پیرۆز بێ نەورۆز‎، حەمە حەریری

سەرەتا ھاتنی ڕوژی نوێی ئەم ساڵ لە ھەموو مناڵانی کوردستان پیرۆز بێ و ئاواتە خوازم  مناڵانی کوردستان، ھاو تەمەنەکانی ئاوارە و پێ پەت و برسی و دەرکراوی خورماتوو و کەرکوک و ئەفرین

بە ھەموو  ناوچە و دێھاتەکانەوە لەبیر نەکەن  کە بوونەتە قوربانیی گەمە و شەڕ و بەرژەوەندییەکانی نێوان دەوڵەتانی زلھێزی دنیا و داگیرکەرانی کوردستان .

ھەر وەھا  بە بۆنەی ھاتنی ساڵی نوێوە وەکوو ئەندامێکی بچوکی کوردستانی خوێناویی. خۆم بە بەشداری خەم وتاڵی و بەش مەینەتی نەتەوەی کوردم ، لە ھەر سوچێکی ئەم کوردستانە خۆشەویستەم ئەزانم.

ھەر وەھا ئاواتە خوازم بە دڵ ئاواتە خوازم ئیتر  پێشەنگەکانی کورد لە ھەمووی کوردستان کە خۆیان بە نوێنەری شۆرش و ئیدارە کردن و بەڕێوەبەری کوردستان و کورد دەزانن. بۆ مێژوو  بۆ ئەوەی چیدی نەبنە کارتی یاری پێکەری  داگیرکەرانی کوردستان ، بە پێچەوانەوە بن کە یەکەم ھەڵوێست دەبی یەکڕیزی نەتەوەیی کوردستان دەستەبەری بەدەس ھێنانەوەی متمانەی نەتەوەکەمانە.

-وەک کێو بە ھێز بوونی سیاسەت  و دیپڵوماسی و ئیدارە کردن و شۆرش کردنە.

چونکە ھەموو ئەو  سەرکەوتن و بە پشتدا کەوتنانە پێماندەڵێن چۆن سەرکەوتین نەتەوە و نیشتمانمان لێ ڕازیی بوون و زلھێز و داگیرکەر  حیسابیان بۆ  کردین و بۆ مان لە پیلان دابوون و  کات وسات و شوێن سەنگەری لاوازی کوردیان چۆن دۆزییەوە و چۆنیان دەم شیرین کردن و  ھەم پشتیان لە ھەرد داین وھەم ناو ماڵی کوردیان لە ھەمووی کوردستان تێکدا و ھەم خاکی  کوردستانیان  ئاڵ و وێر پێکرد و  قوربانیێکی زۆری مناڵ و پیر و جێڵی کوردیان پێ کۆست خستین و  ملکەچی داگیر کەرانی کوردستانیان  بە کورد وکوردستان بە تێکڕا کردەوە و  ھەموو  حەقێکی مرۆڤایەتی و نرخ و گرنگی ئازادی و کەرامەتی نەتەوەیمان کە بەرھەمی ژێنۆسایدبوونمان بوو جارێکی تر  ھێرشیان کردە سەر  کە ھەم نەتەوە یەکگرتوەکان چاوی لێ نووقاند و پێ خوستی  باورەکانی نووسراومۆرکراوی  خۆیان کرد لە بەر بەرژەوەندیی گەمە مەیدانی زلھێزەکان و بەگشتی ھەمووی ئەو  بە سەرھاتانە  بۆ منێکی کڵۆڵی کورد کە وەک ڕۆژی ڕوون بێ؟ ئەی چۆن نابێ بۆ ئێوە یاریکارانی نێو مەیدانی  سیاسی و حکومڕان و شۆرشگێڕانی ھەمووی کوردستان لە باکوور وباشوور و خۆرھەڵات و خۆرئاوای کوردستان ، ڕوون و ڕەوان بێ؟؟؟؟؟؟؟

کەوابوو  دەبێ ھەم ئەو داخەی کە فایق بێکەسی نەمر  کە نووسیوێتی بۆ نەتەوەی کورد کە دایم وەکوو دوڕ و زێڕ لە بەر  چاو و لە بیرمان بێ، ھەر چەند وەکوو جاترەی کێوی تاڵە بەڵام مەلحەمی زۆر یەک  لە برینەکانی قووڵی کوردە کە  دەتوانێ  چاکی کاتەوە کە دەڵێ:

کورد ئەبەد ناگاتە مەقسەد نۆکەری بێگانەیە

پیس و نا پاکن  لە ناو  یەک بۆیە وا بێلانەیە

 

