کوردستان و ئۆینی هەڵبژاردن لە سیستمی ویلایەتی فەقیهیی "کۆماری ئیسلامی" دا عومەر غولامعەلی

خومەینی،دامەزرێنەری کۆماری ئیسلامی ، یەکەم”  ولی امر” و یەکەم ڕێبەری حکوومەتەکەی، سەبارەت بە ڕژیمە دڵخوازەکەی  دەنووسێ:
حکوومەتی ئیسلامی بەو مانایە نیە کە  پەسند کردنی یاسا  بە گوێڕایەڵی بۆ دەنگی خەڵک و زۆرینە بێ، جیاوازی  بنەڕەتی لەوەدایە کە  ڕژیمەکانی کۆماری و …”یاساکانیان لە لایەن نوێنەرانی خەڵکەوە  دادەنرێن و  دەنووسرێنەوە ،بەڵام لە حکوومەتی ئیسلامی دا  دانەری یاسا هەر خودایە”، کە دیارە وەلی فەقیە  نوێنەری خودایە ،دانەر و  بەڕێوە بەری یاسایە ، حوکمی وەلی(ڕێبەری کۆماری ئیسلامی) حوکمی خودایە و دەنگی خەڵک  لە یاسای خودادا  کار تێکەریی نیە .هەر بەوڕوانگەیەوە لە سەر “خەڵک” دەنووسێ: “مردم ناقصند و نیازمند کمالند و ناکاملند”. جۆگەی پاراوی  دێراوی  تینووی ئازادی و دێمۆکراسی  لەچۆڕاوگەی لیکاوی ئەوزارەوە هەڵبەستراوە. ئەم جۆرە پاوانخوازییە حکوومەتییە ، هەڵلووشینەوەی ئەم هۆکارە”پێکهاتە سیاسییە توێژاڵکییە”یە کە ویلایەتی فەقیه بەدەمامک و دێوجامەی یاسای ئیلاهییەوە! خۆی بەتاکە خاوەن ماف دەزانێ کە دەبێ حوکمی خەڵک و خاکی ولات بکات، کەرامەتی ئینسان و مافی مرۆڤ، “مافی مرۆڤ کە پاژێ جەوهەری و لە کۆڵەکە گرینگەکانی دێمۆکراسییەو لە بنەڕەت دا دیمۆکراسی بۆ دەستەبەرکردنی مافی مرۆف بووەو بەبی ئەم ئەسپاردەیە واتای نیە . پێشێل بکات.

   لە ڕوانگەی حیزبی دێموکراتی کوردستانی ئیرانەوە  یەکیک لە سەرچاوە سەرەکی یەکانی کەرامەتی ئینسان پێکهێنانی فەزایەکی سیاسیی ئازادە  بۆ ئەوەی هەرتاکێک بتوانێ خاوەنی کەسایەتی و ناسنامەی ئیتنیکی ، ئایینی و نەتەوەیی خۆی بێ. مرۆڤێک کە نکوولی لە ناسنامە ئیتنیکی،ئایینی  یان  نەتەویییەکەی  دەکرێ ، مرۆڤێکە کە کەرامەتی لێ زەوت کراوە. خەباتمان بۆ وەدەستهێنانەوەی  مافە زەوت کراوەکانمان و گێڕانەوەی کەرامەتی ئینسانی بۆ تاکەکانی کۆمەڵگاکەمان و دەستەبەریی مافی چارەی خۆنووسین بۆ نەتەکەمانە، ئۆین و چاوبەستنەکانی کۆماری ئیسلامی بە پاتەکردنەوەی شانۆگەرییە  کانی هەڵبژاردن  لە ڕێگای گەیشتن بە ئامانجەکانمان هەتڵە مان ناکا .

