بۆ چۆپی کێشەکەی ڕاسانم!، عارف عەزیزی

 چۆپی کێشەکەی ڕاسانم   

تۆ دەزانی!

 ئێستا لە هەموو گۆشە و قووژبینی وڵات

پیر و مێرمنداڵ و لاوت

خرۆشاون بەرەو ئاسۆی ڕوونی خەبات.

 

تۆ دەزانی!

هەموو گوند و کووچە و کۆڵانەکانی شار

پڕن لە بۆنی ئازادی و

لە شوعار و دەنگی هاوار.!

 

تۆ دەزانی!

ئێستا لە هەموو شەقامێکی ڕۆژهەڵات

چۆپیگران،

چۆپێکەی تۆیان بە دەستە و

بە دەوری ڕووناکی مانگدا

دەیگێڕن گۆڤەند و شادی،

بە شیعر و پەشان و سروود

پێشوازی دەکەن لە هەتاو،

لە کۆتری سپی ئازادی.!

 

٤ـ۱ـ۲۰۱٨

عارف عەزیزی

نەمر شێرکۆ بێکەس بۆ قاسملوو
مەلا حەسەن شیوەسەڵی
مەلا محەممەد جوانڕۆیی
کاتالۆگ