"an independent online kurdish website

 ئەگەر چاولە دروست بـونی مــرۆڤ دەکەی دەگـەڵ جـیـاوازی شــێوەی باسەکان، هەر یەکن.ئەگەر تەماشای ژیان و گیان دەکەی هەمویان پێویستیان پێی هـەیـە و وەک یەکن.

 ئەگەر سەیری پێکهاتەی جەستەیان دەکەی یـەک شتـن بـەڵام کـورت درێـژ و جـوان و ناحەزیان هەیە. ئەگەر سەیری مـاف و ئـەرک دەکـەی هـەمـویان مافی مـرۆڤانەی وەک یەکیان هەیە. هـەمـوشیـان لـە بـەرانـبـەر بنەماڵە و کۆمەڵگادا بە پێی زانست و توانای خۆیان ئەرکـیان لـە سەرشانە. دەگەڵ ئەو هەمویەکانە، جیاوازی بیر و بۆچون و خوو خدە و زانست و توانا و زۆریتریشمان هەیە، مێژوی مـرۆڤایـەتـیـش پێمان دەلێی بە بێ یەکترژیان دەوامی نابێ. مخابن ئێمە هـاتویـن لە جیاوازی ئیدە و ئایین کێشەیەکمان دروست کردوە کە تا ئێستا بە لایەک دا نەکەوتوە قـەتیش نـاکەوێی. ڕێگای بەیەکەوە ژیان و هاوکاری کردنی هێمنانە و ئارام گیر ناکەوێ. هەر چەند لە ئوروپادا هەیە، بەڵام ئەویش دڵۆو دڕوی تێدا هەیە.

کێشە قـورسـەکەی ئـێـستـا مـلـمـلانەی نەرێنی ئیسلام و دژە ئیسلامیەکانە. یەکیان هەوڵی لە ناوبردنی ئەویتردەدا کە بەڕای من هەردوکیان هەڵەن. من خۆم موسوڵمانم ،بڕوای تەواوم بەئازادی هەیە ، دەشزانم ئازادی بێ دەرک و دەروازە ، ئازادی نیە ،چونکە هەر کەس و شتێک ئەگەر ماف وئازادی کەسانیتر پێشیل بکا ، ئەوە ئازادی نیە سەرەڕۆیی وبێ سەرەو بەرەییە. ئەوچەشنە ئازادیە ئینسان وحەیوان لێک ناکاتەوە. بەڵام مرۆڤ بە پێی ئەوەی کە شەریفترینی گیان لەبەرانە ، لە هەمویـان زیاتر ئەرکی لـەسەر شانـە ، دەبـێی چـۆن مـافی خۆی دەپـارێزی ئاواش ڕێز بۆ مافی کەسانیتر دابنێ. دەزانم نە ئیسلام ونە هیچکام لە ئایینە ئاسمانیەکان دژی ئازادی نین و دژبەری زۆرداریـن و خواش جەبـرو زۆری بـەلاوە قبوڵ نـیە وفـەرمـویـە( لە دیـنـدا بـەزۆرسەپـانـدن نـیـە) لـەوە گـەڕێین ئێـمـەی موسوڵمان ئەوەمان هەرلەبیر نیە ! بەڵام شاراوە نیە بۆ پاراستنی ئازادی هەرکامەیان بڕیاروڕێنوێنیان هەیەو باوەڕدارانیان دەبێ ڕەچاویان بکەن وئەوانەش کە بـڕوایـان پـێی نیە ئـازادن چۆنی لـێکدەدەنەوە بەڵام بۆیان نیە بێحورمەتی بەباوەڕی کەسانیتر بکەن .

