جێژنی ڕەمـەزان یـەکـەمــیـن جێژنی گەورەی موسوڵمانانە ، شادیە بۆ ئەوەی کە بەسەرکەوتنەوەئەرکی پێی ئەسپێراوت بەجێی هێناوە.
بڕواشت وایە کە لەخوا وە پاداشی بەنرخت دەدرێتێ . هەر بەو بـۆنەوە پـیـرۆزبـایی گەرمی خۆم پیشکێشی سەرجەم موسوڵمانی جیهان و بەتایبەتی خوشکو برا کوردەکانم لـە هەروێی هەن دەکەم وئاواتمە عێبادەتیان قبوڵ وجێژنێکیتر لە زێدی خۆیان دەگەڵ کەسی خۆیان بگرن.من باسی وردەکاریەکانی ناکەم چونکە دەزانـم بە پێی پێویست دەکوترێی . دەمەوێی دەگەڵ مامۆستایانی ئایینی کوردستان کە کارگێڕی ئەسلی بەڕێوە بردنی بەرنامەی ڕەمەزانن و جێژنەن بدوێم و داوای سەرکەوتنیشیان بۆ دەکەم.
بەڕێزان بە پێی ئەوەی مەلا بوم، دەزانم مەلایانی کورد زەختی زۆریان لەسەرە، هێندێکیان بەرگەی ناگرن و مەجبورن هـێـنـدـێک شت بـڵـێن و بکەن، نە خۆیان دەنەوێێ بیڵێن نە حەزیان لێیە بیکەن ونەخەڵکیش بەباشی دەزانن. بێگومان وەک کوتـراوە چەم بـێچەقـەڵ نـابـێـی ، هـەشن دوڕاون ئیرادەی خۆیان فرۆشتوەو ئەو زێدە بەشیەی بۆ مەلا هەیە بە پـوڵیان داوە . مـن سەردەمـی شام دیــوەو دەورانی خومەینیش ئەوە ٤٦ ساڵە ململانە دەکەین . ئـەو دوو ڕێـژیـمـە بـە نیسبەتی کورد یەک شتن بەو فەرقە، ئی خومەینی شیعەی ١٢ ئیمامەیـەو دژایەتی دەگەڵ هەر ئیدەوئایینێک هەیە کە وەک خۆیان نەبێێ ! بە ئەزمون بۆم سابیت بوە لە دژایەتی کورد دا هـیچ جـیاوازیەکیان نیە ، ئـاخونـدەکان مـەزهـەبـیـان لـێی زیــاد کردوەو گەیاندویانەتە پلەی جهیاد بەدژی کوفر لە سەر کورد بـەڕێـوەیان بردوە . ئێوەی پێشەوایانی ئایینی کورد لـە نـیـزیکەوە جـیـنـایـەتکاری ئـەو ڕێـژیـمە دەرهەق بە گەلەکەمان دەبینن ، دڵنیام زۆرتان قبوڵتان نیە و لەژێر ئەو حـەدیـسەدا کەدەڵێ : ( ناعیلاجی حەرامی حەڵاڵ دەکا ) خۆتان مات کردوە . هێندێکتان لە بۆنەکان و روداوەکاندا هەست وسۆزتان دەر بڕیوەو زیندان وئەشەکەنجەشتان قبوڵ کردوە. هەموشمـان دەزانین قبوڵکردنی زوڵـم و زۆرداری نـیشانەی لاوازتـرینی ئیمانە . بەڵام زوڵم ئەگەر سنورەکانی مرۆیی و دینی تێپەڕاند دەبێتە قەباحەت وبەرەنگار بونەوەی ئەگەر بە قیمەتی گیانیش تەواوبێێ ئـەرکە و بـەڕێـوە نـەبردنی تاوانـە. مێژو نیشانی داوە ئەمەش زۆرمان دیتومانە، داگیر کەرانی کوردستان دانـیان بـە هیچ مافێکی مرۆیی کە پێشەنگیان ئازادیە، نەهیناوەو ناشی هێنن. ئەگەر جەبر وایکرد بەقسە مافێک بۆ کورد بناسن ، لە کەمـتـریـن فـرسەتـدا لـێی باشگەز بـونـەوەو دەبـنـەوە. دەگەڵ ڕێـزم بـۆ مـێـژو، بـەڵام مێژوشیان بەو هەمو دەستکاریەش بەشە کوردیەکەی قبوڵ نیە.نمونەمان زۆرن،نازانن مێژوی ڕابردو هەڵناسەنگێنن یان زمان و قەڵەمتان لە ئیختیاری خۆتان دا نەماوە .شتێکی کە بە باوەڕی مـن غـەڵـەتـە وبـەردەوامـیـش دەکرێی ئـەوەیـە: خەڵکمـان پێی لە خۆمان گەورەترو شیاوترو زاناترە. ڕێز لە بیگانە زیاتر دەگریـن تـا خۆمـانە . هێرشی زۆر نابەجێێ دەکەینە سەر ڕێبەرانی کۆچ کردومان. ڕێبەرانی ئێمەش مـرۆڤ بونو هەڵەوپەڵەشیان هەبوە ،ڕەخنە لێی گرتنیشیان کوفر نیە،دەگەڵ ئەوەش ڕێبەر ڕێزی خۆی هەیە بەڵام سەیر ئەوەیە ڕادەوەستین هەتا ٣٠ ،٤٠ ساڵ لە مەرگیان تێدەپەڕێی کە ڕەنگە یەسکیشیان پڕوکابی! دەیان شتیان بۆهەڵدەبەستین کە بونیان نەبوەو نیە ،هەرئەوە دوژمن دەیکاتە پێخۆری پڕوپاگەندە دوژمـنانەکەی. ئەوانە بەبێی ئەوەی بەخۆیان بزانن دەبنە بڵیندگۆی دوژمن. بە پێی یاسای حقوقی ئەگەر کەسێک تاوانێکی ئەنجام دابێ لە ماوەی ٢٠ ساڵدا سکاڵایەکی لەسەرنـەبـێی، ئەو تاوانە وەک نەکراو چاوی لێدەکرێێ ، کەچی ئێمە دوای چل ساڵ بێدەنگی دەست پێدەکەین. ئێمە بۆمان هەیە ڕەخنە لـە هـەر کەس بگرین چ بەزمان چ بەنوسراوە و بە ڕەخنە لێگیراوی بگەێێنین . مەبەستم ئەوەیە با هەرگەلەو گازندەیـەکمان لـە ڕێبەرانی خۆمان هـەیە خۆمان بە خۆیان بڵێین نەک هەڵی گرین بۆڕۆژی سەڵا.
