ئاڵای کوردستان بۆیە قودسییەتی هەیە بە هۆی ئەوەی کە جەنابی پێشەوا قازی لە کاتی ئیعلانی جومهوورییەت دا ئاوا دەفەرموێت : ئەمن بە خودا، بە کەلامی عەزیمی خودا ، بە نیشتیمان ، بە شەرافەتی میللی کورد، بە ئاڵای موقەدەسی کوردستان سوێند دەخۆم …
رۆژنامەی کوردستان ژمارە ١٤ ـ چوارشەمە ٢٤ی رێبەندانی ١٣٢٤ ـ ل ١
لەپاشی ئەوەی حەزرەتی پێشەوا لەو سەکۆیەی کە جومهوورییەتی راگەیاند و بە ئاڵای موقەدەسی کوردستان سوێندی خوارد ویستی بێتە خوارێ ، گەنجێکی مەهابادی بە نێوی عەبدوول کەرباسی کە لە پشتی سەکۆ بە تفەنگەوە رادەوەستێ ، دا دێتەوە لە سەر چۆک تا جەنابی پێشەوا پێ لە سەر پشتی دابنێ و بێتە خوارێ ! بەڵام جەنابی پێشەوا قەبووڵی ناکات و خۆی دێتە خوار .
عەبدوول کەرباسی ئەندامی کۆمەڵەی ژێکاف و ئەو کاتەی ئاڵای کوردستان بۆ یەکەم جار لە نێو چەپلە رێزان و بژی کورد و کوردستان لە سەر بانی ئاخرین بنکەی دەسەڵاتی پاشایەتی هەڵ دەدرێ ، بە پەلە دەچێتە مەیدان و گایەک بە سەت تمەنی دەکرێ و روبەرووی ئاڵای شەکاوی کوردستان لە سەر شەقام دەیکاتە قوربانی ،
رۆژنامەی کوردستان ژمارە ١١ ، ل ١ ـ چوار شەمە ١٧ی رێبەندانی ١٣٢٤
مامۆستا هێمنیش لە پارچە هەڵبەستێکی لە کاتی هەڵ کرانی ئاڵای کوردستان لە بۆکان خوێندوویەتەوە لە لاپەری ٣ ی ژمارە ٢ رۆژنامەی کوردستان ـ لە ٢٢ی ١٠ی ١٣٢٤ کە بۆ ئاڵای کوردستان هۆندوویەتەوە دەفەرموێ : پاک دەبێ جێژنی بکا نەزری بدا !
ژمارە ٢ی رۆژنامەی کوردستان ، ل ٣ ـ ٢٢ی بەفرانباری ١٣٢٤
کاتێکی هەیئەتی حیزبی دێمۆکراتی کوردستان خۆیان ئامادە دەکەن بەرە وبۆکان برۆن و دەستەی موسیقا مارشی میللی لێ دەدەن بە هوریاو چەپڵە رێزان ئاڵای کوردستان بەرەو بۆکان بەرێ دەکەن .
تیتری ئەو بابەتەی ئاوا نووسراوە : هەڵکردنی ئاڵای موقەدەسی کوردستان لە بۆکان .
یەکەمین ژمارەی کوردستان لاپەرەی ٢ ـ پێنج شەمۆ ٢٠ی ١٠ی ١٣٢٤ ،
بۆ حەزرەتی جەنابی پێشەوا ئاڵا موقەدەسە و قورعانیش وەکی کەلامی عەزیمی خودا . نێوی هێناون!
هەر شەکاوە بێ ئاڵای موقەدەسی کوردستان
ئەو وێنەی دیارە ئەوە جەنابی عەبدوول کەرباسی یە پێشی چەن ساڵان
پیرۆز بێ ئاڵای موقەدەسی کوردستان و هیوادارم ساڵی داهاتوو سەراسەری کوردستانی پێ برازێتەوە .
سەرچاوە: لاپەڕەی نووسەر لە فەیسبووک