کۆچی دوایی مام مراد هەمزەیی پێشمەرگەی دێرینی حیزبی دێموکرات لە وڵاتی سوئێد.

مام مراد هەمزەیی خەڵکی گوندی بەردەقەل لە ناوچەی لاجانی پیرانشار و کوڕی حاجی محەممەدی هەمزەی بوو. مام مراد لە ساڵی 1981 ی زایینی لە شەڕێکی بەربڵاو و خوێناوی داmam-murad-0

لە ناوچەی نەغەدە بریندار دەبێ و دەکەوێتە دەست دوژمن و ماوەی سێ ساڵ لە زیندان دا رای دەگرن و بێ ئەوەی حەول بۆ چارەسەری زامەکانی بدەن، لە زیندان رایدەگرن و کەس هیچ هەواڵێکی لە مراد نابێ و پێیان وایە شەهید بووە. دوای سێ ساڵ مراد کە برینەکانی قورس دەبن و لە زیندان پێی ڕاناگەن، لاقێک و دەستێکی دەبڕنەوە و دواتر ئازادی دەکەن,  ساڵی ١٩٨٥ مام مراد خۆی دەگەیەنێتە نێو پێشمەرگەکانی حیزبی دێموکرات. لە گوندی گەرگولی سەرێ شەهید دوکتۆر محەممەد بۆ ماوەیەک برینەکانی دەرمان دەکات و دواتر کۆمیتە شارستانی نەغەدە دەینێرن بۆ ئاسایشگای حیزبی دێمۆکڕات لە نزیک بنکەی دەفتەری سیاسی لە گەورە دێ و بە هەوڵ تێکۆشانی نەمر دوکتۆر قاسملوو هەر ئەو ساڵە مام مراد و چەند پێشمەرگەی دیکە بۆ چارەسەر دەنێردرێنە وڵاتی سوئێد.  ئەم هاوڕێیانە یەکەم تیمی کەم ئەندامانی حیزبی دێمۆکڕات بوون، دوای گەیشتنیان بە سوید بۆ چارەسەری سەرەتایی ناردران بۆ خەستەخانەی شاری لینشۆپینگی سوید و کە بەخشێکیان کردبووە بە ناوی بەخشی 41 ماوەیەکی زۆر مام مراد لە گەڵ هاوڕێیانی تر لە وێ بوون. خزمەتەکانی بەخشی 41 جێگەی رێزن و لەو کاتەوە تا رۆژی کۆچی دوایی مام مراد لە شاری لینشۆپینگ لە سوئێد مایەوە، بە هۆی ئەوەی نەیدەتوانی کارەکانی خۆی بکات لە بەشی پێڕاگەیشتنی کەم ئەندامان و پیران، ژورێکی پێ درابوو و هەر لە ژێر چاوەدێری دابوو.  هەموو ئەندمانی حیزب لە شاری لینشۆپینگ و دەوروبەر تا بۆیان گونجابا، سەردانی مام مرادیان دەکرد.

بەداخەوە مام مراد بە دوور لە کەس و کار و ئازیزانی لە غوربەت سەری نایەوە. مام مراد کەسێکی دڵ پاک و روح سووک بوو.

پێشمەرگەکان: بە بۆنەی کۆچی دوایی مام مراد هەمزەیی پێشمەرگەی پێشووی هێزی ئەفیشین سەرەخۆشی لە بنەماڵە و کەس و کاری مام مراد دەکەن.

دەبێ بگوترێ لەم ماوەیەدا کە مام مراد لە شوێنی خزمەتگوزاری‌یەکانی پیر و بە ساڵاچووان لە شاری لینشۆپینگ لە وڵاتی سوئێد بوو، ئەلحەق مام رەحمان سوڵتانی کە خۆشی  پێشمەرگەی حیزبی دێمۆکڕاتە  لە خەباتی دژی کۆماری ئیسلامیدا کەم ئەندام بووە، زۆری خزمەت دەکرد و هەمیشە یار و یاوەری مام مراد بوو، بۆ زۆربەی کۆبونەوەکان مام مرادی دەهێنا و هەرکات و ساتێک مام مراد کارێکی هەبا، پەنای بۆ یاری هەمیشەیی خۆی مام رەحمان دەبرد.

ئێمە پڕ بە دڵ سوپاسی مام رەحمان دەکەین و سەرەخۆشی تایبەتی لێ دەکەین و هیوامانە هەر ساغ و سڵامەت بێ و هەمیشە یار و یاوەری کەسانی وەک مام مراد بێ.

روحی مام مراد شاد بێ

mam-murad


فارسی
کاتالۆگ