کە ئەو بەیتە شێعرە دەتوانێ بەشێک لە ڕاستی ئەوڕۆی ھۆی ماڵی وێرانی کوردی  تێدا بەدی بکرێ و رێی دروستی بۆ وەبیندرێ و  ڕووگەی ڕاست و تا ھەتایی لە بەرانبەر  دا ئەو شێعرەی  پیرەمێردی نەمرە بۆ کوردستان و کورد لە بەرانبەر  داگیرکەرانی کوردستاندا بۆ وەک مەشخەڵیک کورد بیگرێتە دەست و بیر و ھزر ھەنگاوەکانی خۆی پێ قورس و قایم و دوور بینانە لە بەر ڕووناکایی ئەو مەشخەڵە بھاوێژێ، کە بە داگیرکەرانی کوردستان دەڵێ:

قور بەسەرتان ئێوە خاوەن تۆپ و تەییارەی شەڕن

میللەتی من خاوەنی تەئریخ وبیر و باوەڕن

 

ھەر ئەو بەییتە شێعرەی  پیرە مێردی نەمرمان ھەم بە داگیرکەرانی کوردستان دەڵێ  تا ئەمڕۆشی لە گەڵ و تا ھەتایەشی دەگەڵ بی ناتوانن  کوردستان و کورد لە ناو بەرن .

ئاخر ھەر ئەو دوو ڕستە شێعرە بە پێزە بە نەتەوەی کوردی خۆیشی دەڵێ کوردستان و کورد دەبێ مێژوو و بیر و باوەڕی نەتەوەیی خۆی ھەر گیز لەبیر نەکا و کورد بێجگە لە ڕۆڵەکانی خۆی کە بۆ بەرگری لە مان وبوونی خۆی وخاکی خۆی دەچێتە پای سێدارە بە سەر بەررزی بۆ  ئازادی و کەرامەتی مرۆڤایەتی، تاریخ و بیر وباوەڕی نەتەوەی کورد زۆر  زۆر  گرنگە کە ئەگەر ھەتا سەر  بە یەک ڕیزی  وەکوو  وانەیەکی بە ھێز و  توانای ھەر قۆناخێک بیکاتە لەمپەرێکی سی چل میلیۆنی نەتەوەی کورد لە بەرانبەر داگیر کەرانی کوردستان دا .

ھەر وەک لە تاریخی نەتەوەکانی دیکەی  دنیا دا بینراوە  تاریخی ئەفریقای جنوبی و ھیندوستان یەک لەو  وێنانەن کە مێژوو سەلماندوویەتی کە سەرکەوتوو ترین وێنەن ئەو بەشانەیان کە سەرقافڵە و نەتەوەکانیان نەک بە چەکی گەرم بەڵام بەیەکڕیزی و سوور بوون لە سەر دەرکردنی داگیرکەرانی سەردەمی خۆی .

نەتەوەی کوردیش بۆ بەرگری لە خۆی ناچارە و دەبێ ئەو شێوە لە خەباتە  تاقی کاتەوە  ئەوە راست ئێستا لە باشووری کوردستان دەبێ بکرێ  و پارچەکانی دیکەی کوردستانیش بە ھەر شێوەیەک بی دەبی بۆ بەچۆک داھێنانی داگیرکەران ئەو ئیرادەیان کە ئیرادەیەکی مەدەنیە، خەباتێکی مەدەنی گشت گیر و نەسرەوتن تا سەرکەوتن و بێ کۆڵدان و  بێ پسانەوەی دەوێ ئەوەش با تاقی کرێتەوە چونکە نەتەوەی کورد لە پارچەکانی کوردستان بە ھەڵگرتنی دروشمی مافی مەدەنیانەی خۆی دەتوانێ ھەر سبەی و دوو سبەی کە نەورۆز ە دەس پێ بکا بۆ کردنەوەی قوتابخانەی کوردی لە ھەموو خۆرھەڵاتی کوردستان و خوێندنی زمانی کوردی تا ……ھتد.

ڕاستە قوربانی دەوێ بەڵام ئەگەر ئەوە سەرە تایەک بی و  بیرمەندانی کورد بتوانن شێوەی مەدەنی خەباتیش ڕێک کەوێنن ، بەڵێ ئەوە ڕێک یەکێ کە مەبەستانەی شاعیری  نەمرە کە دەزانێ نەتەوەی کورد بێجگە لە خۆی وبیر وباوەڕی و مێژووی خۆی کە لێک داتەوە دەزانی چ بۆتە ھۆی سەرکەوتنەکانی و  چی بۆتە ھۆکاری  دەستەوەستانی.

بۆیە وێڕای پیرۆزبایی نەورۆز لە ھەموو ئەو قەڵەم وبیر و تێکۆشەرانەی کە بە شێوەی جیاوازەش بۆ یەک ڕیزی نەتەوەکەمان و ڕزگاری کوردستان ھەوڵدەدەن، ھیوای دەرچوون لەو  ڕوژە ناخ ھێژێنانە بۆ کوردستان و کورد دەکەم.

 

2718 ی کوردی 

 2018/03/20

حەمە  حەریری

کاتالۆگ