پێشمەرگەیەکی پێشووی PDKI کۆچی دوایی کرد

بەداخەوە هەواڵمان پێگەیشت کە کاک ڕەمەزان بابایی ناسراو بە( ڕەمەزانی ئەحمەد ژانی)

بە هۆی جەڵدەی مێشک  لە شاری پاوەی ڕۆژهەڵاتی کوردستان کۆچی دوایی کرد .

کاک ڕەمەزان لە دایک بووی ساڵی ١٣٣٤ی هەتاوی لە شاری پاوە بوو  کە دوای سەرکەوتنی شۆڕشی گەلانی ئێران بە  سەر ڕێژیمی دیکتاتۆری پاشایەتی دا ،  و دەست پێکردنی خەباتی ئاشکەرای حیزبی دێمۆکراتی کوردستان ، دێتەوە نیو ڕیزەکانی حیزب و چەکی شەڕەفی پێشمەرگایەتی لە شان دەکا.

کاک ڕەمەزان ساڵی ١٣٦٠ لە هێزی زرێباری ئەوکاتی (مەریوان ) وەک فەرماندەری لک دیاری دەکرێ و تا ساڵی ٦٣ ئەو ئەرکە پێرۆزە بەڕێوە دەبات . بەڵام بە داخەوە هەر لەو ساڵە دا تووشی نەخۆشی دەبێ  وناچار واز لە پێشمەرگایەتی دێنێ ، بەڵام تا کاتی ماڵئاوایی وەک کەسێکی بە وەفا ونیشتیمان پەروەر لە گەل دۆزی نەتەوەکەی دا بوو .

بەداخەوە ئەمڕۆ سەر لە بەیانی بە هۆی جەڵدەی مێشک لە شاری پاوە ماڵئاوایی لە کەس و کار و نیشتیمانەکەی کرد .

کاک ڕەمەزان برای هاوڕێمان کاک مەمەد بابایی  کاک غلام بابایی یە کە ئێستا لە وڵاتی دانمارک دەژین.

به‌ ناوی کۆمیته‌ی حیزبی دیموکراتی کوردستانی ئێران له‌ وڵاتی دانمارک سه‌ره‌خۆشی و هاوخه‌می خۆمان له‌گه‌ڵ بنه‌ماڵه‌که‌یان، له‌ نێوخۆی کوردستان و به‌ تایبه‌ت شاری پاوە و کاک مه‌مه‌د بابایی و کاک غولام بابایی و بنه‌ماڵه‌که‌یان له‌ وڵاتی دانمارک ده‌که یم و ئاواته‌خوازیم که‌ ئازیزانی دیکه‌یان ته‌مه‌ن درێژ و له‌ش ساغ  بن و  ڕووحی کۆچکردوو ش  هه‌رده‌م شاد بێ و جێگای به‌هه‌شتی به‌رین بێ.

حیزبی دێمۆکراتی کوردستانی ئێران

کۆمیتەی دانمارک.

٩.٦.٢٠١٢

بۆ ئاگاداریی دۆستان و هاوڕێیانی کاک مەمەد بابایی کاک غلام بابایی و بنەماڵە بەڕێزەکەیان، به‌م بۆنه‌وه‌ کۆڕێکی پرسه‌ و سه‌ره‌خۆشی له‌ شاری Greve به‌رێوه‌ده‌چێ.

ئەوەی خوارەوە کات و شوێنی پرسەکەیە لە دانمارک.

کات : ڕۆژی یەک شەممە ، 10/ 6/ 2012 سەعات 2 ی پاش نیوەڕۆ تا 5 ئێواره‌

Digehuset 9

2670 Greve

telefon: 26222607

{jcomments off}