       ئەوەی کە  بە درێژایی  تەمەنی دەسەڵاتی زۆرەملیی کۆماری ئیسلامی لە زەینی کۆمەڵانی خەڵکی کوردستان دا تۆمار کراوە بریتییە لەوەی :لە کوردستان  بە تانک و تۆپ و فڕۆکەی شەڕ وەڵامی ویست و داخوازە کانی خەڵکیان داوە و حوکمی چەک و سەرنێزەو  پەت و دار و زیندانیان سەپاند ، دەیان هەزار کەس  بە تاوانی داوای سەرەتایی تری مافەکانیان  کوژران ،شار و نیشتمانبەدەر کران و ڕەتێندران و  لە گرتووخانەکان ئاخنران .( ئەو سەرکوتکردنە  تا ئێستاش  بەردەوامە) .
 بەڕێوەبەرانی نیزام  بە بێچاووڕوویی ڕادەگەیەنن کە پرسێک و کێشەیەک لە ئێران بە ناوی پرسی کوردەوە لە ئارا دانیە و خەڵکی کوردستان  ئۆممەتی ویلایەتن  و پێڕەوی فەرمانەکانی  ڕێبەرن . ئەوە لەحاڵێکدایە کە کوردستان وەک مۆڵگەیەکی  گەورەی نیزامی  لە لایەن هێزی چەکداری کۆماری ئیسلامییەوە دەستی بەسەرداگیراوە و دامەزراوە تۆتالیتاریستییەکانی ئەو ڕژیمە هەموو کەلێن و قوژبنەکانی ژیانی خەڵکی کوردستان دەپشکنن ، لاوان و مێرمنداڵانی کورد،بە مەبەستەوە بۆ گەیشتن بە ئامانجی سیاسی  بەرەو گیرودەیی بە مادەهۆشبەرەکان ڕەکێش دەکەن و هەوڵ دەدەن لەسیخوڕی لەپێناو ئامانجە چەپەڵەانیان دابەکاریان بێنن،  تەنانەت بەزۆر چەکداریان دەکەن ، ناچاریان دەکەن ناویان لە ڕیزەکانی “بەسیج مردمی” دا  بۆ  دەستڕاگەیشتن بە سەرەتاییترین خزمەتگوزاریە کۆمەڵایەتییەکان دا  بنووسن .
        لەم بارە دژوارەی خەڵکی کوردستان دا  هەڵدەکەون کەسانێک  بە چاوچنۆکی  سەریان هەمبەر ئەوڕاستییانە  داخەن  ، مل بدەنە بەر نیری  ئەم سیستمە حکوومەتی یەو لە پێناو مووچەی نوێنەرایەتی دا، ببنە  بەربژاری گوێ لە مستی ، پشت بکەنە خەباتی دەیان ساڵەی ڕۆلەکانی گەل و نەتەوەکەیان و  تیکۆشان بۆگێڕانەوەی  کەرامەتی مرۆڤی کورد لە ڕۆژهەڵاتی کوردستان ،  لەگەل تامەزرۆۆییە شەخسیەکانیان بیگۆرنەوە. کردەوەیەک  کە جگە لە دەستەواژەی   خۆ بەدەستەوەدان ناوێکی تری لەباڵا ناکاڵێتەوە.

Normal 0 21 false false false DA X-NONE AR-SA /* Style Definitions */ table.MsoNormalTable {mso-style-name:”Table Normal”; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-qformat:yes; mso-style-parent:””; mso-padding-alt:0cm 5.4pt 0cm 5.4pt; mso-para-margin-top:0cm; mso-para-margin-right:0cm; mso-para-margin-bottom:8.0pt; mso-para-margin-left:0cm; line-height:107%; mso-pagination:widow-orphan; font-size:11.0pt; font-family:”Calibri”,”sans-serif”; mso-ascii-font-family:Calibri; mso-ascii-theme-font:minor-latin; mso-fareast-font-family:”Times New Roman”; mso-fareast-theme-font:minor-fareast; mso-hansi-font-family:Calibri; mso-hansi-theme-font:minor-latin;}