چەند یادەوەریکی پێشمەرگانە. جەمیل عوزێری

هێزێکی پێشمەرگە لە کوڕانی بە جەرگی کومیتە شارستانی سنە لە شاهۆ بووین. پێشتر بەرپرسانی سیاسی – نیزامی رێککەوتبوون کە تێمێکی چەن کەسی بنێرنەوە بۆ ناوچەی لەیلاخی سەربەرز.

دەمەو عەسر بوو من ئاگام لە هیچ نەبوو تەنها لەگەڵ چەن هاوڕیکی پێشمەرگەم خەریکی شوخی و پێکەنین بوین لە بن دار قوخێکدا  لەولاوە کاک خەلیل محەمەدی ناسراو بە خەلێلە سوور فەرماندەری هێز هات بانگی منی کرد و بەدەم پیاسەوە چوینە خوارترەوە بینیم پێنج هاورێ تر کە بریتی بوون لە : کاک مراد محەمەدی ، کاک مادی بامناوا ، کاک رەحمەت خەلیلی. کاک یەحیا محەمەدی ، کاک ئەحمەد خانیش لەگەڵ چەن بەرپرسێک لەو شوێنە بوون .

کوبونەوەێکی کورتیان بو گرتین و پێان ڕاگەێاندین کە ئەم تیمە شه ش کەسیە بۆ هێندێک کار و ئەرکی تایبەتی حزبی دەچن بۆ ناوچەی لەیلاخ… ، کاک مرادیان وەکوو بەرپرسی تیمەکە و کاک مادیش وەکوو جێگرەوەی دەس نیشان کرا ، من کە جەوانترینی ئەو شەش کەسە بووم تەمەنم تەنها ٢٢ ساڵ بوو لە خۆشیا شاگەشکەم گردبوو کە بو مەعموریەت دەچم .

 خوەلاسە ئێمە خۆمانمان ساز و ئامادە کرد بەو پەڕی ئیمان بە ڕێبازەکەمان و ورەی بەرزەوە ماڵ ئاوایمان لە هاورێانمان کرد و کەوتینە رێ ……،

 گەیشتینە چەمی لولەرز لە ماڵێک لاماندا کە نان و ئاوێک بخوەین و بەرێ کەوین تومەز هەر لەو ماڵە شەهید شارام و شەهید هه ژار خەریکی نان خواردن ببون هەر کە ئێمە گەیشتبوینە بەر ماڵەکە ، خاوەن ماڵە کە و ژنەکەی وایان زانی بوو کە ئێمە ئەفرادی رژیمین خێرا شه هید شارام وشە هید هەژاریان لە درگاێکی پشتەوە رەد کردبوە پشت ماڵەکان کە باخێکی بچوکی لی بوو و ئێمەشیان بە نابەدڵی خوڵک کرد و چووینە ماڵەوە سفرە ێکی سادە و خۆڵکێکی ساردیان کردین بروایان نە ئەکرد کە ئێمە پێشمەرگەین ، زۆر زۆریشم برسی بوو لەسەر سفرەکە کەرەو و ماست و شتیە لێ بوو بەڵام هێندە خۆڵکیان سارد بوو نانی ئەو ماڵەم پێ نەخورا …..،

