ڕۆژی شەممە ڕێکەوتی ۲٥.۳.۲۰۲۳ لە لایەن ڕەوەندی کوردی یەوە لە وڵاتی ئوتریش خۆپیشاندانێک لە شاری ویەن
بۆ دەربڕینی ناڕەزایەتی و شەرمەزار کردنی کوشتاری ئەندامانی بنەماڵەیەکی خەڵکی جندرێس بە بیانووی هەڵکردنی ئاگری نەورۆز پێک هات و لە خۆپیشاندانەکەدا بەشێک لە ئەندامانی حیزبی دیموکراتی کوردستانی ئێرانیش بەشدار بوون و بە بەشداری لەو خۆپیشاندانەدا پاڵپشتی خۆیان بۆ خەڵکی عەفرین و دەور و بەر دەربڕی و کردەوەی جینایەتکارانەی بکەرانی ئەو تاوانە گەورەیان شەرمەزار کرد، لە خۆپیشاندانەکەدا هەروەها وتارێک سەبارەت بەو تاوانە لە لایەن نوێنەری ڕەوەندی کوردییەوە خوێندرایەوە و لە لایەن چەند کەسێکەوە شانۆیەک کە پیشاندەری شێوەی تاوانەکە بوو پێشکەش کرا و هەروەها چەند سروودێکی شۆڕشگێڕانەش بە شەکاندنەوەی ئاڵای کوردستانەوە لێ دران، خۆ پیشاندانەکە پاش ٤ سەعات لە سەعاتی ٥ ی ئێوارە کۆتایی پێ هات.
حیزبی دیموکراتی کوردستانی ئێران کومیتەی ئوتریش
2023-03-25
