ژیان و بەسەرهاتی شەهیدانی فەرماندە" محەممەد و مەلا سماییل کورد نژاد" لە ڕێگایەک بەرەو خۆردا+ ویدو

سمایل برای چکۆلەتری محەممەد بوو ، محەممەدی عەلی پیرێژن .

محەممەد لە پیاوە ناودارەکانی ناوچەی شنۆیە بوو . لە هەڕەتی لاوەتیدا پێوەندی بە بزووتنەوەی رزگاری نەتەوەیی کوردستانەوە هەبوو .

لە بە گژدا چوونی رێژیمی پەهلەویدا هاوخەباتی رۆڵە شۆڕشگێرەکانی حیزبی دێموکراتی کوردستانی ئێران لە ساڵەکانی ساڵی ١٣٤٦ی هەتاوی تا ١٣٤٧ی هەتاوی تەنگیان بە ژاندارمی زۆروێژی حکوومەتی پاشایەتی لە کوردستان هەڵچنی بوو . سماییل کە لاوتر بوو ، هەموو توانای خۆی بۆ یارمەتیدانی کاک محەممەد و شۆڕشگێرانی هاوڕێی تەرخان کردبوو .

بە پشتیوانی کورانی وەک سماییل بوو کە بە درێژایی پتر لە ١٨ مانگ ، شۆڕەسوارانی ئەم دەڤەرە گڕکانی رقیان ئاوقای دەسەڵاتی بێ هاوساری پەهلەوی دەکرد . ئەو لەگەڵ باوەری محەممەد و تێکۆشەرانی هاوڕێی دا بیری گوورا بوو .

لە زەبر و زەنگی حکوومەتی زۆرداری تاراندا شۆڕشگێرانی وەک سماییل و محەممەدی کوردنژاد ترووسکایی هیوای زەحمەتکێشان و نیشتمانپەروەرانی ناوچەکانی نەغەدە و شنۆ بوون . خەڵکی ناوچەکە وەک شوورەی قەڵای خۆڕاگریان ، وەکوو باسکی بەهێزی ئیرادەی نەتەوەییان هەمبەر لەشکری لاساری شایان لێ دەڕوانین و شانازییان پێوە دەکردن . لە کۆخ و ماڵەکانیان دا دەیان حەساندنەوە و لە ئامێزیاندا دەیان لاواندنەوە و هەرئەوان برینەکانیان دەبرژاندنەوە .

من لە کانی سەرە ڕێی گوندەوە چاوەروانم

لا بدەیت و شکەتیت دەر بچێ ،هەڵۆی شاخانم

چاوی من فێری ئەتۆ دیتن و تۆ ویستن بوون

ساڵی جارێ وەرەوە ،دەرد و بەڵات لە گیانم

کاکەشانێکە لە چاوی گەشی ئەم مانگەشەوە

توولە ڕێی لاقەد و دامێنی چییا و کوێستانم

ڕێ چپەی لێو و خشەی پێتی بە رووبارا نارد

گوێ بە هەستی وشەیێک بێ و بڵێ میوانم

ویشکە لێوی قەڵشیوی زەوی دڵی بێنازی دڵم

چاوەڕێی ماچی تەڕ و بۆنی گڵ و بارانم

وەک نیگای شەرمنی پەنجەرەیێکی چاوەڕوان

توونی بۆ ژوانی ئەتۆ و بۆنی گوڵ و ڕێحانم

شار بە بۆی دووکڵی سیگار و گڕاس خنکاوە

من لە نێو ئەم خەفەت و دەردەوە بۆت دەڕوانم

دێ لە تووش بوون بە پەتا لێرەوە  شەو بێدارە

بۆیە هێمایە چرای نیوەشەوی کۆڵانم

بێ مورادە کەژ و کۆ و سەوزی سرووشت بێ باڵات

وەرە ساڕێژ کەرەوەی زامی دڵی پڕ ژانم

دڵەکەم باخێ بە پانتایی هەموو دونیایە

باخەوانم وەرەوە ، تۆ کە ونی وێرانم

تۆ کەسێکی کە بە قەد خاک و وڵات عاشقتم

چاوەڕێی پێرەوەی تاریکە شەوی جێ ژوانم

لێرە باڵدار چلەپەڕ بوون و هەوا گۆڕاوە

بورجی عەشقە ، وەگەڕێ ، عاشقەکەی جارانم

تۆ هەواڵت وەک رووبار و بەهار بێ خەوشە

دێ بەسەربەستی شنەی بۆ من و بۆ یارانم

ڕێگە نەرمانە چڕیش بێ بە مژۆڵ دەیماڵم

پێ لە چاوم نێ منیش بستێ لە کوردستانم

کۆلکە زێرینە لە شوێن پێی سەفەرت جێ ماوە

بۆم لە گوڵ داوی هەتا دێیەوە ، شۆڕە شوانم

—————————————-

بۆ زیاتر خوێندنەوەی ئەو بابەتە سەیری ویدۆکان بکەن

فیلم

فیلم