 هاتینە دەر و هێشتا پەنجا مترێک دوور نەببوینەوە کاک مراد وتی دانیشن تومەز هەستی بە کەسانێک کردبوو لە ناو دارەکانی سەرووتردا کە شه هید شارام منبەری وشە هید هەژار رەزایی بوون ، ئێمە دەس لە سەر پلاپیتکەی چەکە کانمان چاوەرێ بچوکترین جوڵە بووین بەڵام بە خۆشیەوە هیچ شتێکی نەخوازراو رووی نەداو و ئێمەش بەردەوام بووین لە گەشتە کەمان تا گەیشتینە گوندی ئاسکەران ، لە یەکەم ماڵی خوار ئاوای ویستمان تەنها داواێ هێندێک نان بکەین و بەردەوام بین کاک مراد جامانەێکی خستبوە دەور ملی چوە بەر ماڵەکە وکاک یەحیا مارنجیش بە دوای ویدا چوو منیش چومە تاریکی لای دیوارەکە ، یەک دەنگە دەنگ و هەراێک بوو لەو ماڵە مەپرسە ، کاک موراد لە بەرپەنجەرەکە هاتەوە لای یه حیاو وتی باسی ئەفسەر و وپاسدار و شتە ئەکەن ، دیسان چوەوە و تەقەی له درگای ماڵە کە دا ، خانمێک هاتە بەر پەنجەرەکە کامراد وتی ئەوانە کێن لە ماڵتانا ؟ ژنەکە وتی هەر رەفێقە کانی خۆتانن ، کامراد وتی دەی باشە هاتەوە لاێ ئێمە وتی ئەم ئاوایە پڕە لە جاش و پاسدار و لەوە ئەچێت کە مینیشیان دانابێت بەڵام نازانین ژمارەیان چەندە ، ئێمە بەناچاری چوینە بەرامبەر ئاوایەکەوە و دانیشتین بزانین ژمارەی جاش و پاسدارەکان چە ندە ، چون جێگای ئیمە تاریک بو و ئەوانیش لەبەر گڵۆپی تیربەرقەکانەوە بوون ئەوان ئێمەیان نەدەبینی بەڵام ئێمە باش ئەوانمان دەدیت وەک مور و مەلەخ لە ماڵەکانەوە هاتنە دەر و شڵەژابوون چون ئێمە مەعموریەتی شوێنێکی ترمان هە بوو کاک مراد وای بە باش نەدەزانی دەرگیر بوین بویە درێژە مان بە گەشتەکەمان دا…،…..

پەڕینەوە بۆ چەمی قەسریان و سمان ، چەن رۆژێک لەو دەور و بەرەی سوڵتان سەراجەدین و چەمی بێڵوە و … ماینەوە وچاومان بە زۆرێک لە تەشکیلات کەوت و رێنمایی و ئەرکی پێسپردراوی حزبیان وەر گرت و ئێمەش درێژەمەن بە کار و چالاکی خۆماندا ، بڕیارماندا به مە بەستی چالاکیکی تەبلێغاتی و نیزامیش جادەی سەرەکی سنە تاران ببه سین و قسە بو مسافرەکان بکەین ، پێشتر کاک مادی بامناوا قەرار بوو چەن خزم و ناسیاوێکی بێن و بیانبینێت هێشتا نەهاتبوون دەیویست تەگەرە خاتە ناو کارەکە بۆ ئەوەی هێندێک مەعتەل بین تا دوا دیادر لە گەڵ بنەماڵەکەی بکات ، هەر بیانوی ئەهێناوه ، کا مرادیش سۆر بوو لەسەر حەرەکەت کردنمان بۆ شووێنی دیاری کراو ، بەهەرحاڵ ئێمە رێ کەوتین لە پڕ کەروێشکێک لە بەردەمانا هەڵساو دەرچوو ، کامادی وتی ئەها بەغەوس باش نیە بچین کەورێشک یومنی خراوە با سەبر بکەین هاهاها

کا مرادیش وتی مادی بامناوە بەخوا کەروێشک سەهلە کەرگەدەنگیش هەڵسێت هەر ئەچین و هەر واشمان کرد ، سەعات نزیک دەی شەو بوو گەیشتینە بەر جادەکە ، لەوێ لەو شه ش کەسەمان کاک رەحمەت و کاک یەحیامان نارد بۆ نزیک پایگاکان کە ئەگەر لەوێوە نیرو هات ئەوان پێشیان پێ بگرن و ئێمەش چوار کوڕی خومان لە رستورانی سەر جادە کە هاویشت و خێرا تەدابیری پیویستمان کرتەبەر چونکە زۆر دور نەبووین لە پایگاکانی رژیمەوە ، دودانە نەیسان پارک کرابوو من بانگی خاوەن ەکانیانم کرد و وتم هەردو نەیسانە کە روبەرووی یەک لە ناوراستی جادەکە راگرن و هەرواشیان کرد ، من ئوتوبوس و ماشینەکان کە لە سنەوە ئەچوون بو تاران و بە پێچەوانەوە رادەگرت ، کاک مادی ئه ركى چاودێری خەڵکە کە بوو کە یەکجار زور بوون ، کاک ئەحمەد خانیش کارتی شناسایی لە خەڵکانى مه شكوك داوا ئەکرد کە چوار نەفەر ئەفرادی رژیمان شناسایی کرد ولە خەڵکەکەمان جیاکردەوە و کاک مرادیش وەک شێر لە بان شتێکی بەرزەوە کوبونەوەی بۆ سه دان كه س ئەگرت و به ده نگيكى به رز و ره سا ئه يوت ، رژیمی جەنایەتکاری ئاخوندی هیز دەباتە سەر مەقەرەکانی دێموکرات لە کوێە ئێمە لەناو جەرگەی نیشتمانا لەگەڵ خەڵكى خومان دیدار نوێ ئەکەینەوە و عەمەلیاتی نیزامی ئەکەین ، خەڵک زۆر ئەو قسانەی کاک مرادی پێ خوش بوو ، پاش نزیک دوسەعات لە بەستنی ئەو جادە سەرەکیە رژیم هێزی نارد ، هەر کە زانرا ماشینی رژیمە و هيزى سه ر كوتكه ره لە لایەن کوڕانی دێموکراتەوە درانه بەر دەسرێژی چه کەکانیان بە کوژراو و برینداربوه كانيانه وه بە خێراێکی زۆر خويان لە دەستی پێشمەرگەکان قوتار كرد و هه لٓاتن ، خەڵك بە چاوی خۆیان ترسەنوکی ئەفرادی رژیم و ورەی پڵەنگەکانی دێموکراتیان بینی له خوشيا سه رمه ست ببون و ئاشكرا ده هاتن و ناو چاوانيان ماچ ئه كردين و به سا قه و قوربانمان ده بوون

