بسم الله الرحمن الرحيم
الحمد لله و الصلاة والسلام على سيدنا محمد و على آله وصحبه ومن والاه. واما بعد…
سەرەتا داواکارم و دەپاڕێمەوە لە خودای مێهرەبان تاعەت و عیبادەتی هەموو لایەکمان لەم مانگی پیرۆزی ڕەمەزانەدا قەبووڵ بکات.
بەڕێزان مامۆستایانی ئایینی و کەسایەتیە میللی و مەزهەبییەکانی ڕۆژەهڵاتی کوردستان
وەک ئاگاداران ڕێژیمی ویلایەتی شیعە باوەڕی بە هیچ یەک لە بنەما ڕاستەقینەکانی ئایینی پیرۆزی ئیسلام نیە و بە تەقیە و دووڕویی حاکمیەتی خۆی وەک سیستەمێکی دەسەڵاتداری ئیسلامی پێناسە دەکات.
بە درێژایی ساڵانێکە ئەم ڕێژیمە نگریس و ئاژاوە گێڕە بە سەرکوت و زەبر و زەنگ نواندن و ئەشکەنجە و زیندان و ئێعدام و بێ ڕێزی بە سەحابەی خۆشەویستی پێغەمبەرمان موحەممەد (د.خ) لێبێت، دەنگی ئازادیخوازیی هەر تاکێکی کورد بە کوشتن و بێ ڕێزی کردن دەداتەوە و ماڵ و نامووس و سامانی کورد بۆ خۆیان بە فتوای مەرجەعەکانی ویلایەت و حەدیسە درۆینەکانیان بە حەڵاڵ دەزانن.
دەرکردنی حوکمی جیهادی لە دژی نەتەوەی کورد لە لایەن خومەینی و شەهید کردنی دەیان و بگرە سەدان ڕۆڵەی کورد و مامۆستایانی ڕێگەی حەق لەوانە مەرحومی کاک ئەحمەد موفتی زادە و کاک ناسر سوبحانی و ئیمام جومعەی خۆشەویستی شاری کرماشان مامۆستا موحەممەد ڕەبیعی و دەیان تیرۆر و جینایەتی دیکە بەشێکن لە کارنامەی ئاخوندە قەبرپەرستەکانی شیعە لە ڕۆژهەڵاتی کوردستان.
کردنەوەی دەیان حوسەینیە و فاتمیە و ناوەندی فەساد لە ژێر ناوی نیکاحی موتعە(سیغە) و ڕێگریکردن لە دەربڕینی ڕای تایبەتی ئێوەی ئەهلی سوننەت لە کاروباری ئایینی خۆتان و خەڵکی کوردستان و شێواندنی جەژنە مەزهەبیەکانی ئەهلی سوننەت و ڕووخاندنی چەندین مزگەوتی ئەهلی سوننەت لە شار و گوندەکان کوردستان بەشێکی دیکەن لە سیاسەتە چەپەڵەکانی مەلاکانی حەوزە جەهلییەکانی قوم و مەشهەد و ئیسفەهان.
برایانی خۆشەویست و مامۆستایانی بەڕێز!
وەک پێغەمبەرمان (د.خ) لێبێت باشترین نموونەی ئەم ئۆمەتەیە و ئێوەی مامۆستایانی ئایینی ئەو شانازییەتان نەسیب بووە کە ئاڵا هەڵگری ئیسلام و درێژەدەری سوننەتی ئەو پەیامبەرە بەر حەقەی خودای مێهرەبان بن و خزمەتی ئێوەش بە پێی فەرموودەکانی قورئان و حەدیس لە جێگە و پێگەی شایستەدا باس کراوە و جێی دەبێتەوە، کەوابوو بزانن ئەرک و قسە و کردەی ئێوەش پێوانەی تایبەت و شکۆ و هەیبەتی خۆی هەیە.
خودای گەورە دەفەرموێت : (إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الأَشْهَادُ) ”بهڕاستی ئێمه پێغهمبهرهکانمان و ئهوانهش که باوهڕیان هێناوه سهر دهخهین، له ژیانی دنیادا ههروهها ئهو ڕۆژهش که شایهتهکان شایهتی دهدهن”.
