‫بۆنی، شعرێكی کاک فەرەیدوونی ئەرشەدی لە حەیرانیکی" بەرەو خور "دا بو شەهیدی لاو رەحمان سوفی زاده

وه‌رەحه‌یران.   

ئاورێكم به‌ربۆته‌وە ده‌روونێ ده‌روونخانێ   

نە بەبایە ده‌گوژێته‌وە نەبە بارانێ    

نە بە پاچان نە بە پێمه‌ران نە بە گڵ وه‌سه‌ردانێ

ته‌ر ده‌كا سه‌خله‌تان مه‌خله‌تان مامخالان

هه‌تا ده‌گاته‌وە بن كێلی دەناسر و ماڵماڵان

هه‌تا قه‌ڵاتی كچە گاوری

لە به‌نده‌نی كانی شینكێ

لە مابه‌ینی گاگه‌ش و گاگه‌شان

كە هه‌موو گه‌لاوێژ ئه‌نگووتنێ لە من دێنێته‌وە گوڵ جووتێرەو له‌وی دەسوورە هه‌ڵالان.

وه‌ره ‌حه‌یران.

لەمنی خەمینێ.

“

تۆم کورە پیشمەرگەی برین خۆڵاوی

لەم ئیوارەیەی نیشتمانا بە تەنیام بەجێ دێلی .

بە تەنیا .

هیدی هەرمانگ ناوەکەت بە سەر لیومەوە دەبیستێ و

ئەو شیعرانەت

کە بەبەرۆک و سیخمەکەمەوە چنیومن.

بە تەنێم . کورە حەیران !

ئیتر نەگیلاسی گونام تام دەکەی و

نە تووترکی لێوم.

بە تەنیام . وەرە حەیران

هێدی نەسرتەت و

نە چرپەی هەنگاوەکانت بەندی دڵم دەلەرزێنن

نە ئیتر باڵە فرەی کۆترەکانی باوەشم دەتهەژێنن.

وەرە حەیران .

ئیدی ئیستا

هەر تەنیا ” با “

بەتۆز و خۆڵی ئەم کاولە هەوارەوە دەمگرێتە باوەش و

هەر مانگ

لەم ژوانگە چۆلەدا بۆم دەروانی و

تەنیا هەر هه‌تاوە ئارام ئارام

بە بێ تۆ حەیران

لە سەنگەریکی دوور دوورا دەمبرژێنێ.”