گەڕان بە دوای پێناسەیەک بۆ بونیاد گەرایی ئیسلامیی، ئه‌یوب ئه‌یوب زاده‌

لە چەند ساڵی ڕابردوودا بزووتنەوەی بونیادگەرایی ئیسلامیی لە ڕۆژھەڵاتی ناوەڕاست و سەرویی ئەفریقا تین و گوڕێکی بێوێنەی بەخۆیەوە گرتووە. ayob-ayobzade

ئەو ھێزەی کە تەنیا جاران دەیتوانی لە قاوخی دەستەیەکی بچووکی وەک فیداییانی ئیسلام لە ئێران و لە سوریە و ئەلجزایر جموجۆڵ لە خۆی بنوێنێ، لە ساڵانی پێش کۆتایی ھاتنی ئەم سەدەیە و بەتایبەتی لە دوای بڕانەوەی شەڕی سارد لە ھێندێک وڵاتدا توانی زۆر بە سانایی دەسەڵاتی سیاسی بگرێتە دەست و، لە ھەندێکی تریش شەپۆلی تووڕەیی و ناڕەزایەتی خەڵک بە دژی ناوەند بقوزێتەوە و بیخاتە ژێر ڕکێفی خۆیەوە. لە ئێران بونیادگەرایی ئیسلامی توانی ڕێبەری ڕاپەڕینی ڕێبەندانی ساڵی 1357 ی ھەتاویی گەلانی ئێران بە دژی ڕێژیمی پاشایەتی قۆرخ بکا و نیزامێکی ئیسلامی دابمەزرێنێ. لە ئەفغانستان تالیبان توانی بۆ ماوەی چەندین ساڵ دەسەڵاتی ڕەش و بێبەزەییانەی خۆی لهو وڵاتە بسەپێنێ. لە سودان بونیادگەرایی ئیسلامیی توانی لەڕێگەی کودەتایەکی سەربازییەوە دەسەڵات بگرێتەدەست. ھەر لە درێژەی ئەم دۆخەدا لە وەڵاتانی میسر و لوبنان و عێراق و باشوور و ڕۆژھەڵاتی کوردستان توانیویانە ڕەوتی بەھێز بوون و بەخۆداھاتن بپێون. لە ناو ھەناوی ئەو باروودۆخە دا ھاتنەئارای دەوڵەتی ئیسلامیی عێڕاق و شام، ناسراو بە داعش وەک ھێزێکی تاوانکار و دڕندهی تر، دەتوانین بەم لیستەیە زیاتر بکەین. بەم جۆرە وەک دهبینین دیاردەی بونیادگەرایی ئیسلامیی بەشێکی بەرچاوی وڵاتانی ناسراو بە جیھانی سێیەمی گرتووتەوە و کەمتر ڕووداوێکی خوێناویی و بێبەزەییانەی وەک سەربڕین و سووتاندن و تەقاندنەوە بەدیناکرێ، جێی شەقڵ و مۆری بونیادگەرایی ئیسلامیی پێوە دیار نەبێ.

تکایە ئێرە کلیک بکەن بۆ خوێندنەوەی سەرجەم بابەتەکە PDF

ئاگاداریەان
مەلا حەسەن شیوەسەڵی
مەلا محەممەد جوانڕۆیی
ئارشیو