لێرەدا مەبەست لەو درێژدادڕیەم ئەوەبو کە مامۆستایانی ئاێینی ئەرکیان زۆرلەوە گەورەترو قورسترە کە بەهەمو کەس مەزندە بکرێی، تەنانەت هەن ئیوا خۆشیان هەست بە گرینگی بەرپرسیارەتیەکەیان ناکەن . مـامـۆستایان دەبێی بەڵگەی هەر فتوایەکیان قورئان بێێ . لە من باشتر دەزانن لە ئیسلام دا مەزهەبی جۆراوجۆر و دژ بەیەکیش هەن ، قسەی هــیچ ئـیمـامێک قسەی ئـاخر نـیـە تا دەگەڵ قـورئان یەک نەگرێتەوە.واتە دین لەمەزەهب گەورەترە، دین فەرمودەی خوایە، مەزهەب قسەی بەشەرەو فەرمودەی خواش جێی بڕواترە. ئـەوەش لە بـیر مەکەن ئازادی یەکێکە لەپایە ئەسڵیەکانی ئیمانی مـرۆڤ ، چـونکە مـرڤـی بـێـبەش لەئازادی هیچ کردەوەیەکی لەلای خواش قـبـوڵ نـیـە. یـان باشتر بڵێم :ئیمان بەخواش بە زۆری خواش قبوڵی نـاکا. هـەر بـۆیـەشە خوا دیـنـەکەی نـاردوە ، پەیامبەرەکان ڕایان گەیاندوە.دواییش هەرکەس ڕێگەی دراوە بە دڵخوازی خۆی بیان کا،یان نەیانکا. لەم دنیایەش مافی لێپرسینەوەو سەزادان لە سەر دین بۆ کەس نیە . هەیە دەڵێن حەدیسە هەر کەس نوێژێکی بچی دەبێێ بکوژرێی !! ئەگەر وابـێی مـوسوڵمان نامێنێ ! بیخەبەر لەوەی پاداش و سەزای کردەوەی عـیبادی بەدەستی خوایـە ، چـونکە عـیبـادەت بو خوایە، کەس مافی نیە خۆی لێبکا بەخاوەن!!
دوای ئەوە یەکێک لە مەترسیە گەورەکان ئەوەیە : ئـێـمە زانستیانە لە مەسەلەکان ناکۆڵێنەوە ،هەریەکی دواکەوتوی ئیمامێکین وپیمان وایە ئەگەرلەقسەیان دەرچین کوفرمان کردوە. خوامان فەرامۆش کردوە.! ئەوە ئەرکی مـامـۆستـایـانی ئـایینیە خۆیان ماندو کەن وئیمانو ئیرادە بەسەر تـرس ودڵە ڕاوکێدا زاڵکەن . ڕاستیەکان بدۆزنەوە بەخڵکیان بگەێێن ، لـە بـەرپـرسایـەتی خۆیـان نەشارنەوە . بزانن هەق پێشگیری لـێـدەکرێێ ، دەشاردرێـتـەوە ، بـەڵام سەرئـەنـجام دەردەکەوێـو سەر دەکەوێێ.لەوانەش گرینگتر ئێمە گەڵێکین زێدو ئازادیمان داگیرکراوە، هەمو دابو نەریتو کلتورمان دەستی تێوەردراوە،واتە لەژێدەستی داگیر کەراندا ژیاوین، بۆیە خەبات بۆ ڕزگار بون ئەرکی شەرعیە، گەیاندنی ئەو مەبەستە ئەرکی مامۆستای ئایینیە . نیگەران مەبن لە خوا نەبێی لەکەس مەترسن و ئەو شێعرە بخوێننەوە.
گەر نیگاداری من ئەو خوایـەیـــە مــەن دەیناسم
شوشە هەڵدەگرێێ لە نێو باغەڵی بـەردی ڕەقـدا
دەگەڵ پیرۆزبایی دوبارەم ساغی و سڵامـەتی و سـەر کەوتـنتان ئـاواتـمـە هـەتــا ڕەمەزانێکیتر،ئەو ڕەمەزانەتان لە بیرنەچێتەوە. لە کەموکوڕیەکانم ببورن چونکە بڕێکم هەیە وەک نەریتی کوردەواریشە جیژنتان پیرۆز گەردنیشتان ئازاد.
براتان مەلا برایمی مەجید پور ٨ خاکەلێوەی ٢٧٢٥ کوردی. ٢٨ / ٣ / ٢٠٢٥ زایینی