ئيمه ش پاش ئه و چالاكيه خه لٓكه كه مان ئيزن دا و خوشمان دريٓژه مان به ئه ركه پى سپردراوه كانمان دا.

شەڕی ئاوایی گڕ گڕ

پاش ئەوەی ئێمە کوتایمان بە چالاکی بەستنی جادەی سنە تاران هێنا چوینە ناو باخەکانی سەڵواتاوا راست لە بن پاێگاێکی رژیم چوینە ناو باخێک و ماینەوە بۆ ئسراحەت کردن بەڵام دەنگە دەنگی ماشینی سپا و موتوری سپایی نەیانهێشت هیچ وچانێک بەین بە بەردەوامی لە ناو باخەکانا دەسوڕانەوە بەشکەم شوێن پێ پارتیزانانی دێموکرات هەڵگرن.

ئێوارەکەی حەرەکەتمان کرد بۆ سەرتەجەرە و … قەرار بوو لەوێ چه ن کەسێک لە ئەندامانی ناوخۆ ببینین ، ئەو ئەرکە کاک مراد و کاک یەحیا وەئەستویان گرت ، پاش رایی کردنی کارەکانمان لەوێ بەرێ کەوتین بۆ قەسریان ، لە لایەن تەشکیلات و خەڵکەوە ئاگادار کراین کە نیروێکی زۆری چه ن سەدکەسی لە سنەوە هاتوون لە گەڵ گروزەربەتی نەڕان یەکیان گرتوە بە شدەت بەدواتانەوەن ، ئێمە کە لەم پیلانەی رژیم ئاگادار بووین وریایمان زیاتر کرد ، بۆ بینینی بنەماڵە کانیان کاک مراد و کاک یەحیا لە ئێمە جیا بونەوە ، رژیم جاشەکانی خۆی وەک پێشمەرگە ناردبوە گوندی سمان و خۆیان بە پێشمەرگە ناساندبوو و وتبویان کە ئێمە لە رەفێقەکانمان هەڵ بڕاوین کێ سوراغیان پێشمەرگە کان دەزانێت ، رژیم دەیویست بەو تەرفەندە شوێن و جێگاێ پێشمەرگە بدوزێتەوە و بە هێزێکی بێ شومارەوە زەربەمان لێ بات کە بە خوشیەوە لەو پیلانەشی شکەستی هێنا …

