پێموابێ ئەم پێشنیارە لە ڕووانگەی زۆربەی هەر زۆری ئەندامانی حیزب بەتایبەت بەدەنەی حیزب و ئەم هەڵوێستی دواییانەی ڕێبەری حیزب جێگای سەرنج و تێڕوانینێکی بەپێز بێت بۆ هەموو ڕاشکاوە کە حیزبی دێموکراتی کوردستانی ئێران، 
پێشەنگ و پێشڕەووی خەباتی گەلی کورد لە ڕۆژهەڵاتی کوردستان،ئەڵاهەڵگری بزاڤتی ڕزگاریخوازی گەلەکەمان، قەڵغانی بەرگری و ڕمبی هێرشبەری جەرگ بڕی تاقەت پڕووکێنی گۆڕەپانی خەباتی گەلەکەمان لە ڕۆژهەڵاتی کوردستان، خاوەنی شۆڕەسوارانی ڕێگای ئازادی و سەربەستی، سوارچاکانی و مێرخاسانی هەڵقوڵاوی خەبات و شۆڕشێکی پڕ لە شانازی و سەروەری لە ئەمساڵ دا هەڵوێستێکی مێژووی گرت نەک هەر لەناوخۆیی وڵات بەڵکوو لە ڕۆژهەڵاتی نێوەڕاست و دەشتوانین بڵێین لە جیهانی یەکەم دا لایەنگرانێکی تایبەت بەخۆیی هەبوو.
ئەم هەڵوێستی دوایەی حیزبی دێموکرات پاش بیست ساڵ دەتوانین وەکوو لێدانی زەربەی گورچکبڕ لە دووژمنی سەرەکی ئەم حیزبە و شۆکێکی گەورە بۆ نەیار و دووژمنانی ئەم حیزبە بەراورد بکەین! لەبەر ئەوەی هەنێک لە ئەحزابە کوردییەکان و ئەوانەی بەهۆی بڕش و قەڵافەتی ئەم حیزبی خاوەن شکۆیە بەتایبەت جمهووری دژەگەلی ئاخووندی پەت و سێدارە دێموکراتیان بە کەمپنشین و دۆڕاوی سیاسی و ”منحلە” پێناسەیان دەکرد . بەڵام وەکوو تۆفانێکی بەهێز و دووژمن داپڵۆسێنەر هاتە مەیدان و بە ڕاشکاووی باسی لە دەستپێکردنەوەی خەباتێکی نوێ و گرێدانی خەباتی شاخ و شار کرد بۆ هەمووان.
چ دۆستانی حیزب و چ نەیارانی ئەم حیزبە بێجگە لە بەدەنەی حیزب و ئەوکەسانەی حیزبیان لەنیزیکەوە دەناسی وەخۆ هاتن و گریمانەی ئەوەیان دەکرد حیزبی دێموکرات هەموو پێگەیەکی خۆیی لەدەست داوە بێجگە ئەوەی کە خاوەنی هەڵوێست و بڕیاراتی سیاسی خۆیەتی، بۆیە بە فانتاژیان دەزانی و پێیان وابوو زۆربەی پێشمەرگەکانی حیزبی دێموکرات سەنگەری خەباتیان چۆڵ کردووە و ڕوویان لەهەندەران کردووە و لەمێژە خەڵکی ڕۆژهەڵات باوەڕ و ئومێدەکەی جارانیان بەحیزب نەماوە بۆیە حیزبی دێموکرات دەیهەوێ بە قسە و هەڵوێستی بێبنەما خەڵکی ڕۆژهەڵات فریوو بدا و پێش بە کەسانێکی شۆڕشگێڕ بگیرێ کە سەنگەری خەبات چۆڵ نەکا.
