هۆشەهیدانی نیشتمانم ، خالید خورینجی

هۆ شەهیدانی نیشتمانم ،  ئەی  شێرو پڵینگ و هەڵۆ و

ئەی بازە چاو گەشە کانی گەلی کورد و کوردستانم


 

چۆن  ئەتوانم  دەرچم  لە  ڕێبازتان ئەی سەروەرانم،

چۆن ئەتوانم من ئێوە لە  بیری خۆم ببە مەوە

چۆن ئەتوانم شەمۆلەی شین و شەپۆڕ و خەم

لە ناو جەستەی شەق وشڕو کش و ماتم دوور کەمەوە .

 

 دڵنیابن بە فرمێسکە ساردو سڕە خوێناوێ کانی

 چاوە مات و مەلولەکانم لە بەرزترین  لوتکەی

شەڕەفا پەیکەری مرواریتان بۆ بەرز دەکەمەوە.

ئاخر چۆن  ئەتوانم  جێگای پێڵاوە ساددە و  ساکارە

 

کانتان لە سەر خۆڵە پۆتی  ڕێگا دورو سەختەکانتان

نە ناسمەوە.

چۆن ئەتوانم خاکە خوێناوێکەی ژێر تەرمی پیرۆزتان

جێ بهێڵم و دارو بەردو خاک و خۆڵی بە زمانم

نەلێسمەوە.

چۆن ئەتوانم لیباسە خاکێ کانی بەرتان فەرامۆش بکەم و

لە سەر بەرزترین لوتکەی چیای نیشتمانا لە گەڵ ئاڵای

بەرزو پیرۆزی کوردستانا نە شەکێنمەوە.

چۆن ئەتوانم خۆنەویستی و گەل و نیشتمان پەرستیتان

لە بیرو هزر و هەستم  دوور کەمەوە.

چۆن ئەتوانم سادە وساکاری و ویژدانی پاکتان لە سەر

روناکای چاوە کانم بستڕمەوە.

چۆن ئەتوانم  ورە  بەرزی و چاونەترسی و ئیمانی

پۆڵاینتان  لە سەردڵ و بیل بیلە کەی هەر دووک

چاوەکانم نە نوسمەوە.

چۆن ئەتوانم زامە گەورە کانی سەر جەستەتان بە چەکی

داگیرکەران و زۆڵە کوردە کانا بیر بەرمەوە.

چۆن ئەتوانم کۆتای هێنان بە ژیانی سەربەرزانەی خۆتان

بە نارنجۆکە کانی خۆتان بیر بەرمەوە.

چۆن ئەتوانم کۆڵە پشتێ کانی پشتتان کە جیا لە چەند

لەتکە نانێکی  وشک و سابونێکی بچکۆڵانە و خاولە

یەکی سوک و چەند فیشەکێکی زیادی  هیچی تری

 لە ناو خۆیا عەشار نەداوە بیربەرمەوە.

 ئاخر چۆن ئەتوانم ئەو غەدرو تاوانەی بەرامبەرتان

هەزاران جار نەڵێمەوە نەڵێمەوە.

هەزاران سڵاو لە گیانی پاکی سەرجەم شەهیدان ڕێگای ڕزگاری کورد و کوردستان بە گشتی و شەهیدانی ٢٠گەلاوێژی ١٣٩٧ هەتاوی بە تایبەتی .  ڕوحیان شادبێ و ڕێگاو ڕێبازیان پڕڕێبواربێ ،  مەرگ و نەمان بۆ کۆماری دژی ئیسلامی و چڵکاوخۆرە سەرشۆڕە سپڵە و نەزانەکانی .

خالید خورینجی ٨/١٦/٢٠١٨

نوێترین بابەت و هەواڵ
ئارشیو