ڕۆژی شەممە ڕێکەوتی ١٢ی سێبتامبری ٢٠١٥ی زایینی، کومیتەی ئێسکیلستونای حیزبی دێموکراتی کوردستانی ئێران
بە بەشداری زۆرینەی ئەندامانی لە هەرێمی تەشکیلاتی سوێرملاند و هەروەها نوێنەری کومیتەی گشتی حدکا لەوڵاتی سوید بەسەرپەرەستی ئەنوەر کاکایی بەرپرسی کومیتە، کونفرانسی ساڵانەی خۆی بەڕێوە برد.
سەرەتا کونفرانسەکە دوای سروودی نەتەوایەتی ” ئەی ڕەقیب” و ڕاگرتنی خولەکێک بێ دەنگی بۆ ڕێزگرتن لە گیانی پاکی شەهیدانی کورد و کوردستان، لەلایەن ” هێرش بەهرەمەند” بەخێرهاتنی بەشداربووان کرا.
پاش دیاری کردنی ناوی شەهیدانی ”میکۆنووس”ی بۆ کونفرانس، ڕاپۆرتی کار و چالاکییەکانی نێوان کونفرانسی پێشوو و ئێستا لەلایەن ” حەبیب بەهرامی” بەرپرسی کومیتەی ناوبراو پێشکەش کرا.
دوای پێشکەش کردنی ڕاپۆرتی ساڵانەی بەشی ماڵی کومیتە، ڕێگا درا بە بەشداربووان بە ڕەخنە و تێبینی و پێشنیارەکانییان چالاکانە بەشداربن. هەر لەو پێوەندییەدا دوای باس و لێکۆڵینەوەیەکی زۆر، ڕاپۆرتەکان بە زۆرینەوەی دەنگ پەسەندکرا.
لە بەشێکی دیکەی کونفرانسەکەدا چەند وتەیەک لەلایەن بەرپرسی کومیتەی گشتی ” ئەنوەر کاکایی” و بەرپرسی تەشکیلاتی گشتی ” مەولوود عەبدولزادە” پێشکەش کرا. هەر لەو پێوەندییەدا کومیتەی گشتی حدکا وەک ڕێزگرتنێک لە کار و تێکۆشان و ماندووبوونی کومیتەی پێشووی حیزب لە ئێسکیلستونا، بە نووسراوەیەک و ئارمی پیرۆزی حیزب ڕێزیان لێگیرا.
لە بەشی کۆتایی کونفرانسەکەدا کە تەرخان کرابوو بۆ هەڵبژارن. ئەو بەشەی کونفرانسیش بەسەرکەوتووی کۆتایی پێهات و لە ئاکامدا کومیتەیەکی حەوت کەسی وەک کومیتەی نوێ بۆ ڕاپەڕاندنی کار و چالاکییەکانی ساڵی داهاتوو دێموکراتانە هەڵبژێردرا.
١٢ ـ ٩ ـ ٢٠١٥
حیزبی دێموکراتی کوردستانی ئێران ـ ئێسکیلستونا
