چه‌رخی مێژوو؟؟، سولەیمان ئەحمەد نەژاد

 چه‌رخی  مێژوو وه‌کو ده‌ستاڕ من  ده‌هاڕێ،  

که‌س نابینم له‌ ده‌وری خۆم،   cherxi-meju-0

خه‌میش خۆیکردوه‌ به‌ هاوڕێ؟

له‌و ڕۆژه‌وه‌ له‌ نیشتمان دابڕاوم،

له‌ ناو هه‌ر کۆڕ و مه‌حفه‌لێک،

له‌ جێی پێکه‌نین گریاوم؟

زێده‌ دوورم، له‌ بێکه‌سیدا خاراوم،

هه‌رچه‌ند ئێستا هه‌م به‌جه‌سته‌،

به‌ڵام وه‌کو هه‌ودا، به‌ ده‌ستی گه‌ردوون بادراوم؟

ساڵه‌هایه‌ له‌ گه‌ڵ بێکه‌سی شه‌ریکم،

له‌ هه‌رچی خۆشیه‌ک ته‌ریک و ،

له‌ گه‌ڵ خه‌ماندا ڕه‌فیقم؟

له‌ هه‌ر شوێنێک خه‌م ده‌بینم،

چارم نیه‌ ئه‌ بێ  بیخۆم،

له‌ وڵاتی خه‌م و ئه‌ندێشه‌،

له‌ خه‌م زیاتر ئه‌دی چی بخۆم؟

چه‌رخی مێژوو وه‌کو ده‌ستاڕ من ده‌هاڕێ،

که‌س نابینم له‌ ده‌وری خۆم،

خه‌میش خۆیکردوه‌ به‌ هاوڕێ؟

ئاگاداریەان
مەلا حەسەن شیوەسەڵی
مەلا محەممەد جوانڕۆیی
ئارشیو