کەوابوو گوتنی حەق و پشتیوانی لە ڕێبازێک کە بەرگری لە کەرامەتی نەتەوەی چەوساوەی کورد دەکات و چیدی ناخوازێت داگیرکەر پیلانە چەپەڵەکانی خۆی لە کوردستان درێژە پێ بدات، ئەرکی شەرعی و نەتەوەیی هەمووتانە.
دڵنیابن برایانی بەڕێز پشتگیری خوداش هەرگیز بێ ئەزموون وتاقیکردنەوە نایەت، وەک چۆن سەرکەوتنیش بێ قوربانی نایەتە دەست، با وتەی خودای پەروەردگار ورەتان بیر بخاتەوە و دڵتان بداتەوە : (يَا أَيُّهَا الَّذِينَ آمَنُواْ اصْبِرُواْ وَصَابِرُواْ وَرَابِطُواْ وَاتَّقُواْ اللّهَ لَعَلَّكُمْ تُفْلِحُونَ) ” ئهی ئهوانهی که باوهڕتان هێناوه خۆگربن و خۆڕاگریی و ئارامگریی بهسهر خۆتاندا بهێنن، نهبهزن له خۆگری مانهوهتان له سهنگهردا، ههوڵ بدهن ههمیشه له سهنگهری خهبات و کۆششدا بن، له خوا بترسن و پارێزکاربن بۆ ئهوهی سهرفرازیی (ههمیشهیی) بهدهست بهێنن” .
ئەگەر ئێوەی بەڕێز وەک برا پێشمەرگەکانمان شەڕی مەیدانی ناکەن و لە بەرەکانی شەڕدا ئامادە نین، خۆ نابێت لە ئاست ناحەقی ڕێژیمی شیعە کە لە مەغۆل و تەتار لە حەقی نەتەوە و مەزهەبی ئەهلی سوننەت خراپتر دەجووڵێتەوە بێ دەنگ و بە هەڵوێست بن.
مانای الساکت عن الحق شیطان ٲخرس، واته ئەو کەسەی حەق ناڵێت وەک شەیتانێکی کەڕ و لاڵ وایە. کەوابوو ئەسحابی کەهف کاتێک حازر نەبوون زوڵم و ناحەقی قەبووڵ بکەن چۆن لای خودای خۆیان خۆشەویست بوون، هەر بۆیە ئەو برا پێشمەرگانەی ئێمەش بڕیاریان داوە چیدی زوڵمی ڕێژیمی داگیرکەر قەبووڵ نەکەن، بۆیە لای خودا و خەڵک خۆشەویستن و پێویستە ئێوەی بەڕێزیش پشتیوانییان لێ بکەن.
ڕەنگە چەند کەسێکی ناسراو کە بە هیچ پێوانەیەکی شەرعی و نەتەوەیی شەخسیەتیان بە هۆی کلکە سوتێ بۆ ڕێژیم لە ناو جەماوەردا نەماوە، سەرەڕای خۆدزینەوە لە حق بێژی، لە نوێژی جومعە و لە کاتی خوتبەکان دا قسە و دوعا بۆ پاسدار و جەلادەکان بکەن و بە سەر و باڵای زوڵم دا بخوێنن، بەڵام دڵنیابن لای خودا و خەڵک ڕوویان ڕەشە و تەنیا ڕەنج بە خساری دونیا و شەرمەزاری ئاخیرەت دەبن.
لە کۆتایدا دەخوازم ئێوەی مامۆستایانی ئایینی بەڕێز و سەرجەم کەسایەتیە میللی و مەزهەبیەکانی ڕۆژهەڵاتی کوردستان بە هەر شێوەیەک لە شێوەکان بۆتان دەکرێت یارمەتی برا و خوشکە پێشمەرگەکان بدەن، ئەوان موژدەی ئازادیی و سەرفرازییان بۆ ئێوە و ئێمە و هەموو کوردستان پێیە، تکاتان لێ دەکەم لەو ئەرکە شەرعی و نەتەوەیە درێخی مەکەن و دڵنیابن سەبەرزی دونیا و قیامەت بۆ مرۆڤی حەق بێژ و ئەوانە دەبێت کە زوڵم قەبووڵ ناکەن.
اللهمو صلى على نبينا محمد وعلى آله وصحبه أجمعين، وآخر دعوانا أن الحمد لله رب العالمین.
براتان عارف شێخ ئەحمەدی
23ڕەمەزانی 1437 مانگی
ڕۆژنامەنووس و چالاکی میللی ـ مەزهەبیی کوردستان