نوێنەری کومیتەی سویدی حیزبی دێموکرات لە دەرفەتێکدا سەردانی دوو کەمپی پەنابەرانی لەو وڵاتە کرد.

ڕۆژی سێ شەممە ڕێکەوتی ١ی مارسی ٢٠١٦ی زایینی، ” مەولوود عەبدیلزادە”  بەرپرسی بەشی تەشکیلاتی کومیتەی سویدی حیزبی دێموکراتی کوردستانی ئێران،

بە نوێنەرایەتی کومیتەی گشتی حدکا لە سوید سەر دانی دوو کەمپی ” لووگنوس و لووندبرونس”ی سەر بە شاری ماریەئستادی لە وڵاتی سوید کرد.

عەبدولزادە لەو سەردانەیدا لە گەڵ کۆمەڵێک لە پێشمەرگە و ئەندامی دێرینی حیزب

و هەروەها کوردانی نیشتەجێ ئەو دوو کەمپە کۆبوونەوە.

ناو براو لەو چاوپێکەوتنەدا لە سەر وەزعییەتی پەنابەران لە وڵاتی سوید و سیاسەتی حیزب لەو پێوەندییەدا قسەی باسێکی پێشکەش کرد.

شایانی باسە کوردانی دانیشتووی ئەو دوو کەمپە زۆر بەگەرمی پێشوازیان لەو هەنگاوەی کومیتەی سوید کرد و بەڕێز و حورمەتەوە نوێنەری کومیتەیان بەڕێ کرد.

 

حیزبی دێموکراتی کوردستانی ئێران ـ سوید

١ی مارسی ٢٠١٦ی زایینی