پێشمەرگە…!، عارف عەزیزی

 هەتا چیا لەسەر پێی خۆی، ڕاوەستابێ     

ئەستێرە و مانگ ڕووناکی ڕۆژگاریان پێ مابێ     

 

هەتا زستان ژان بیگرێ و ئاسمان فرمێسکی هەڵڕێژێ

ژنە کوردێک بە دەستی خۆی، لاشەی کۆرپەکەی بنێژێ

 

هەتا دەریا شەپۆل بدا و ئاو تینوێتی گەل بشکێنێ

بولبولی باخ و بێستانم بە دەنگی ئازاد نەخوێنێ

 

هەتا دار و بەردی وڵات پەنام بدەن، سەنگەرم بن

عەرەب و تورک و  عەجەمان، خۆینمژ و داگیرکەرم بن.

 

هەتاکوو خۆر تیشکی مابێ، من پێشمەرگەی کوردستان

ڕێگای چیا دەگرمەبەر، بۆ نیشتمان چەک لە شانم.

 

کۆڵە پشتیم لە پشت دەبێ و چەکی شەرەف لە نێو دەستم

وەک قاسملوو و شەرەفکەندی، ڕێی پێشەوایە مەبەستم.

 

عارف عەزیزی

2017/12/17

 

 

نەمر شێرکۆ بێکەس بۆ قاسملوو
مەلا حەسەن شیوەسەڵی
مەلا محەممەد جوانڕۆیی
کاتالۆگ