ڕۆژی یەکشەممە ڕێکەوتی ٢٠ی دێسامبری ٢٠١٥ی زایینی، شاندێکی کومیتەی ڤێستمانڵاندی حیزبی دێموکرات کوردستانی ئێران بە سەرپەرستی ” عەزیز مورادپەرەست”
بەرپرسی کومیتەی ناوبرا سەر دانی ناوەندی کۆمەڵەی کوردی لە شاری ڤێسترۆس کرد و لەلایەن شاندێکی کۆمەڵەی کوردی بە سەرپەرستی بەڕێز ” کەریم عومەر” بە گەرمی پێشوازیان لێکران.
سەرەتا بەرپرسی کومیتەی حیزب بەڕێز عەزیز مورادپەرەست وێرای دەڕبڕینی خۆشحالی خۆی سەبارەت بەو پێشوازیە گەرمەی شاندی کۆمەڵەی کوردی وەک خانەخوێ، باسێکی تێر و تەسەلی لە سەر باردۆخی ئێستای کوردانی دانشتووی سوید بەگشتی و بەتایبەتی کوردانی شاری ڤێسترۆس کرد.
بەڕێز مرادپەرست لە درێژەی باسەکەیدا ئاماژەی بە پێوەندیەکانی نێوانیان هەردوولا و هەماهەنگی و هەوکاری زیاتری نێوان کۆمەڵەی کوردی و کومیتەی حیزب لە شاری ڤێسترۆس کرد تەئکیدیشی کردەوە کە دەکرێ بەهاوکاری یەکتری ڕەوشی کوردانی دانیشتووی ئەم شارە بەرەو باشتر بڕوا و دەکرێ یاریدەر بین بۆ ئەوەی کە لاوەکانمان بەرەو ئاراستەیەکی بڕۆن.
لە بەشێکی دیکەی سەردانەکەدا کاک عەزیز تیشکی خستەسەر چۆنیەتی کار و چاڵاکییەکانی داهاتووی هەردوولا و هەروەها شێوەی هەماهەنگی کردن لە گەڵ یەکتریدا و ئاگادار کردنەوەی خەلک بۆ هەرچی زیاتر بەشداری کردن لە سیمینار و ڕێوڕەسەکانی یەکتریدا و بەتایبەت بۆنە نەتەوەییەکان و یەک لەوان یادی دووی ڕێبەندان کە ڕۆژێکی مێژووی و نەتەوەییە.
پاشان بەرێز ” کەریم عومەر” بەرپرسی کۆمەڵەی کوردی وێرای دەربرینی خۆشحالی خۆی لەو دیدارە، هەموو جۆرە هاوکارییەکی کومیتەکانی حدکای بەرز وەسفکرد و ئاماژەی بە بارودۆخی کوردان و زیاد بوونی رێژەی کوردان لە سوید کرد.
ناوبرا و لە بەشێکی دیکەی قسەکانیدا هاندانی ژنان لە کارو چاڵاکییەکانی خۆیاندا و هەروەها لە سیمینار و بۆنە کوردییەکاندا بە ئەرکی پیاوان زانی کە هاندەریان بێ بۆ زیاتر بەشداری کردنیان لە کارەکاندا.
بەڕێز کەریمیش جەختیشی لە سەر هەوکاری و هەماهەنگی زیاتری نێوان هەر دوو لا کردەوە و ئامادەیی کۆمەڵەی کوردی بۆ هەموو هەوکارییەک دەربڕی.
حیزبی دێموکراتی کوردستانی ئێران ـ ڤێسترۆس
٢٢ی دێسامبری ٢٠١٥ی زایینی
