ئەوزمانانە پێویستن بیانزانین ،لانیکەم بۆئەوەی حاڵێ بین ئەگەر دوژمن جنێومان پێدەدا ! ڕاستی ئەوەیە موتمانەمان بەخۆمان نیە. من ئوسولەن بڕوام بەتەعەسوبو دمـار گرژیـو خۆ بـەزل زانینو خەڵک بەکەمگرتن نیە ، دوژمنی هیچ نەتەوەو ئیدەو ئایینێک نیم بـاوەڕیشم بـەشتیوا هەرنیەو پێشم خراپە ، بەڵام دوژمنی هەر نەتەوەو ئایینو کەسایەتیو دەسەڵاتێکم کە نیشتانم داگیر دەکاو مافو ئازادیەکانم پێشێل دەکا، ئەگەر ناوی برای کورد یان برای دینیش لەخۆی بنێی. ئەوانەی زیدو مافو ئازادی گەلان داگیر دەکەن زاڵمن ، زاڵمیش برای کەس نیە تەنانەت بەزەیی بەخۆشی دانایە. دوا وتەشـم ئەوەیـە : دەگەڵ هەمـو هەڵەو پەڵەو ئەو خەتایانەی دەدرێنە پاڵی، ڕاپرسی گشتی سەرکەوتو دۆستو دوژمنی ڕاستەقینەشی پێناساندین ، بوو بە بەڵگەیەکی مێژویی کە کورد لەسەرئەوەی بە شیوەیەکی ئازادو دێمکڕاسیانە دەنگی بۆ چارەنوسی خویدا، گەلەکۆمەگی لێکراو دنـیای دەرەوەی بـەناو ئـازادیـو دێمۆکڕاسیش سەیری کردن . باس لە سڕکردنـو پاشگەز بونەوە دەکرێی، نازانن ئەوە بڕیاری گەلەو تـەنیا گەل دەتـوانێ دەنـگ بــۆ ڕەد کردنـەوەی بـدا نەک حیزبێکو کەسانێک تەنیا ، هەرحیزبـو لایەنێک بڵێی ئـەو ڕاپرسیە بـەتاڵە هـاو دەنگ دەبێی دەگەڵ دوژمنەکانمان چونکە ئەوان دەڵێن ئیعتیباری نیە . کێی حەزی بێو کێی تـەزیبێی ئەو بەڵگە مـێژوییەی باشوری کوردستان لە دوا ڕۆژدا بە ئیعتیبارەوە حیسابی بۆ بکرێی ئەو ڕاپرسی گشتیەیە .

 

 براتان مەلا برایمی مەجید پور. ٢٧ / ١٠ / ٢٠١٧

کاتالۆگ