کڕنۆش بۆ رۆحی هەشت شەهیدی حیزبی دێموکرات لە هێزەکانی ”١١٠ی بەیان” و ” شەهید پێشەوا” دەبا .
دەگێرێتەوە : ”کە زانیمان هێزێکی زۆر بەرەو شوێنی پێشمەرگەکانی هێزی شەهید”پێشەوا” دەرۆن ، ئیزنمان وەرگرت کە بە یارمەتیانەوە بچین.
ئێمەش هەشت(٨) پێشمەرگە بووین، بەرەو کەڵەک سەرکەوتین. لە گردۆڵکەیەک زیاتر لە (٧٠) چەکداری رێژیم خڕ بووبوونەوە و خۆیان بۆ پەلاماردان رێک دەخست کە بە نارنجۆک و ڕەگبار دامان گرتن و ڕامان ماڵین، تا دوا گردی بەرەو سەنگەرەکانی هێزی شەهید پێشەوا و لە ڕاوەدوونانیان بە دۆڵێکماندا کردن کە لەگەڵ ”عەلی شەهابیراد” چۆینە سەریان، دیتمان وەک مار و مێروو، چەکدارێکی زۆر تێک دەهاڵان، دامان گرتن و توانای بەرەنگاریان نەمابوو، چوار چوار و پێنج پێنج چەکەکانیان توور دەدا و خۆیان بە دەستەوە دەدا.
٤٠ کەس بە کوژراوی کەلاکیان لە مەیدانی شەڕدا کەوتبوو، ٩٢ کەسیش بە دیل گیران”