پلانی ئوروپا و ئه‌مریکا

بۆ ئه‌وه‌ی نمامێکی ئوروپا و ئه‌مریکا       

رێکوپێک و راست و جوان باڵا بکا    

ئه‌بێ زنجیری تانگ و ده‌بابه‌

پشێلێ دارستانی ئاسیا و ئه‌فریقا.

بۆ ئه‌وه‌ی کوچه‌ و کۆڵانی ئوروپا و ئه‌مریکا

هه‌ر رۆژه‌ به‌ مودێلێکی نوێ ناو ده‌ربکا

ئه‌بێ لاسامه‌ی بووم و کاتیۆشا

وێران کا شار و گوندی ئاسیا و ئه‌فریقا

بۆ ئه‌وه‌ی بانگه‌کانی ئوروپا و ئه‌مریکا

به‌ ئه‌ڵماس و زێری نایاب باڵا بکا

ئه‌بێ هه‌ڵکۆڵرێ دڵ و ده‌ورنی زه‌وی

هیچ نه‌مێنێ له‌ ئاسیا و ئه‌فریقا

بۆ ئه‌وه‌ی پاره‌ی‌ ئوروپا و دۆڵاری ئه‌مریکا

نرخی سه‌رکه‌وێ و له‌ جهاندا ناو ده‌ر بکا

ئه‌بێ ده‌ریا لوشان لوله‌ راکێشن

دڵۆپێ پترۆڵ نه‌مێنێ له‌ ئاسیا و ئه‌فریقا

بۆ ئه‌وه‌ی مناڵێکی ئوروپا و ئه‌مریکا

له‌ ده‌ریای شادی و خۆشیدا مه‌له‌ بکا

ئه‌لقیاده‌ و بوکوحه‌رام و داعش سازئه‌که‌ن

ئه‌کوژن هه‌زار، هه‌زار مناڵی‌ ئاسیا و ئه‌فریقا.

چه‌ن کارگێڕیان هه‌یه‌ ئوروپا و ئه‌مریکا

وه‌ک تورکییه‌ و ئێران‌ و عه‌ره‌بستان له‌ ناوچه‌‌‌‌که‌دا

په‌روه‌رده‌ ئه‌که‌ن مرۆڤکوژان له‌بۆ ‌وان

ره‌وانه‌یان ئه‌که‌ن بۆ ئاسیا و ئه‌فریقا

هه‌یانه‌ پلان‌ بۆ ئه‌وانیش ئوروپا و ئه‌مریکا

کلکوگوێیان ئه‌که‌ن رۆژی خۆی له‌ناکاودا

دوژمنانی مرۆڤایه‌تی کارنامه‌یان په‌ستییه‌‌

با وه‌ها بێ ژیان له‌ ئاسیا و ئه‌فریقا.

23/9/2014

سه‌عی سه‌قزی

qayshi@yahoo.com