"an independent online kurdish website

زۆر قسە و باس  لە سەر ئاڵای کوردستان دەکرێ. کەی دانراوە؟ کام شۆڕش یەکەم جار هەڵیداوە ؟ کێ دروستی کردووە؟ و ………. هتد. ala_paris22

بە هاتنە ئارای میدیایەکی بەربڵاو و تۆڕی کۆمەڵایەتیی بەرینی پەیوەندییەکان ، جاری وایە یەک وێنە ولامی سەدان و بگرە زۆرتریش بابەت و  نووسراوە و سیمینار  وباس دەداتەوە.{jcomments off}

 لە تۆڕی کۆمەڵایەتیی فەیسبۆک و لە سەر دیواری تیکۆشەریکی  دیڕینی حیزب  بە ناوی کاک ئیسماعیل قادری ، وێنەیەکم کەوتە بەر چاو کە سرنجی ڕاکێشام. ئەم وێنەیە لە کاتی بە خاک سپاردنی شەهید دوکتیۆر قاسملوو و شەهید عەبدولا قادری ئازەر دا گیراوە کە دەکاتە مانگی ژووئیە( مانگی) ی ساڵی ١٩٨٩ لە پاریس و گۆڕستانی پێرلاشێزی پاریس.

  وێنەکە بۆیە سرنجی ڕاکێشام کە هەر لەو ڕێوڕەسمە دا ئاڵای کوردستان بە شکڵی ئیمرۆیی هەیە. لە کاتێک دا من و ئیوەش دەڵێین ئەم ئاڵایە هەمان ئاڵایە کە ساڵی ١٩٩٢ پارڵەمانی باشوری کوردستان پەسندی کردووە! بەلام ئەم وێنەیە بە بێ شرۆڤە پێمان دەڵێ : هەم ئێمە هەڵە دەکەین وهەم پارڵەمانی کوردستانیش ئەگەر پێیوابێ ئەو ئاڵایەی ئێستا هەمانە یەکەم جار بەم شکڵەی کە هەیە ، پارلەمانی باشوور دایناوە و پەسندی کردووە.  کەوابوو پێش پارڵەمانی کوردستانیش ئەم ئاڵایەی کوردستان هەبووە .


هەر چەند نازانم ئەم ئاڵایە لە لایەن کام ڕێکخراوی کوردی یەوە لەو مەراسیمە دانراوە؟ ( ئەنستیتووی کورد، کۆمکار، یان…..) . دیارە مەبەستم لە ٣ ڕەنگەکە نیە، مەبەستم ڕۆژی ناوەڕاستی ئاڵاکەیە کە ، ئاڵای سەردەمی کۆمار لۆگۆی حیزبی دێمۆکراتی کوردستانی تێدایە .

 هیوادارم کە وڵامی ئەو پرسیارانە وەرگرین.

 دیارە کاک خەلیلی پێشنەماز دەڵێ ئەم وێنەیە هی گۆڕستانەکە نیە. جا کامیان دەقیقە ، من نازانم و هیوادارم ڕوون بێتەوە.

 بەلام تا ئەوەی کە زانیاریان بۆ ناردووم ، ئەم وێنەیە بەرلەوەی جەنازەی شەهیدان ببردرێتەوە گۆرستان ، لە ناوەندی ئەنستیتووی کورد گیراوە .

uala_parisuala_paris_2

نویتـرین هەواڵ و بابەت


فارسی