ئێوارەێک دەمان ویست بچین بۆ ئاوای دەگن ، پێشتر پیاوێکی هەیکەلدار و کورێکی گەنج کە ئێمە ئەوانمان دەبینی بەرەو لای ئێمە دەهاتن بەڵام ئەوان بە ئێمەیان نە دەزانی و ئەوانیش دەیانویست بچن بو گوندی دگن ڕاگرت و پاش چاک و چونی من لە کاورا هەیکەلدارە م پرسی خەڵکی کویت ؟ وتی من سنەیم ، وتم چکارەیت ؟ وتی دەبیرم ، وتم ئەی چیەکەیت لێرە ؟ وتی جومعەیە هاتووم بۆ ماڵ خەزورم لە دەگن ، وتم ئەزانی ئێمە کین؟ زۆر بە ئسلوبێکی نەشیاو وتی هەرکەسێک هەن بۆ من فەرق ناکات ، منیش وتم رەنگە بترسێت و وابزانێت ئێمە ئەفرادی رژیمین بویە خومانم پێان ناساند و کارت حزبیم پیشانیان دا و دەسم کردە قسەکردن بویان و باسی سیاسەتی رژیم بە نسبەتی کورد و سیاسەتی حزب و وەزیفەی خەڵک و …خوەلاسە هەرچێک لە جانتاما بوو بە دەم رویشتنەوە بۆ ئەو برادەرە باس کرد ، کاک مادیش جار جار قسەکانی من ئەبری و باسەکەی دەوڵەمەنتر ئەکرد بەڵام هەر هیچ ئەو برادەرە ئەسڵەن مێشیشی میوان نە بوو ، من توزێک توڕه ببوم ، چاوم بڕیە ناوچاوی پاش توزێک بێدەنگی دەسم کردە ناو کوڵە پشتیەکەما و کتێبێکی ئەسناد و مەدارک کونگرەی ١٠ و هێندێک روژنامە و تراکتی حزبیم دەر هێنا و دامە کاکی ١٠بیر ، وتی ئەمانە چەس ؟ وتم بیگرە تو ١٠ بیریت و کوردیشیت ، خەڵک کوری دەکاتە پێشمەرگە وبە خوێن بەشداری لە شوڕشا دەکات جەنابتیش پێویستە بە جورێک لە جورەکان بەشداری شورش بکەیت و ئەم کتێب و روژنامانە ببه یتەوە بو سنە و لە ناو هاوکارەکانتا دابەشی بکە ، وتی وەڵا نایبەم ، وتم بو نایبەیت وتی گیانی خومم خوش ئەوێت ، منیش فرە توڕە ببوم … وتم تەڵاقم کەوتبێت بیرێکیشت نیە تا بەو نوەکەیتری دەگەت یاڵا پێشمان کەوە بو ئاوای .

لە دەگنا کوبونەوەمان بو خەڵک گرت و هێندێک کار و باری حزبیمان بە جێ گەیان ، من و کاک یەحیا لە سەرجادەکەی خوار ئاوای نگابان بووین کاک ئەحمەد خانی زەلامێکی هێنا نیایە پاڵ دیوارەکەوە و وتی ئاگاتان لێ بێت و خوی چوەو بە بەر مزگەوت ، لەپڕ لە سەرترەوە بوە زیڕە ، خەڵک دەسیانکردە هاوار و داو وتیان نیرو هات ، گا بەردێک بوو لەسەر جادەکە من لە پشت ئەو بەردە سەنگەرم گرت و یەحیاش لەولاترەوە هەر چاوەرێ نیرو بووین هەر چاوەرێ بووین نیرو نەهات و ئێمەش دوای بە جێ گەیاندنی ئەرکەکانمان دەگنمان بە جێ هیست بەرەو ئاسماندرە و .. .

ناو شوێنەکە نازانم بەڵام هەر شەشەکەمان بو ئسراحەت چوینە ناو چاڵکی پڕ لە دڕک و گیای وشک ، هەر لە قەبری جەماعی ئەچوو خەوتین ئەڵبەت ئەو چاڵە لە ناو باخێک بوو و چوار دەوریشی بە دار گیرابوو ، خاوەن باخەکە تا عەسر نەیزانی شەش کەس لە ناو ئەو چاڵەن ، عەسر ویستمان چای دەمکەین کاوامان بانگ کرد و هاتە لێواری چاڵەکە کامراد وتی وەرەخوارەوە نەهات هەرچیکمان کرد ئەو نەهاتەخوارەوە ئاخری ئێمە چوینە سەرەوە وتمان بو نایتە خوارەوە ، وتی باوکەڕو ئەوە لە کەیەوە لەوێن ؟ وتمان بو؟ وتی باشە چون مار نەتانی خواردوە ؟ کاورای فەقیر ئەیوت وەسە ئەم باخەمان هەیە کەس لەترسی مار نەیوێراوە بچێتە ئەو شوێنە ، منیش وتم پێشمەرگە و مارە یەکیان خۆش ئەوێت زەرەر لە یەک نادەن هاهاها