ئەوان بێ ئاگا بوون لەوەی کە حیزبی دێموکرات خاوەنی قاعیدەی جەماوەرییە و هەرکات و ساتێک بیهەوێ بەشێوەی دینامیت دەنگی خۆی دەگەیەنێ بەهەموو چواردەووروبەری و پێگەی چەقبەستووی لەمێژینەی لەنێو دڵی منداڵان و لاوان و بەساڵاچووان دا بەستووە. حیزبی دێموکرات لەنێو کۆمەڵانی خەڵکی کوردستان بووە بە کلتوور و دابوونەریت”لەبەر ئەوەی خاوەنی چەندین دەستکەووتی بەپیتە لە مێژووی پڕ لەشانازی و پڕ لەسەروەری خۆیدا، بۆیە تەحدای ئەوە دەکەم بە نەمان و ڕووخانی کۆڵەکەی سەرەکەی ئەم حیزبەش بە هاسانی ناو و دەنگ و ڕەنگی بۆ چەندین جیلی نوێی ڕۆژهەڵات ناسڕێتەوە و هەمووکات بوونی وەکوو ئاو و هەوا پێویستە بۆ خەڵکی ڕۆژهەڵات گەر بمانەوەێ حیزبی دێموکرات بە وردی پێناسەبکەین و بوون و گرنگی ئەم حیزبە بۆ خەڵکی شی بکرێتەوە بە چەن ڕستە و پاراگراف تەنیا سەردێڕی بوونی دێموکراتمان پێناسەکردووە باس کردووە و قەترە ئاوێکمان لە ئۆقیانووسێک دا دەرهێناوە، هەرچەند حیزبی دێموکرات چەندین قۆناغی خەباتی گۆڕیەوە و سەرکەووتوبووە لە هەموو قۆناغەکانی خەبات دا بەڵام هەندێک جار پێویستە ڕەخنە و پێشنیار ئاراستەی ئەم حیزبە کرێ بۆ ئەوەی ئەمە داهێنانێکە خۆی وەدەستی هێناوە و وەکوو یەکێک لە دەستەکەووتە هەر گرینگەکان پێناسەی دەیکەین.
ڕەخنە و پێشنیار دابوونەریتێکی لەمێژینەیە لەنێو حیزبی دێموکرات دا، بۆیە ئەم حیزبە هەرکاتێک بیهەوێ هەڵدەستێتەوە و خۆی لە ماوەیکی کورت دا سازماندەیی دەکاتەوە بۆ هەرچەشنە هەڵوێستێک، زۆری شی ناکەمەوە، ڕوون و ڕاشکاوە پاش بیست ساڵ بەهۆی باشووری کوردستان،حیزبی دێموکرات دەستی لەهەندێک شتی گرینگ هەڵگرتووە لەبەر قۆستنەوەی هەلێکی زێڕین بۆ وەدەستهێنانی مافێکی زەووت کراوو کە سەدەیەکە دەناڵێنین بەدەستییەوە و قوربانییەکی زۆری بۆ دراوە بەڵام لە ئێستادا بەهۆی ئاڵوگۆڕی ناوچەکە بەتایبەتی ئێکسپایەربوونی ڕژێمی ئاخووندی و پێویستی بوونی حیزبی دێموکرات چیدی ئەم حیزبە لەبەر هەندێ هۆکار و سنووردار کردنی بیست ساڵەی خەباتی چەکداری هەر لەلایەن خۆیەوە ئەو سنوورەی شکاند و بەڕاشکاوانە باسی لەخەباتی چەکداری کرد و ئەمە ماوەی چەند ڕۆژێکە بەشێوەی پراکتیک لە چەندین شوێنی کوردستان ڕژێمی ئاخوندی بەچۆک دا هێناوە و تەنگی بە ژینی ئەم ڕژێمی خوێنخۆرە هەڵچنیوە.
ڕژێم لەترسی بوون و مانەوەی خۆیی دەستی کردووە بە دەستبەسەرکردنی خەڵکی بێتاوان و تۆپ باران کردنی ناوچە شاخاویەکانی کوردستان، بۆ هەموان دەزانین حیزبی دێموکرات خاوەنی ماڵی خۆیەتی و بوونی بۆ خەڵکی لازم و مەلزوومە و هەمووکات تەنانەت لە کاتی سنووردارکردنی خەباتی چەکداری و پێش بەهاتنەخوارەوەی لەشاخ دا چ لەنێو خەڵک و ماڵی خۆیدا خاوەنی یەک درووشم بووە،ئەویش ئەوە بووە کە هێرش ناکەینە سەر دووژمن مەگەر لەکاتێک دا ئەوان هێرش بکەنە سەرمان و ئێمە بەرگری لەخۆمان بکەین.
