بۆ عەفرین لە ڕۆژ ئاوای کوردستانە خوێناوییەکەم‎، حەمە حەریری

پێتان دانێنە سەرچاوم ڕۆڵەکانی ئەحمەدی خانی و با تاوێک ھێور بێتەوە دڵی بە پەلە کوتانم . ڕاستە غەدر دیسانەوە بۆ قڕ کردنی مناڵ و وێران کردنی  شار ودێی کوردستان بە تانک و تۆپ و باڵە فڕە بۆمب ھاوێژەکانیان

hama-hariri

حەمە حەریری

و ھێزی زەبەلاح و ئیمامە جیھاد دەرەکانیان و نەوە سوڵتانیەکانیان، بە بەر چاوی ئەم دنیا قوتدەرانەوە  بەڕۆژی ڕوون لەشکری زراو چویان ناردۆتە سەر گەل ونیشتیمانە بێ پیشتیوانەکەم.

بەڵام ھەتا کوردستان و کورد  ڕۆڵەی بە ئەمەگ وئازا وبوێر  وچاو نەترسی وەک ئێوەی ھەبی . دڵنیام کوردستان تا سەر بەخۆ و سەربەست نەکەن  وچان نادەن و ناھێڵن دوژمن  ئەم خاکە پیرۆزەمان داگیر بکا.

عەفەرین ئەی دەستە خوشک و براکەی  کۆبانی و کەرکوک و سابڵاخ و ھەڵەبجە و سنە و گشت کوردستانەکەم، من دەڵێم ھەر کوردێکی بەو ویژدان و مرۆڤ دۆست بە مانای ڕاستی و پاکی خۆی لە ھەر کۆیەکی ئەم دنیایە بێ لە لایەک  لە ناخەوە بۆت ئەسوتێ و ئاواتە خوازە ڕۆڵە قارەمانەکانی نێو سەنگەر وبەرگری لە تۆ و گەل و ھۆزم  ھیچ  زەربەیەک کاریان لێ نەکا و ھەر وا سەربەرزو دوژمن تەزێن و داگیرکەر  بەزێن بن و لەلایەکی تریش  بە ھەموو  بوونییەوە  ناڕەحەت و توڕە و بێزاری خۆی بەرانبەر بە دنیای دەرەوە بە تایبەتی  زلھێزە پاوان خواز وچەند ڕوویەکانی  ئەم گۆی زەوییە  دەردەبڕێ.

 سەر ھەلدان ژیانە   بەر خۆدان ژییانە

 

حەمە حەریری

25.01.2718ی کوردی

ئاگاداریەان
مەلا حەسەن شیوەسەڵی
مەلا محەممەد جوانڕۆیی
ئارشیو