سروشت وسیمای راستەقینەی پێشمەرگە، حوسێن نازدار

پیشمه‌رگه‌ ئه‌و مرۆڤه‌ راستەقێنه‌یه که‌ له‌ پێناو رزگاری و ئازادی و به‌ختیاری گه‌ل و نیشتمانه‌که‌یدا، له هه موو خۆشی و ئاسووده‌ییه‌کی ژیانی گوزه‌راوه‌husen-nazdar-01

و له‌و رێبازه‌دا به‌شێوازی ره‌واو گونجاو، شێلگیرانه‌، ئازایانه‌ و چالاکانه‌ خه‌بات ده‌کات.

پێشمه‌رگه‌ ئه‌و مرۆڤه‌ مافخوازه‌یه‌ که ‌دژی چه‌وسانه‌وه‌ی مرۆڤ به ‌ده‌ستی مرۆڤه و له ‌پێناو بنبڕکردنی هه‌رچه‌شنه‌ سته‌مێکی چینایه‌تی، ره‌گه‌زی، ئایینی، نه‌ژادی و نه‌ته‌وایه‌تی دا خه‌بات ده‌کات.

پێشمه‌رگه‌ ئه‌و مرۆڤه ‌تێکۆشه‌ره‌یه‌ که ‌له‌ پێناو چه‌سپاندن و سه‌ ر‌که‌وتنی دیموکراسی، مافی مرۆڤ، مافی نه‌ته‌وایه‌تی، فره‌چه‌شنی و پلۆرالیزمی سیاسی دا خه‌بات ده‌کات.

پێشمه‌رگه‌ ئه‌و مرۆڤه ژیر و بیر کراوه‌یه که ‌له‌ پێناو به‌رزکردنه‌وه‌ی هه‌ستی نیشتمانپه‌روه‌ری، هۆشیاری نه‌ته‌وایه‌تی و به‌هێزکردنی ئیراده‌ی سیاسی گه‌له‌که‌یدا خه‌بات ده‌کات.

پێشمه‌رگه‌ ئه‌و مرۆڤه‌ پێشکه‌وتنخوازه‌یە که‌ لە پێناو چاکسازی، نوێبوونه‌وه‌، گۆڕان و گه‌شه‌ی سیاسی، کۆمه‌ڵایه‌تی و ئابووری نیشتمانه‌که‌یدا خه‌بات ده‌کات.

پێشمه‌رگه‌ ئه‌و مرۆڤه‌ خۆشناو ده‌ست و زمان و داوێن پاکه‌یه‌ که‌ پارێزگاری له‌ حورمه‌ت و که‌رامەتی مرۆڤ، سه‌روه‌ت و سامانی گشتی، مێژوو، زمان ،کولتوور و که‌له‌پووری ره‌سه‌نی نه‌ته وه‌ و نیشتمانه‌که‌ی ده‌کات.

پێشمه‌رگه‌ ئه‌و مرۆڤه‌ هۆشیاره‌یه‌ که‌ به‌ زانین و تێگه‌یشتنه‌وه یاساو رێساو و دیسیپلینی گه‌ل و نیشتمانه‌که‌ی په‌سەند ده‌کات و له‌ پێناو سه‌لماندن و چه‌سپاندن و سه‌رکه‌وتنیدا خه‌بات ده‌کات.

پێشمه‌رگه‌ ئه‌و مرۆڤه‌ ئاشتیخوازه‌یه‌ که‌ له‌ مه‌یدانی “شه‌ری ره‌وا‌ و وتوویژی شه‌رافه‌تمه‌ندانه‌ و ئاشتی سه‌ربه‌رزانه‌ و دادپه‌روه‌رانه‌” دا ، لێهاتوو ئازاو چاو نه‌ترسه.

پێشمه‌رگه‌ چرای رووناکی رێگای خه‌باته‌، سۆمای چاوه‌، چاوگه‌ی هیوایه، قه‌ڵای وره‌یه‌، باسکی به‌هیزی گه‌له، پارێزەری راستەقینەی کوردوکوردستانە.

 

حوسێن نازدار

ئاگاداریەان
مەلا حەسەن شیوەسەڵی
مەلا محەممەد جوانڕۆیی
ئارشیو