هێستا خۆر بە ئاسمانەوە بوو ئێمە ساز و ئامادە بووین بچین بو ناو گوندی گەورەی گڕ گڕ ، کا مراد وتی جەمیل تا ئێمە دەکەوینە خۆمان تو و رەحمەت لە پێشەوە بچن ئەم سەر و ئەوسەری ئاوایی بگرن تا ئێمە تین ، من و کارەحمەتیش کەوتینە رێ ، چەن دەقێقەێک هاتینە خوارەوە کابراێک بە تاقی تەنیا خەریکی درەو کردن بوو ، مەرحەبایمان کرد و بەردەوام بووین لە رویشتن ، لە بەێن ئێمە و ئاوایەکه چەمێکی بچوک هەبوو ، من و کارەحمەتیش بە دەم قسەی خۆش و پێکەنینەوە لە ناو بێشە دارگەلێک کە گشتیان بڕیبوەوە هەنگاومان دەنا لە پڕ لە ئەوبەر چەمەکە چاوم کەوتە کومەڵێک جاش و پاسدار ، وتم کارەحمەت ئا جاش و پاسدار ، کاک رەحمەت چون تەجروبەی لە من زیاتر بوو دەستی دایە چە کە کەی و بە ڕاکردن خوی گەیاندە چەمەکە و لە تیرەس دوژمنا نەما ، منیش هاتم رابکەم خۆم بگەێنمە چه مەکە پام لە بنەدارێک گیری کرد و کەوتم و تەقە دەستی پێ کرد ، چون هەم ئێمە و هەم جاش و پاسدارەکانیش شوێنەکەمان جورێک بوو بو پاراستی خومان لە فیشەک دەبوا هەردولامان خۆمان بگەیاندا یا چەمە کە، دەبوا روبەرووی یەک بە تەقە کردنە وە بە ڕاکردن بچوینایت بۆ چه م، راست لە دوئل ئەچو ، بە تەقە و راکردن بچیت روبەروی فیشيک و دوژمن ، من چون لە کەوتنەکا ئازاری فرەم پێگەیشتبوو کە هە ڵسامەوە نەفە سم بو نە ئەهات لە تاو ئازار ، چون بەو کۆڵە پشتیە قورسەوە بە زکەوە کەوتمە مل کوتە دارێکا بەشەرەف فیشەک لێمی بداێت ئازاری کەمتر دەبوو ، حەزم ئەکرد فیشەکێک بمپێکێت لەدەس ئێش و ئازاری سکمەوە رزگارم کات ، بە بێ ڕاکردن هەر بە شەڕەتەقە خۆم گەیاندە لای کارەحمەت ، وتی بریندار نیت ؟ وتم نە ، ئێمەو پاسدارەکان ١٠٠ بۆ ١٥٠ مترێک فاسڵەمان هەبوو ئەوان هەم گروی زەربەتی کامیاران و هەمیش هی موژژ پێکەوە بوون زور بوون نیوەیان دەستیان گەیشبوە ماڵەکان بە ئارپیجی و قەناسە و ئەنواعی چەک تەقەیان ئەکرد ، ئەوانەشیان وا نزیکی ئێمە بوون جەماعەتێکیان کوژراو و بریندار بوون و لەو مەیدانە کەوتبوون بە نارنجەک فشاریان بۆ هێنابووین بۆ ئەوە نەچینە سەریان ، چونکە ئەوان توزێک جێگاکەیان بەرزتر بوو لە ئێمە ، ئێمەیان نە ئەپێکا چونکە ئێمە زۆ زۆ جێگامان دەگوری ، ئەونەم نەزانی لە پشت سەر ئێمەوە بووە تەقە و قرچەێک چولەکە بە ئاسمانەوە دەر نەدەچوو ، گشت فیشەکانیش لە سەرووی شان و ملی ئێمە رەد ئەبوو ئینجا دەگەیشتە خزمەتی برادەرانی جاش و پاسدار هاهاها یەک گیزە گیزێک بوو بە دەورمانا مەپرسە ، تومەز ئەو چوار هاوریەمان هاتونەتە هانای ئێمەوە ناشزانن ئێمە ماوین ، مردووین ، لە کوێن ئەوان و جاش و پاسدار چونە یەکا و شەری گەرم دەستی پێ کرد و ئێمەش لە بەینی فیشەکبارانی هەردولا گیرمان کردبوو ، شەریکی توند بوو ئەگەر من و کا رەحمەت بو ئاوایەکە بچوینا پاسدار تەقەی لێ ئەکردین ، ئەگەریش بو دواوە بچوینا پێشمەرگەکان لیان ئەداین ، وتم کارەحمەت هەزار گیانمان هەبێت یەکێکی دەر ناکەین بەدەست پێشمەرگە وە ، هەر نەمان ئەتوانی سەر هەڵ بڕین لە ترسی فیشەکی پێشمەرگە ، ئاخری بە ماندووبونێکی زۆر چوینە سەرترەو من بانگی کا مراد و کا مادیم کرد ئنجا زانیان ئێمەین و ماوین ، لە و گرمەی شەڕا کامراد وتیە من و کامادی بە پەلە خۆتان بگەێنه ئەو سەر لوتکە با پێشگیری هە هاتنی نیروی کومەکی بکەین و ئێمەش روبەرووی ئەو گشتە جاش و پاسدارە هەڵکشاین بو سەر شاخ و ئەوانیش بە دڵی خۆیان تەقەیان لێ ئەکردین کە بە خۆشیەوە نە پێکراین.

