یەکیەتی ژنانی دێمۆکراتی کوردستانی ئێران لە وڵاتی دانمارک کۆنفرانسی ساڵانەی خۆی بەڕێوەبرد.

ڕۆژی ٩.٦.٢٠١٢ یەکیەتیی ژنانی دێمۆکرات  کۆمیتەی دانمارک ،

 دووهەمین کۆنفرانسی خۆی بە بەشداریی نوێنەری کۆمیتەی دەرەوەی وڵاتی یەکیەتیی ژنان خاتوو شەهین بەهمەن سوڵتانی  لە شاری ئالبۆرگ بەڕێوەبرد.

کۆنفرانس بە سروودی نەتەوایەتیی ئەی ڕەقیب و دواتر ڕاگرتنی خولەکێک بێ دەنگی بۆ ڕیز گرتن لە گیانی پاکی شەهیدانی کورد وکوردستان دەستی بەکارەکانی کرد . پاشان  پەیامی کۆمیتەی گشتیی حیزبی دێمۆکراتی کوردستانی ئێران لە دانمارک،  لە لایەن کاک عەلی خانی ، پەیامی بەڕێوەبەریی گشتیی یەکیەتیی ژنان لە لایەن  کەژال نەسروڵلاهی  ، پەیامی بەڕێوەبەریی گشتی یەکیەتیی ژنان لە دەرەوەی وڵات لە لایەن ئارەزوو دەشتی ، پەیامی یەکەیتیی لاوانی دێمۆکرات ،.دانمارک لە لایەن بێستوون حوسەینی  یەوە خوێندرانەوە .

لە بڕگەی دووهەم دا بەڕێز کاک سولەیمان  کەلەشی بەرپرسی کۆمیتەی گشتیی حیزب لە دانمارک  ، لە وتەیەکی کورت دا تیشکی خستە سەر ئەرک و تێکۆسانی ژنانی دێمۆکرات و هاوکاری یەکانی کۆمیتەی حیزب لە گەل ژنان . دوای وتەکانی کاک سولەیمان ، ڕاپۆرتی کار  وچالاکیی ساڵانەی کۆمیتەی دانمارکی یەکیەتیی ژنان ، لە لایەن بەرپرسی گشتی کۆمیتە ،  نەشمیل ئیسماعیلی یەوە پێشکەش بە کۆنفرانس کرا.

دوای پشوویەکی کورت ،  خاتوو شەهین وتەیەکی لە بارەی کار  وتێکۆسانی ژنانی دێمۆکرات لە دەرەوەی وڵات پێشکەش کرد . پاشان بەشداران لە سەر ڕاپۆرتی ساڵانەی کۆمیتە ڕا و بۆچوونی خۆیان باس کرد .

لە برگەی کۆتایی دا  کۆمیتەیەکی تازە بۆ کار و باری یەکیەتیی ژنانی دێمۆکراتی کوردستانی ئێران هەڵبژێرا کە ئەم بەڕێزانەی خوارەوە بوون :

نەشمیل ئیسماعیلی

شەیدا ساڵح زادە

 کەژاڵ نەسروللاهی

سوعدا هۆوانی

نازدار محەممەدزادە

هەر وەها ٢ کەسیش وەک جێگر هەڵبژێران کە ئەم بەڕێزانە بوون :

جەواهیر محمەممەدی

ڕەعنا خوسرەوی

هەر دوا بە دوای تەوا وبوونی کۆنفڕانس ، لە یەکەمین کۆبوونەوەی کۆمیتە دا ، نەشمیل ئیسماعیلی دووبارە وەک بەرپرسی کۆمیتەی دانمارکی یەکیەتیی ژنانی دێمۆکرات هەلنژێرایەوە.

یەکیەتیی ژنانی دێمۆکراتی کوردستانی ئێران

کۆمیتەی دانمارک{jcomments off}