خزمان فریاکه‌ون !، سەعی سەقزی 

لێره‌، له‌م مه‌ڵبه‌نده

له‌م مه‌ڵبه‌نده‌ سه‌هۆلبه‌نده‌

به‌فرێکی وه‌ها باریوه‌

رێی هاتووچووی بڕیوه‌

گه‌ر بته‌وێ بچیته‌ده‌ر

ده‌ردیسه‌ره‌ و ده‌ردیسه‌ر

ئه‌بێ خۆت باش جل بکه‌ی

نه‌ک هه‌ر جل ناڵیش بکه‌ی

له‌ به‌ر که‌می هاتووچوو

وه‌ها ئه‌ژین هه‌ر هه‌موو

دانه‌وێله‌ ئه‌خۆین به‌ دانه‌

که‌نوو بوو به‌ هه‌مانه‌!

هه‌مانه‌ ره‌ش و بۆره‌

خوارده‌مه‌نیی نه‌زۆره‌‌

هیزه‌ بووه‌ به‌ دیزه

دیزه‌یش‌ که‌وته‌ته‌ گیزه‌

نازانم لای ئێوه‌ چلۆنه‌؟

هاتوچوو ئێستا چۆنه‌؟

فه‌یسبووک هه‌ر وه‌کو جاران

دێته‌ خانه‌ و دیواخان؟

یان وه‌ک ئێره‌ زیزه‌ و مات

زیز و مات و بێده‌سه‌ڵات !

ده‌سا فریا که‌ون دۆستان

له‌م‌ سه‌رماوسۆڵه‌ی زستان!

8/1/2024

وێنه‌، له‌ گه‌ڕه‌کی { Akalla) (ئاکالا) له‌ (ستۆکهۆڵم)}

سه‌عی سه‌قزیSai.saqzi@gmail.com