شتێکی سەێر لەو شەڕا ئەوە بوو لە و گشتە شه ڕ و هەڵاو فیشەکبارانە ئەو کاورا کە پێشتر باسم کرد درەوی ئەکرد لە گەرمەی شەرەکا وازی لە درەوکردنی خۆی نەدەهێنا ، جار جار پشتێکی راست ئەکردەو سەیریکی ئەکرد و دیسان بەردەووام ئەبوو لە درەو کردن ، لەو شەڕەدا ژمارەێک جاش و پاسدار کوژران و بریندار بوون ، کاک یەحیای ئێمەش لە پەنا دارێکا سەنگەری گرتبوو و سەرگەرمی شەڕ بوو بە قەناسە ئەو دڵە پاک و پڕ لە هیوایەیان کردە نیشانە بەڵام بە خۆشیەوە فیشەکەکە تەنها سەتحی لەمسەر بۆ ئەوسەر سنگی بڕیبوو و دڵی کاک یەحیا سەلامەت بوو شووکر.

دو پێشمەرگە خۆیان دە کە نە ناو پادگانی ( مەعەسکەری ) موژا

ئێمە زۆر بە باشی و وریایەوە ئەرک و کارە حزبیەکانمان بە چی ئەگەیاند ، شەوێک بۆ پێوەندی گرتن لە گەڵ خەڵک لە نزیک خامسان ( شارە دێکە ) چوینە گوندێک ، هەر لە سەر رێگای گوندە کە دودانە کامپاو یەک دو ماشێنێک پارک کرابوون تومەز خانێکی دەوڵەمەندی کرماشانی بە ناو ئیرج خان لەو گوندەیە و خەریکی کەباب کردن و قلیان کێشان بوو یەکێک لە رانەندە کامپاکانی کە پێشتر گرتبوومان وتی ئیرج خان ١٨ دانە کامپای هەس ، کە چوینە لاێ ئیرج خان هەشت نو پیاو لە خزمەتیا بوون ، ئەویش شانی دابوە سەر یەک دو سەرینا و لەسەر لا راکشابوو و قلیانی ئەکێشا و خەڵکانی تریش خەریکی گوشت برژاندن و کە باب کردن و خزمەت کردنی بوو ، هەر کە ئێمەی بینی بەو ریش و پەشمەوە لە پڕ وەک غەزەب هەڵمان کوتا سەری دەسێکی خستە سەر دڵی و لە بەرمان هەڵسا ، کاک موراد وتی جەنابت ئیرج خانی وتی بەڵی، کا مراد وتی ئەزانی ئێمە کێن ؟ وتی نەوەڵا، وتی ئێمە پێشمەرگەکانی حزبی دێموکراتی کوردستانی ئێرانین ، باش جەنابت ئەناسین، هەروای وت خێرا بەرێزەوە وەری گرتین و تەعارفی دانیشتنی کرد و دەستوری دا گوشت و کە باب ئەڕایان کورەکان بارن و خزمەتیان بکەن ، کا مراد وتی سپاس ئێمە بو گوشت و کە باب نەهاتووین ، بە نانە رەقەکەی خۆمان رازین … ، ئەزانین کە جەنابت ١٨ کامپات هاس و خاوەن سروەت و سامانێکی زۆریت لە کرماشان و تا ئیستاش هیچ یارمەتیکی شورشت نەکردوە ، ئیرج خان پیاوێکی مەنتقی بوو وتی راستە ، کامراد وتی ئێمە بە گیان شورش دەکەین لازمە تویش بە ماڵ یارمەتی شورش بکەیت ، وتی وەسەر چەو ئیوە چه بویشن لە خزمەت دام… ، کا مراد وتی تو پێویستە دە ملیون تمەن یارمەتی شورش بکەیت ، ئەوکات ١٠ ملیون فرە بوو وەکوو پۆڵی ئیستە بێ ئەرزش نەو ، ئیرج خان وتی وە بان چاو ئیسە من ئە مەبلەغەم پێ نیە پیاوەکانم دەنێرم بو خامسان با ئەو پویلە بارن …، ئێمەش ئیزنی دودانە لە پیاوەکانیمان دا بە تویتاێکەوە و خۆمانیش دو نگابانمان لە خوار ئاوایەوە دانابوو زۆ زۆ پوستەکانمان عەوەز دەکرد ، ئیرج خان زۆ زۆ قەسەمی دەخوارد بە زاراوەی شیرینی کەلهۆڕی دەیوت وەشیر داڵکم لازمە گوشت و کە باب بخوەن و دەستوری ئەدا گوشت و کە باب و جەرگی برژاوی سینی لەسەر سینی ئەهاتن و ئێمەش باشمان خوارد ، پاش ماوەێک ماشینەکە گەرایەوە لەو خامسان کە شارە دێکە تەنها پەنج ملیونیان دەس کەوتبوو ، ئیرج خان وتی ئەمە ٥ ملیون ، سوزی ئیوارە وەرن بو فڵان کانی و باخ کە کاک مراد پی دەزانی ئەو ٥ ملیونەکەی تریشتان بو تیرم ، کا مراد رەسیدی ئەو پارەیە کە کەغەزی مورکراوی رەسمی حزب بوو پێدا و دو جار وتی ئیرج خان سبەی ئێوارە سەعات پەنج لەوشوێنە یەک ئەبینین وتی حەتمەن بە سەر چاو ، ئێمە لە و ئاوایە وەدەر کەوتین و درێژەمان بە جەولەی خۆمان دا ، پاش هێندێک کارو باری تری حزبی کە بە جێمان گەیاند .

