هاتەوە دووی ڕێبەندان ، مەلا برایمی مەجید پور

ساڵیادی دامەزرانی تاقانە کۆمارەکەی کوردستان بە سەرکردایەتی پێشەوای نەمر قازی محەممەد لە گشت گەلی کوردو ڕێبوارانی ڕێبازی قازی پێرۆز بێی .

mela-braym-mejidpur-0

مەلا برایم مەجیدپوور

مەزنی و گرینگی کۆمار لە تاریف نایەو هەرچی لەسەری بڵێی کەمت کوتوە ، هەرچی وشەی جوان و پڕ مانایە بۆی دەکار بێنی ئامانجت نەپێکاوەو کورتت هێناوە . بۆیە منیش بەوشێعرە جوانـو پـڕ ناوەرۆکەی مامۆستا هێمن دەست پێدەکەم کە هەر دەڵێی بۆ ئەوڕۆی داناوە.

 ئەی مەلی خۆش خوێنی ئاوارەو تەرەو بێی ئاشیان

 مـوژدەبێی زوو دێێتەوە نـاو مـیللەتی ڕزگاری کـورد

 بول بولە سەرمەستەکەی باخی موکوریان ئەو چەلەش

 تێر بخوێنە دەنگ هەڵێنە تـۆ لـەنـاو گوڵـزاری کورد.

 خۆشەویستی میللەتی خۆتی لـە بـیـر چـۆن دەچـیـەوە

 چـاوەڕێتە ئـێستەکانـە شاری بـێـی ئـەغـیـاری کـورد

 ئـەو ژیـانـەی بێی تـۆ ڕای دەبـوێـرێی هـێـمـن مردنە

 بێکەسێکە پاشی تۆ و پاشی سەرۆک کۆماری کورد.

