بەداخەوە هاوڕێی فەرماندە حەسەن سەرسپی کۆچی دوایی کرد.

بەداخەوە هاوڕێ حەسەن زارعی ناسراو بە حەسەن سەر سپی، فەرماندەی قارەمان و ناسراوی حدکا، دوای ماوەیەک نەخۆشی ئەمڕۆ کۆچی دوایی کرد. 

---

مام حەسەن زارعی ناسراو بە حەسەن سەرسپی،  ساڵی 1318ی هەتاویی لە سەڵوات‌ئاوای سنە لە دایک بووەو پاشان بۆ ماوەیەک بە بنەماڵەوە دەچنە ناوچەی کڵاتەرزان و ئەو بنەماڵەیە هەر لە سەردەمی پاشایەتییەوە  وەک خۆی لە بیرەوەریەکەیدا دەڵێ: دەکەونە بەر ئەزیت و ئازاری ژاندارمەکانی شا و باوکی کاک حەسەن سەرسپی بە هۆی پشتیوانی کردن لە خەڵکی چەوساوە، دوو ساڵ دەخرێتە زیندانەوە.

بنەماڵەی کاک حەسەن بە ناچاری زێدی خۆیان بەجێ دەهێڵین و پەڕیوەی باشووری کوردستان دەبن دواتر دەبێ بە پێشمەرگەی پارتی  و دوای دانیشتن لە پارتی  دەکەوێتە بەر غەزەبی حکوومەتی ناوەندی ئەوکاتی عێراق و  دەێنێرنەوە بۆ ڕۆژهەڵاتی کوردستان .  لە دەسپێکی شۆڕشی گەلانی ئێران لە ساڵی 1357ی هەتاوی دوای فشار هێنان لە لایەن کۆماری ئیسلامی  دەبێتە پێشمەرگەی حیزبی دێموکراتی کوردستانی ئێران و هەر ئەو کاتە بە ئەسلەحەی خۆی وەکوو فەرماندەی ئەو حیزبە ڕەوانەی ناوچەی لەیلاخ دەکرێ و بە هۆی ئازایەتی و چاونەترسییەوە لەو ناوچە دەبێتە قارەمانێکی بە توانا بە چەند پێشمەرگەوە لە شاری دێگولان یەکەم هەستەی حیزبی دێموکرات لە ناوچەی لەیلاخ دادەمەرزێنن.

مام حەسەن تا کۆچی دوایی کرد، وەفادار بە حیزبی دێمۆکڕاتی کوردستانی ئێران بوو و لە هەموو چالاکیەکاندا بە دڵەوە بەشداری دەکرد، چالاکی حیزب نیە مام حەسەن حزوری نەبووبێ. زۆر دژی ئەم کەسانە بوو لە لە حدکا جوێ دەبوونەوە.  دەڵێ حدکا داوام لێ بکا ئێستاش ئامادەم بچمەوە.

بەداخەوە مام حەسەن لە کاتی ژیاندا دوو رۆلەی خۆی لە دەست داوە، یەکیان لە ئاودا خنکا و یەکیشیان عەڕەب کوشتیان. 

پێشمەرگەکان:  لە ناخی دڵمانەوە سەرەخۆشی لە هاوڕێیان و بنەماڵەی سەربەرزی مام حەسەن دەکەین و خۆمان بە شەریکی خەمیان دەزانین.

روحی شاد بێ و رێگەی بەردەوام بێ.

…

کۆمیتەی گشتیی حیزی دێموکراتی کوردستانی ئێران لە وڵاتی سوئید، بە بۆنەی کۆچی دواییی تێکۆشەر و فەرماندەی دێرینی حیزبەکەمان حەسەن زارعی ناسراو بە مام حەسەن سەرسپی ڕاگەیەندراوێکی بڵاو کردەوە.

دەقی ڕاگەیەندراوەکە بەم چەشنەیە: 

بە داخ و پەژارەیەکی زۆرەوە ڕایدەگەیەنین، کە سەرلەبەیانی ڕۆژی دووشەممە، ٩ی بانەمەڕ، “مام حەسەن سەرسپی” تێکۆشەر و فەرماندەی دێرینی حیزبەکەمان و ئەندامی چالاک و دڵسۆزی کۆمیتەی سوئید، لە تەمەنی ٨٠ ساڵیدا کۆچی دوایی کرد و درێژەدانی ڕێگای پڕ لە سەروەری شەهیدان و ڕێبازی پیرۆزی دێموکراتی بە هاوڕێیان و هاوسەنگەرانی سپارد.