بۆ حەسانەوە چیایکی نزیک خامسان مان هەڵ بژارد و تا عەسری روژی دواتر لەوێ ماینەوە ، لەبەر ئەوەی رژیم بە شدەت بە دوامانەوە بوو و تەنانەت ئەچوینە هەچ گوندێک چه ندین گوندی دەور و بە ری ئەو شوێنەی تەوق ئەدا ، بو ئەوەی رژیم شک نەکات ،فەرماندە مراد باخێکی نزیک پادگانە کەی موژژی دیاری کرد بۆ حەسانەوەو ، هێندێک ئەرکی حزبی بۆ ئەو چوار هاوریە مان دیاری کردن و وتی ئێوە چوار کەسی پاش بەجێ گەیاندنی ئەرکە کانتان بچن بۆ ئەو باخە ، من و جەمیل یش دەچین بو کانی و باخەکەی ئیرج خا ن و دواتر ئێمەش دەگەرینەوە ئەو باخە ، یەحیا مارنجی چون خۆی خەڵکی ئەو شوێنە بوو دوجار وتی کامراد شەو تاریکە لە گەڕانەوه دا ئالەو شوێنە وە بێنەو نەکەن لەولاوە بچن راست ئەچنە ناو پادگانەکە ، کامراد وتی باش خەمتان نەبێت ، ئەو چوار کەسە بەرەوە شەرق و من و کامرادیش بەرەو غەرب کەوتینە رێ راست ١٨٠ دەرەجە موخالفی یەکدی حەرەکەتمان ئەکرد تا سەر ئەنجام ئێمە گەیشتینە شوێنی دیاری کراو و …..

هەوا تاریک ببو دەبوایا ئێمە چەندین سەعاتی تر رێگە ببڕین بەرەو دو ، خوەلاسە دوکوڕی گورج و گۆڵ رێگە کانمان دەبڕی و شاخ و داخ و دوڵ و نشێوەکانمان جێ دەهێشت ، لە ناو چە م و ئاوێکا لە ژێر چەن بن دار گوێزی بەساڵاچوو ئیستێکمان کرد تا وچانێک بەین و ئاوێک بخوەین و دیسان بەردەوام بین ، کامراد لە ناو کوڵە پشتیەکەیا چەن پارچە قەنێکی خستە ناو مەتارە ئاوەکەی و شه ڵه قاندی ونانی دەر ئەهێنا و بە قەوڵی خۆی بە حاجیاوەو دەیخوارد ، منیش فێری ئەو بەزمە بووم نان و ئاوی شیرینمان خوارد و هێندێک وزەمان گرت و بەرێ کەوتین ، زۆر زۆر تاریک بوو ، من و کا مراد سێ چوار مەترێک فاسڵەمان هەبوو لەبەر تاریکی جاروا بوو دەبوایا من گوێم لە دەنگی پای کامراد بگرتایا ئینجا ئەمزانی بەرەو کوێ ئەچێت …،