ئێمە لەگەڵ ڕژیمێک دا سەروکارمان هەیە تا ئێستا هەزاران ڕۆڵەی قارەمان و بەجەرگیان لێستاندووین و خونچە و گووڵی سمبولی هێمای نەتەوەییان پەڕپەڕ کردووین بۆیە دەبێ ئەوە تێبگەین و بەخۆمان بفامانین ئەم ڕژێمی خوێنخۆرە بە لۆژیک و قسەی خۆش تێناگات و بوونی حیزبی دێموکراتی لەنێو ڕۆژهەڵاتی کوردستان دا بە هاوپەیمانێتی خۆی لەگەڵ ئسرائیل و ئامریکادا بەراورد دەکا و لەوانەشە دانبەوەی دا بنێ لەگەڵ هەموو ئۆپۆزیسیۆنەکانی ئێرانی دا ڕێکەوتن بکا بەڵام هیچکات ڕێگە بەوەی نەدا و ئەوە قبووڵ نەکا حیزبی دێموکرات لە ڕۆژهەڵات دا بوونی هەبێ! ئەمە شتێکی نادیار و نا ڕاشکاوو نیە و شتێکی حاشا هەڵنەگرە و هەموو خەڵکی و حیزبی دێموکرات ئەم قەزیەیە باش دەزانن. بۆیە چیدی دەبێ حیزبی دێموکرات درووشمی بەرگری و دیفاع کردن لەخۆی وەلانێ و ئەو هەڵوێستە بەجێیە کە ساڵانی ساڵە خەڵکی ڕۆژهەڵات تامەزرۆی بیستنی لەلایەن حیزبەکەیەوە دەکات بە کردەوە بەجێ گەیەنێ و دەستبکا بەڵێدانی زەربەی گورچکبڕ لە ڕژێمی دژەگەلی و مرۆڤایەتی.
هەرچەند لەم ماوەیەدا چەندین زەربەی تاقەت پڕوکێنی لە دووژمن داوە و ئەم هەواڵە بووە بە سەردێڕی ڕۆژنامە و تیڤییەکانی جیهانی عەرەبی و دژبەرانی ئێران بەگشتی و هەموو جیهان حیزبی دێموکرات نابێ باکی لەهیچ وڵاتێک هەبێ بۆ وەدەست هێنانی مافی نەتەوایەتی و دەبێ ئەوەی بزانێ زۆربەی وڵاتانی دونیا و وڵاتە زلهێزەکانی ڕۆژئاوا پشتیوان و پشتگیری لێ دەکەن و ئەوەی دەزانن کە”ئەوەی دەبێ نەمێنێت و دەبێ مافی گەلانی ئێران بدا خودی ئێرانە بیانوو گرتن و پاساو هێنانەوە لەنێو حیزبی دێموکرات دا بوونی نەبووە و بەدڵنیاییشەوە نایبێت.
ڕاستە دوکتۆری ناوداری کورد دەفەرموێ: گەلێک ئازادی بوێ دەبێت نرخی ئەو ئازادیەش بدا، بەڵێ بۆ دەستپێکی خەباتی نوێ و هەستانەوەی تازە پێویست بەڕاهاتن هەیە بەڵام حیزبی دێموکرات حیزبێکی تازە نیە و یەکەم هەستانەوەی نیە تا هەرکات بیهەوێ لەنێو خەڵکەکەی دابێت شەید و قوربانی بدا پلەی شەهیدی و سەربەرزی بە نسیبی هەموو کەسێک نابێت بەڵام ئێمە دەزانین داهاتوو باس لە نەمانی ئێران و وەدەست هێنانی مافی نەتەوەی کورد دەکا ئەوەش کە قەرارە وەدەست بێت لە ڕۆژهەڵاتی کوردستان دا لێدانی جمهمووری ئیسلامیە چیدی نابێت پێشمەرگە تەنیا بۆ جەولەی نیزامی و کاری سیاسی و تەبلیغاتی بچێتەوە نێوخۆی وڵات دەبێ بۆ لێدانی بنکە و بارەگاکانی ڕژێم بڕواتەوە و گرێدانی خەباتی شار و شاخ تەنیا ئەو ئاماژەیەیە بۆیە هیوادارم حیزب چیدی نرخی کەمتر بدا و دەتسکەووتی بەنرختر تۆمار بکا.