“حەسەن زارعی” ناسراو بە “مام حەسەن سەرسپی” ساڵی ١٣١٨ی هەتاوی، لە گوندی “سەڵواتاوا” لە دەڤەری سنە لە دایک بووە.

لە تەمەنی مێرمنداڵیدا ڕێگەی باشوری کوردستانی گرتەبەر و لە دەڤەری هەڵەبجە نیشتەجێ بوو.

لەگەڵ سەرهەڵدانی شۆڕشی باشوری کوردستاندا، چەکی ئازادیی نیشتمانی لە شان کرد و تا ساڵی ١٣٥٤ی هەتاوی و تێکچوونی شۆڕش لە سەنگەری بەرخۆداندا مایەوە.

دوای ساڵی ١٣٥٤ی هەتاوی، جارێکیتر گەڕایەوە ڕۆژهەڵاتی کوردستان و لە شاری سنە، درێژەی بە ژیانی ئاسایی خۆی دا، بەڵام بەردەوام بیری لە ئازادیی نەتەوە و نیشتمانەکەی دەکردەوە.

لە ساڵی ١٣٥٨ی هەتاوی، کە شۆڕشی گەلانی ئێران سەرکەوت و خەباتی ئاشکرای حیزبی دێموکراتی کوردستانی ئێران دەستی پێ کرد، مام حەسەن سەرسپی خێرا چەکی پێشمەرگایەتی لە شان کردەوە و جارێکی تر چووەوە سەنگەری ئازادی کوردستان و یەکێک لە فەرماندە دیار و بەرچاوەکانی ئەو سەردەمە لێ دەرچوو، کە چەندین حەماسە نەبەزی و بوێری لەو قۆناغەدا تۆمار کردووە.

لە ژیانی پێشمەرگایەتیدا لە ناوچەکانی سنە، کامیاران، کرماشان، مەریوان و بنکەی ناوەندیی حیزبی دێموکرات لە بناری قەندیلدا ئەرکی جۆراوجۆری بە ئەستۆ بووە و لە هەموو ئەرکەکانیدا سەرکەوتوو بووە و بەوپەڕی دڵسوزییەوە ڕایپەڕاندوون.

حەسەن سەرسپی ساڵی ١٣٧٥ی هەتاوی و دوای تۆپبارانی بنکەکانی حیزبی دێموکرات لە لایەن کۆماری ئیسلامی ئێرانەوە، بە هۆی بەساڵاچوویی ناچار بوو، ڕوو لە هەندەران بکات و لە وڵاتی سوئید مافی پەنابەری وەرگرت.

لە وڵاتی سوئێدیش مام حەسەن یەکێک لە ئەندامانی چالاک و دڵسۆزی کۆمیتەکەمان بوو و بەردەوام لە چالاکی و بۆنە حیزبی و نەتەوەییەکاندا بەشداری کردووە و ڕۆڵی کاریگەریشی هەبووە لە هاندان و پشتیوانیکردنی کۆمیتەکان و ئەندامانی حیزب لەو وڵاتەدا.

مام حەسەن سەرسپی لە ژیانی پێشمەرگایەتیی لە کوردستان و لە ژیانی پەنابەریی لە هەندەراندا، وەفادار بە ڕێبازی دێموکرات و خەمخۆری دۆزی ڕەوای گەلەکەی و هەموو کورد و کوردستان بەگشتی بوو.

بەداخەوە مام حەسەن سەرسپی، دوای زیاتر لە ٥٠ ساڵ خەبات، وەک تێکۆشەرێکی ڕێگای ئازادی و سەربەخۆیی کوردستان، بە ئاواتی ڕزگاری نیشتمانەکەی و گەڕانەوە بۆ زێدەکەی، چاوەکانی بۆ هەمیشە وێکنا و دڵە گەورە و پڕ لە هیواکەی لە لێدان کەوت.

وەک کۆمیتەی گشتیی حیزبی دێموكرات لە وڵاتی سوئید، وێڕای دەربڕینی خەم و پەژارە، سەرەخۆشی لە بنەماڵە و کەسوکاری مام حەسەن بەتایبەتی ئەندامان و لایەنگرانی حیزبەکەمان بەگشتی دەکەین و لەگەڵ ڕۆحی هەرگیز نەمری مام حەسەن پەیمان دەبەستین کە تا وەدیهاتنی ئاوات و ئامانجەکانی، درێژەدەری ڕێگای پیرۆزی بین و دەست لە تێکۆشان بەر نەدەین.

یاد و ناوی مام حەسەن هەر بەرز و زیندوو ڕادەگرین و ڕۆحی پاکی شاد بێت.