ئێمە زۆرمان نە مابوو بگەینە شوێنی مەبەست لە دوورەوە بە و نیوەشەوە توش و تاریکە بوە شەڕە تەقە ، کامراد وتی بەخوا ئەوکوڕانەن دەرگیر بوون …، سەرئەنجام کاتژمێر سێ و نیو و چواری نیوە شەو بوو گەیشتینە لای سیم خاڵدارێک کە پێمان وابوو تەلبەنی بەخەکەیە کە دیاریمان کردبوو ، کامراد وتی جەمیل فرە بەرزە وتم هیچ نیە وەرە من دەسم ئەگرم تو بچوە سەرەوە من خوەم تێم ، بە هەزار زەحمەت لە سیم خاڵدارەوە چوینە سەر و خومان خستە خوارەوە هێندێک دەس و قاچمان بریندار ببون و جلەکانیشمان هێندێک دڕابوون ، هەر بەدەم رویشتنەوە کە ئەچوین نزیک ماڵ و بیناو و شتە دەبوینەوە کاتێک ڕوانیم ئەو هەموو زیلی سەربازی و تانک و ماشین ئاڵاتی عەسکەریە م بینی و نیگابانەکانم بینی دو دو دەهاتن و دەچون وتم کامراد دانیشه وتی بو ؟ وتم رێگەکەمان هەڵە کردوە هاتوینەتە ناو پادگانەکە ، کامراد سەێری کرد وتی بەغەوس راس ئەکەیت ، ئێمە لە تاریکیا بووین کەس ئێمەی نەدەبینی ، پادگان شڵه ژا بوو نەک بەخاتر من و کامراد بەخاتر ئەو کورانە کە لە دەشتەکانی کەیلەولانا کەتبونە کەمین و لەشەڕدابوون …،

کامراد وتی وەرە با زۆ بچینە دەرەوە رەنگە لەو شەر و هەڵایە ئەو کورانە شەهیدیان داوێت ، زور عەسەبی ببو ، منیش بەدەم پاشه کشە وە بە پێکەنینەوە وتم کامراد خۆ ئێمە تازە هاتوینە ناو پادگانەکە و لەولاشەوە تەقەیە ، درەنگ یان زو هەر شەهید دەبین وەرە با دەسکەینە تەقە کردن لە ناو ئەم پادگانا تا ئاخر فیشەک شەڕ ئەکەین ئەگەریش کوژراین ناوبانگ دەر ئەکەین خەڵک ئەێژن دو پێشمەرگە ئەیانویست پادگانێک بگرن هاهاها ،

کامراد توڕە بوو وتی بەشەرەفت ئیستە کاتی ئەو شوخیانەسە ؟ خولاسە دیسان بە بەدبەختی لەو سیم خاڵدارە چووینە سەرەوە ، دەورێکی باشمان لێداوە تا گەیشتینە باخە کە ، پاش چارەکە سەعاتێک لە گەیشتنی ئێمە بە خۆشیەوە ئەو هاوریانەشمان ساق و سەلامەت گەیشنە باخەکە ، بە وگشتە شەکەتیەوە بەیانیەکەشی جاش و پاسدار نەیان هێشت بحەسینەوە هێرشیان کردە سەر شوێنەکەمان تابڵی گشتمان هیلاک بووین بە ناچاری هیشتا خۆر هەڵ نە ها تبوو ئێمە دامانە شاخ و چوینە سەرەوە و لە سەنگەرا ماینەوە و سەیری جاش و پاسدارەکانمان دەکرد بە ترس و لەرزەوە باخەکان دەگەڕان.

ئەمە بیرەوەری شەوێک بوو لە جەوڵەێکی چەند مانگەی پێشمەرگانە

ئیوە ساق و کوردستانیش ئاوەدان

ئاگاداریەان
مەلا حەسەن شیوەسەڵی
مەلا محەممەد جوانڕۆیی
ئارشیو