ئێستا کە ڕاپـەڕیــنـی گالانی ئێـران لـە ٣مانگەی تێپەڕاندوەودرێژەی هەیەو تا سەرکەوتنیش ناوەستێ لەهەرڕوانەگەیەکەوە لێی ڕامێنی دەزانی مافێکی ڕەوایەو زاڵمیش بـۆیە زاڵمە چونکە مافی گەلانی بە ناڕەوا داگیرکردوەو دەبێی لێی بستێنیەوە. ئیسلام دژی مافی ڕەوای هیچ گەلێک نـێە. ئەوە ئێمەی مـرۆڤـین یەکمان ئیسلام ویەکیترمان ئـیـدەیەک دەکەیـنە چەتـری بێدادی ولە بـنی داخۆمان دەشاریـنەوەو بە دروشمی پڕزەرق وبەرق خەڵک فریودەدەین . بۆ وێنە ئێمە زۆرباسی خراپی دیکتاتۆری دەکەین. مـن دەپـرسم چ جـیاوازیەک لە نـێـوان دیکتۆری ئیسلامی و دیکتاتۆری پڕۆلیتاریوداگیر کردنی مافی گەلان هەیە ؟! کە من باوەڕم وایـە هەرچی بەزۆر بەسەرت دا بسەپێنن قـبـوڵ نـیەوخـواش دیـنی بـەزۆری ناوێ. ٤٣ ساڵە دەسەڵاتدارانی ئێران زوڵم لە گەلانی ئێران دەکەن ،هەمو مافێکی ئازادیان لە هەمو بوارەکاندا قەدەغە کردوە ، تەنانەت لەجل و بەرگیش دا ئەوەیان قبوڵە کە بـۆخۆیان دەیـانـەوێی. ئـەوڕاپـەڕیـنـە بـە بـاوەڕی مـن ئـەرکی هـەمـو مــرۆیـەکی ئـازادیـخوازە بـەهـەمـو جـیـاوازیـەکانـیـانـەوە بــۆ سەرکەوتنی یارمەتی ڕاپەڕیوان بدەن. بۆئەوانەش کە ئیسلامیان قبوڵەوبڕوایان پێیەتی وبەدرو خۆیان پێوە هەڵـناوەسیوە ، بەشداری لە و خەباتە جەمـاوەریـەدا ئەرکی ئـایینی وئینسانی وئەخلاقی و ویژدانیە ، بەهەر شێوەیەک بۆیان دەڵوێی دەبێ بەشداری بکەن. دژایەتی کردن وبەرەنگار بـونەوەی تاوانـێکە نە مرۆڤایەتی ونەخواش چاوپۆشی لێناکەن سـەزای توندی بەدواوەیە . هەر تاقم و دەستەویەک بـەهـەر نـاوێـک دژایـەتی بـکا دژی هەمو بەهاکانی ئینسانە.

دروست کردنی دژایەتی بەناوی دین و ئیدە دروست دژایـەتی سەرجـەم مرۆفە کانە، چونکە فەلسەفەی دروست بونی مرۆڤ بە زانست وتوانای جیاوازهاوکاری یەکتر کردنە. ڕەنگی جۆراو جۆر بۆ ڕازاندنەوە بـەکار دێ، نـەک بــۆ ئـەوەی یـەکی سپـی و یـەکێ ڕەش کـەیـەوە . زۆرداری، ئـەوەنـدە بەردەوامە هەتا زۆر دار هەیە ،هەر کە زاڵـم نـەما سـروشتـیـە زوڵـمیش نامێنێ. ڕاستە جـاریـوایـە جەبرهێندێک شت بەمـرۆڤ دەکـا ، بەڵام دینی بە زۆر قبوڵکراو نیە چ بگا بـە دژایەتی بـەهـاکانی مـرۆڤ . مـن دڵـنـیـام هەتا زاڵم حاکم بێ ئازادی بونی نیە. ئەوەشمان لە بیر نەچی ڕاپەڕێنەکە جەماوەریە و نابێی مۆرکی هیچ حیزب و دەستەو تاقمێکی بەسەرەوە بێی.ئـەوە دوای سەرکەوتـنە لە هەڵـبـژاردنـێـکی ئازاد دا گەڵ دیاری دەکا کام حیزب دەوری گرینگ و سەرەکی هەبوە. کام حیزب بە ڕای وان شیاوی رێبەری کردنە .

هیوادارم کوردستان ڕزگار بێ و دەرفەتی هەڵبژاردنی دەسەڵاتی ڕێبەری خۆمان بۆ بڕەخسێ.

براتان مەلا ئیبڕاهیمی مەجیدپور ٤ بەفرانباری ٢٧٢٢ کوردی

 ٢٥ /١٢ / ٢٠٢٢ زایینی

نویتـرین هەواڵ و بابەت


فارسی