شـــــــــــــه‌ڕ ده‌بـــــــــــــارێ؟؟، سولەیمان ئەحمەدنژاد

شه‌ڕ ده‌بارێ؟  

له‌گوند، له‌ شار 

له‌ سه‌ر پایته‌ختی  suleiman-ahmadnjad

هه‌ر وڵاتێ؟

کاروانی

ئاشتی

مانددویه‌ و

هه‌ر ناگاتێ؟

شه‌ڕ ده‌بارێ؟

له سه‌ر شه‌قام، له‌ کافتریا، له‌ ڕاستورانت

له‌ سینه‌ما، له‌ کلیسا، له‌ میعڕابی

هه‌ر مزگه‌وتێ؟

شه‌ڕ ده‌بارێ؟

له‌ ناو ده‌ریا، له‌ سه‌رگه‌می

له‌ ئاسمان و له‌ سه‌رسه‌کۆی

پانی زه‌وی؟

شه‌ڕ ده‌بارێ؟

له‌ ناو کانگای

مرۆڤایه‌تی؟

له‌ سه‌ر سفره‌ی داکۆکانی

ماف و ئاشتی؟

شه‌ڕ ده‌بارێ؟

له‌ سه‌ر به‌رماڵی مووریدانی

خانه‌قا؟

له‌ ناو ماڵی کافر، گاور، شێخ و

گه‌دا؟

شه‌ڕ ده‌بارێ؟

له‌ ناو گه‌ڕی

هه‌ر داوه‌تێ؟

ژێر سێبه‌ری

هه‌ر ساباتێ؟

کاروانی

ئاشتی

ماندوویه‌ و

هه‌ر ناگاتێ؟

شه‌ڕ ده‌بارێ؟

له‌ ناو ده‌ستی خه‌ڵیفه‌یه‌کی

ریشن و

چڵکن؟

ئه‌وانه‌ی وا تینووی

خوێنن

هه‌موویان وه‌کو

یه‌ک ده‌ چن؟

شه‌ڕ ده‌بارێ؟

له‌ سه‌ر هه‌ر بازگه‌و بنارێ

له‌ ناو چنگی هه‌ر ریشدارێ

له‌ ناو زاری

هه‌ر ئه‌شکه‌وتێ؟

کاروانی

ئاشتی

ماندوویه‌ و

هه‌ر ناگاتێ؟

 

سلیمان

2015/12/03

کاتالۆگ