بەڕێوەچوونی کۆبوونەوەی کومیتەی هاوکاری هێزە سیاسییەکانی کورد و کوردستانی لە سوید

ڕۆژی شەممە  ڕێکەوتی ٧ی مارسی ٢٠١٥ی زایینی، کومیتەی هاوکاری هێزە سیاسییەکانی کورد و کوردستانی لە سوید بە ئامادە بوونی سەرجەم نوێنەری حیزبەکانی  بەشدار لەو کومیتەیەدا

کۆبوونەوەی خۆی لە شاری ستۆکهۆڵم  بۆ تاوتوێکردن و هەڵسەنگاندنی کار و بارەکانی خۆی لە ڕابردوو و داهاتوودا پێک هێنا.

سەرەتای کۆبونەوەکە  بەم شێوەیەی خوارەوە بوو.

ڕاگەیاندنی خۆلەکێک بێ دەنگی بۆ ڕێزگرتن لە گیانی شەهیدانی کورد  و کوردستان، دواتر باسێک لەسەر وەزعی کومیتە بە گشتی و کار وچالاکییەکانی  ئەو پێکهاتەیە لە ماوەی ڕابوردوودا، لەلایەن  ” محەممەد ئەحمەدی” بەرپرسی ئەو کومیتەیە پێشکەش کرا.

پاشان دەرگای  پرس و ڕاگۆڕینەوە کرایەوە و بەشدارانی کۆبوونەوەکە بە وردی ڕابۆچوونی خۆیان  سەبارەت بە کارەکانی کومیتە خستە ڕوو، هەروەها بە پێشیار و نەزەراتەکانیان کۆبوونەوەکەیان دەوڵەمەندتر کرد.

ئەم خاڵانەی  خوارەوە ڕاسپاردەی کۆبوونەوەکە بوون بۆ کومیتە.

1. vدرێژەدان بە کار و چالاکیەکانی کومیتە
2. vبەرفراوانتر کردنی  چالاکییەکان
3. vئامادەکاری بۆ هەر ڕووداوێک  کە بێتە ئاراوە و ڕاگەیاندن  و داخۆیانی پێویست  بە بابتەکەوە
4. vئامادەکاری بۆ کۆنگرەی  داهاتووی کۆمیتەی هاوکاری

کۆبوونەوەکە پاش ٣ کاتژمێر کۆتایی بە کارەکانی خۆی هێنا

کومیتەی هاوکاری هێزە سیاسیە کورد و کوردستانییەکان لە سوید