عه‌شق هەستێکی گەورەیە. دڵشاد پاڵانی

ئەگەر لەو لایەنەی بگەڕێین کە مرۆڤەکان ئاڵوگۆریان بەسەرا دێت و و خۆشەویستی لەنێوانیاندا نامێنی و لە عاشقەوە دەگۆرێن بۆ دوژمنی یەک، کە من پێموایە ئەم سروشتی ئینسانە و لە دەورەیەک عاشق دەبێت و دواتر یان کاڵ دەبێتەوە یان دەگۆڕێت یان ڕەنگیشە بۆ هەتایە ئەو هەستە بمێنێتەوە لەلای..

بەڵام عەشق لەوڵاتی ئێمە قەدەغەیە و یەکێکە لەتاوانەکان کە باجەکەی قورس و گرانە و زۆر جار بەکۆتایی ژیانی کەسەکان و بەتایبەت ژنان کۆتایی دێت.

لە وڵاتێک کە حوکمی پیاوسالاری تێدا بێت، لە کۆمەڵگایەک کە یاسا و مافەکانی ئینسان لەسەر بنەمای خۆشەویستی و ڕێز و یەکسانی نەنووسرابێتەوە بێگومان عەشقیش دەبێت بە هۆکارێک بۆ قووڵکردنەوەی تراژیدیا لە ژیانی مرۆڤەکان و ژنان بەتایبەت.