کاک ئارام قادری چەندە سەربەخۆیە؟ کاووس عەزیزی

هەر چەند کەمتر خۆم لە وڵام دانەوەی بابەتی بێ ناوەرۆکی بە دوور لە راستی پاراستووە ، بەڵام جاری وایە  لە هەمبەرهەڵویستی  هیندێک کەسی سەربەخۆی وەک کاک ئارام قادری دا بێ دەنگی هەڵنابژێرم .

بێ شرۆڤە و بە دوور لە وڵامدانەوە بەس یەک پرسیار لە کاکی سەربەخۆی دژی سانسۆر دەکەم؟

کاک ئارام بەڕاستی ئەگەر جەنابت هیندە سەر بەخۆ و دژی سانسۆری ، چۆنە کە لە باتی بنووسی ئەندامانی حدکا ، سەردێری بابەتەکەت بە ” هۆکاری بەشداری نەکردنی حدکا ‘ ت نووسیوە ؟

مەگەر ئەوانەی کە وڵامی پرسیارەکانتیان دایەوە ، بەناوی حیزبێک وڵامیان دایەوە یان وەک خۆیان؟ ئەگەر بە ناوی حیزبێک وڵامیان دایەوە ، خۆ زۆریەک لەو بەڕیزانەی کە بەشدار بوون  و وڵامیان دایەوە ، وتە بێژی هیچ حیزبێک نەبوون . تەنانەت کەسی وای تیدایە کە سەر بە هیچ حیزب و سازمانێک نیە .

کەوایە چۆن لەو نیەت پاکیەی کە بەڕیزتان باسی دەکەن دڵنیا بین کە ئەو بەڕیزانە وەک خۆیان بەشدار بوون ، بەڵام دەبێ حدکا وەک حیزب  بەشدار بێ ؟ نەکا حدکا لای جەنابت هیندە بچووک بێ کە بە تاکێک پێناسە بکەی ؟  ئەوەنیە خۆت دەفەرمووی : ئەو پێنج بەڕیزەی کە وڵامیان دایەوە؟ ئەدی بۆچی دەبێ وڵام نەدانەوەی ئەندامێک یان  چەند ئەندامی حدکا وەک حیزب  پێناسە بکەی؟ ئەوەیە نیەت پاکی و سەربەخۆی ؟

فەرموو وڵامەکان بخوێنەوە ، بزانە کام یەک لەو دۆستانە کە بەشدارن ، ڕێزم هەیە بۆ هەر هەموویان ، وەک لایەنێک  وڵامیان داوەتەوە ؟ تەنانەت ئەوەی کە ئەندامی حیزبێکیش بووە ، خۆی وەک تاک وڵامی داوەتەوە . بەڵام بەڕیزت کە مودەعیی سەربەخۆبوونی خۆتی و دژی سانسۆر، کە ئەویش خۆی جێگای پرسیارە ، وڵام نەدانەوەی ئەندامانی حدکا ، دەکەی بە خودی حدکا ؟

هیوادارم کە نە بەڕیزتان و نە سەربەخۆیەکی دیکە توجارەت بە سەر بەخۆ بوون و دژایەتیی سانسۆر نەکەن . ڕاستیەکان چین و چۆنن ئاوا باسیان بکەن. خەڵک هەموو شتێک دەبینێ .

بە تایبەتی  ئێستا و لەم سەردەمەی کە پیویستە سەداقەت بە خەرج بدەین و لانی کەم کار بکەین بۆ هاوکاریی ئەو پڕۆسەیەی کە خەریکە لە نیوان دێمۆکراتەکان دا دەست پێ دەکا .

{jcomments off}