کۆمیتەی گشتیی حیزی دێموکراتی کوردستانی ئێران لە وڵاتی سوئید

٢٩ی نیسانی ٢٠١٩ی زایینی بەرامبەر بە ٩ی بانەمەڕی ١٣٩٨ی هەتاوی

…

وتەکانی هاوڕێ کاک مەلا حەسەن شیوەسەڵی ‘

https://www.facebook.com/hasen.shewesli/videos/2312498515496671/

كوردستان به‌ شكۆوه‌ یادی ده‌كاته‌وه‌!، رەحیم رەشیدی

مخابن، ئه‌مرۆ دووشەممە، ڕێكه‌وتی ٩ی بانەمەڕی ١٣٩٨ی هەتاوی، به‌رانبه‌ر به‌ ٢٩ی ئه‌پریلی ٢٠١٩،  فەرماندەی قارەمان و دوژمن به‌زێن، كاك “حەسەن زارعی” ناسراو بە “حەسەن سەرسپی” بۆ هەمیشە ماڵاوایی لە ژیان کرد. تێكۆشه‌ری نه‌سره‌وتوو مام حه‌سه‌ن سه‌رسپی، یەکێک لە فەرماندە دێرینەکانی هێزی پێشمەرگەی کوردستان بوو، كه‌ له غه‌ریبی و دوور له‌ نیشتمان‌ و له‌ وڵاتی سوئێد بۆ هەمیشە ماڵاوایی لە ژیان کرد‌.

فەرماندە حەسەن سەرسپی، ساڵی ١٣١٨ هەتاوی لە گوندی سەڵەواتاوا سەر به شاری سنە لە دایک بووە.

بنەماڵەی کاک حەسەن، بە هۆی تێکۆشان و پشتیوانی لە حیزبی دێموکرات، به‌رده‌وام لە ژێر گوشار و هەڕەشەدا بوون، بەڵام هیچکات چۆكیان بۆ ویسته‌ ناره‌واكانی ڕێژیمی ئێران دانه‌داو و بە هۆی گوشارەکان ناچار بوون کوردستانی ڕۆژهەڵات بۆ کوردستانی باشوور بەجێ بێڵن و دواتر له‌ وڵاتی سوئێد گیرسانه‌وه‌.

پاش ئه‌وه‌ی ساڵی ٢٠٠٢، له‌ وڵاتی توركیاوه‌ وه‌كوو په‌نابه‌ر چووومه‌ سوئێد، هه‌ر زوو له‌ كۆڕو كۆمه‌ڵی حیزبی و كوردستانی دا،  به‌رده‌وام ده‌مدیت كه‌ خۆی گۆچاناكه‌ی ده‌ستیه‌وه‌ به‌و په‌ری هیوداریه‌وه‌ باسی له‌ ئازادی كوردستان ده‌كرد و هه‌موانی بۆ كاری حیزبی و خزمه‌ت به‌ كوردستان هانده‌دا. بۆ هه‌ر كارو چالاكیه‌ك پێم كه‌وتبایه‌ شاری ئیسكلیستونا،  ده‌چوومه‌ خزمه‌تی و چێژم له‌ میوانداری و بیره‌وه‌یه‌‌ پر حه‌ماسه‌كانی وه‌رده‌گرت. خوالێخۆشبوو هه‌رده‌م به‌ ره‌شیدی بانگی ده‌كردم.

 له‌م بۆنه‌ خه‌مناكه‌دا، پرسه‌و سه‌ره‌خۆشی به‌ هاورێ و هاوبیرانی مام حه‌سه‌ن به‌ گشتیی و خوشكی به‌رێزم داده‌ سه‌میره‌ی كچی و له‌ رێگای ئه‌یشه‌وه‌ به‌ گشت كه‌س و كارو بنه‌ماڵه‌كه‌ی ده‌ڵێم و خۆم له‌ خه‌می له‌ ده‌سدانی ئه‌م كه‌ڵه‌پیاوه‌دا به‌ هاوبه‌ش ده‌زانم.

 

دواین جار له‌ مانگی مه‌ی ساڵی ٢٠١٧دا له‌ ئه‌مریكا به‌ دیداری مام حه‌سه‌ن شاد بوومه‌وه.

 

شكۆدار بێ ناوو یادی مێرخاسی رۆژه‌ سه‌خته‌كان.

#مسته‌ر_كورد

…

لە وتووێژێک دا لە گەڵ ساڵە نەڵۆسی بەمجۆرە باسی خۆی دەکا.

دەنگ مام حەسەن لە پاڵتاک لە ساڵی 2005