کۆنگرەی دووهەمی هەدەپ. فەرهاد میرۆزادە

کۆنگرەی دووهەمی پارتی دێمۆکراتیکی گەلان (هەدەپ) لە ئانکارای پایتەختی تورکیە بە بەشداری مێوانان لە زۆر لایەنی سیاسی و لە شوێنە جۆراجۆرە کان لە ژێر ئالای تووکیە و وێنەی ئاتاتورک بە بێ هیچ هێما و نیشانەیەکی نەتەوایەتی بەرێوە چوو.

 ناوەڕۆک  و تەرکیزی داخوازی و داواکاریی ئەو پارتە بۆ دیمۆکراسی و دێمۆکراتیزە بوونی توورکیا بوو.  ئەرێ گەڵۆ  کاتی ئەو ەنیە  بپرسین کە بۆ  دەستەبەر بوونی ئەم داخوازیانە  لە تورکیا ، بۆچی دەبێ باجەکەی بەس گەلی کورد لە باکوور کوردیستان بدا بۆ هەموو دانیشتوانی تورکیە ؟
کۆنگریی ٢ی هەدەپ لە کاتێک دا دەبەسترێ ،کە زیاتر لە 50 رۆژە لە زۆرجێگا ، لە باکووری کوردستان وەک سووری ئامەد، شەرنەخ ،سلۆپی ،وان،  کەربۆران و  گەوەر …..قەدەغەیی هاتوچوو هەیە و شەر و پێکدادان تەنگی بە خەلک هەڵچنیوە . بەردەوام خەلک قۆربانی دەدات و تەرمی کۆژراەکان بە رۆژان لە مەیدانە کانی پێکداداندا دەمێنێ و کەس ناتوانێ ئەو تەرمانە لە مەیدانی پێکدادانەکان دا هەگرێ و بە خاکیان بسپێرێ. هەروەها بە دەیان هەزار کەس لە ماڵ و  حاڵی خۆیان ئاوارە بوون. لەحالێک دا خەلک قوربانی بۆ پرسی نەتەوایەتی خۆی دەدات، بەڵام لە دروشم و داخوازییە کانی ئێستای هەدەپ ، کە باسکی سیاسیی پ ک ک یە هیچ پرسێکی نەتەوایەتی بەرجەستە ناکرێ. مادام پرسێک بە مەفهوومی و واتای ناسنامەی نەتەوایەتی لە سیاسەتی
 پ ک ک و هاوبەشەکانی دا نییە و نەماوە ، لە رۆژ ئاوای کوردیستان و لە با کووری کوریستان باوەریان بە پرسی نەتەوەیی نەماوە.
پرسی گەلانی دێمۆکراتیک ئەساسە بۆیان  و پێویست ناکات لە ژێر ناویی دێمۆکراسیی گەلان ،گەلی کورد قوربانی بۆ هەموو پێکهاتەکانی توورکیا و سووریا بدات.
لێرە دا گرینگە پ ک ک  جۆرئەت بە خۆی بدات  و کۆنگرەیەکی نائاسایی بگرێ و  خۆی هەلوەشێنێتەوە و دەست بە خەباتی مەدەنیانە بکات بۆ خوسەریی دێمۆکراتیک ،  پێویست بە شەری چەکداری نیە.
لە هەڵبژادنی ٢٠١٥ بۆ پارلمانی توورکیە لە ٧ی حۆزەیراندا هەدەپ ٨٠  کورسیی پارڵەمانیی بە دەست هێنا، هەدەپ دەیتوانی بە ئیرادەیی پارلمانتارانی خۆیی لە پارلەمان و هێزی شەقام لە باکووری کوردستان و تورکیا ، بۆ پرسی خۆ سەری یدێمۆکراتک لە ناو پارلەمانی توورکیا دا،هێزی یاسایی بۆ بە دەست بێنێ.
بەلام پێش ئاکامی  هەلبژاردن هەدەپ رایگەیاند  کە : ئێمە لە گەل ئاکەپە ناچینە ناو دەسەڵات. بە مەش هیندەی دیکە دەستی ئاکەپە ی ئاوەڵا کرد بۆ هەڵبژاردنی دووبارە.
لە هەڵبژاردنی دوو بارە دا هەدەپ ٢١ کورسیی پارڵەمانیی لە دەست دا . لە هەڵبژاردنی دوو بارە دا ئاکەپە  توانی رێژەیی بێوست دەنگ بۆ خۆی مسۆگەر بکات بۆ دروست کردنی حکوومەت بە یەک لایانە و بەداخەوە ئەمەش ئاکامەکەیەتی بۆ  تورکیا بە گشتی و کورد بە تایبەتی.