بێگۆومان ڕزگاری کوردستان ئاواتی هەمو کوردێکەو لە کوێی بدوێو قسە بکا بابەتە هەرە گرینگەکەی کوردستانە . بە بەژن و باڵای هەڵدەڵێو لە بیری ناچێتەوە ژیانی دوور لە کوردستانیشی بەلایەوە تاڵترین ژیانە .بەردەوام بۆ چونەوە باوشی دایکی نیشتمان تێدەکۆشی و چاوەڕوانە . هـەرەچی زەمـان تێدەپەڕێو ئاڵوگۆڕی گەورەو بچوک لە دنیادا دێنە ئاراوە ڕێبەندانەکەی من نەدەوری بەسەر چووەو نـەئامانجو ئـامۆژگاریەکانی گـۆڕاوە . هـەرچەنـدی ئێرەیی بەرەکانو نەیارو دوژمنەکانی هەوڵیان داوە فەرامۆش بکرێێ یان لە نرخو بایخەکانی کەم کەنەوە ، بەڵام ڕێبەندانەکەمان نە لەبیر چۆتەوەو نە پلەکەی نـزم بـوەو نـە ڕۆگەبونی خۆی لەدەست داوە. هـەر چەندی قەڵەمە چەپرەکەکان زۆرجار بەراوژوو دووی ڕێبەندانیان نوسیوەو نـیشان داوە ، کەچی ڕێىەندانی من وەک خۆی بەکەسایەتیەکی گەلێک بەرزەوە لە گۆڕەپانی خەباتی نەتەوایەتیمان دا قورسو قایم ڕاوەستاوە. هەرچەندی تیئۆریتاشان گەلێک تیرو تواج ولۆمەولەقەمەیان لێگرتوە ، کەچی بە پێچەوانەی نیازی خراپی ئەوان دووی ڕێبەندان بۆتە بەڵگەی هەقانیەتی ویستو داواکانی گەلی کوردو لە مێژوی گەلانیشدا بۆی نوسراوە . هەرچەندی ئەویندارانی دووی ڕێبەندان و ئاڵا هەڵگری خەباتی نەتەوایەتیمان و ڕاگەێێنەری کۆماری کوردستان لەو ڕێبازەدا توشی گەلێک کۆسپو تەگەرە هاتنـو ، کەم و کەسریان هـەبـوەو هەڵـەو پەڵەش لێیانی ڕوداوە و ڕەوتی خەباتەکە شل و تـونـدی تێکەوتوەو جەبری گەردونیش دۆستی لێی کردوە بەدوژمن و دژبەرو نەیاری زۆری بۆدروست کردوە ، بەڵام ئامانجەکە هەروا بە مەزنی و بەرزی و پیرۆزی خۆی ڕاگیراوە. سەرەڕای ئەو هەمو پیلان و بەندو بەستە فێڵاویانە ڕێبوارانی بەئەمەگی ئەو ڕێبازە ، بێـوچان و بـەسەربەرزی بـۆ گەیشتن بـە ئـامـانجی گەل درێـژەیـان بەخەباتەکە داوە. نە گێژەڵوکە و کڕێوەو گەردەلولی دوژمنان توانیویەتی لە قەڵشتە بەردو کەلێن و قوژبنێکدا قەتسیان بکا و نەبەستەڵەک و سەهۆڵبەندانی دوژمن و ڕکەبەرو ئەمەگ نەناسان سڕی کەدون و نەلە بەرانبەر هیچ دوژمن و دەسەڵاتدارێک چۆکیان داداوە . ڕێبەران وڕاگەێێنەرانی کۆماری کوردستان، نەلەمەرگ ترساون و نە ملیان بۆ هێچ ساتو سەودایەکی دۆڕاوانە ڕاکێشاوە. سەریان چۆتە سەردار، بەڵام هەستو سۆزوئیرادەی نەتەوەییان بۆهیچ دەسکەوت و مەبەستێکی تایبەتی بەدەر لە بەرژەوەندی گشتی نەکردۆتە باجو وەک پێش پەرداخت نەیان داووە . ئێستا کە (٧٢) ساڵ بەسەر ئەو ڕۆژوو ڕووداوە مێژوییە دا تێدەپەڕێێ نـاوی دووی ڕێبەندان وشەهیدانی دامەزرێنەری لەناو گەلانی جیهاندا بونەپیرۆزتـرین سیماو ویـردی سەرزارو زمانان و نمونەی زیندوو هەرەبەرزی موتمانە بـە خۆبونو شانازی بەخۆ کردن. دوژمن زۆر جینایەتکارانە ڕێبەرو ڕێبوارانی ئەو ڕێبازەی بە شکڵ و شێوەی نامرۆڤانە بەڕواڵەت لە مەیدان دەر کردن و بەخەیاڵی خاو ئامانجەکشی گۆڕ کردون ، بەڵام دەشت و شاخ و درە دۆڵو دەریاو تەنانەت زەویو عاسمانی کوردستان شآیەدی ئەوە دەدەن کە باشترین ڕۆڵەکانی گەلی کورد بۆ ڕزگاری نیشتمان و ئازادی و سەربەخۆیی سەریان داناوەو دایدەنێن ، نەمردون و نـەدەمرن ، ڕێبازیان بـە جۆشو خرۆشەوە بەردەوامەو نەوە تەحویلی نـەوەی دوای خـۆی داوە . ئـێستاش هـەرئـەوان ئەو خەباتە ڕێبەری دەکەن و ئەویندارانیان لـە ڕێبازەکەیان لایان نـەداوە . قسەو کردارو ڕێنوێنی و ئامۆژگاریەکانیان وەک سەردەمی ژیانی خۆیان بـەحورمەتەوە لـە بـەرچـاو گیراون و کاریـان پێکراوەو وەک ڕێبازێکی پیرۆزحیساب کراون و چاویـان لێکراوە. وەک دەرسی ژیانی بەسەر بەرزی جیل لەدوای جیل فێرکراوە. دووی ڕێبەندان تەنیا دەسکەوتی گەلی کوردە کەدۆستو دوژمن حاشایان لێنەکردوەو هەرکامەیان لە ڕووانگەی خۆیـانـەوە وەک دەسکەوتێکی مێژویی بۆ کورد باسیان لێکردوەو بەڕاشکاویش دەڵێین قوربانی زۆر مەزنی لەڕێدا دراوە.

جارێکیتر بە ئەویندارانی دووی ڕێبەندان و کۆماری کوردستان دەڵـێـم : پیرۆزتان بێی و یەکگرتوو بەردەوام بن ، ئەوەیان سەرکەوتنی بەدواوە.

 

 لێمان پیرۆز بێی . براتان مەلا برایمی مەجید پور.

 ١٨ / ١ / ٢٠١٨ هولەند

ئاگاداریەان
مەلا حەسەن شیوەسەڵی
مەلا محەممەد جوانڕۆیی
ئارشیو