داهێنانێکی تازە ی لاوێکی کورد لە شێوازی بڵاو کردنەوەی هەواڵ و بابەت لە ماڵپەڕ دا .

لەم ساڵانەی دوای و لە رەوتی گەشەی سەریعی تێکنۆلۆژیای ڕاگەیاندن و کۆمۆنیکاسیۆن  دا ،

زۆرن ئەو ڕۆلە کوردانەی کە پێ بە پێی خەڵکانی بەختەوەری دونیا چوونەتە پێش و مۆری خۆیان داوە لە بەرەو پێش بردن و گەشەی تێکۆنۆلۆژیای سەردەم دا.

یەکێک لەو گەنجانەی کە لە ئاوارەیی و دوورە وڵاتی ئۆردووگای ئەلتاشی عێڕاق ڕا دەستی پیکردووە، و گەیشتوەتە ولاتی فینلاند لاوی بە توانا کاک ماهیر نەقشبەندی خەڵکی ڕۆژهەڵاتی کوردستانە.

 دوای ئەوەی کە کاک ماهیر دەگاتە وڵاتی فینلاند و دەست دەکا بە خوێندن و دواتر لە بواری کامپیۆتێر و  دروست کردنی سیستەم و دیزاینی ماڵپەرەوە بگرە تا زۆر کارو داهێنانی دیکەی ئەو بوارەی تێکنۆلۆژیای خوێندووە و تییدا مامۆستایە. ئێستا له‌ یه‌کێك له‌ کۆمپانیاکانی بواری وێبدیزاین و سیسته‌می وێب له‌و وڵاته‌ ئیش ده‌کات. زۆر وێبسایتی جوان و مۆدێرنی داناوە و خۆشی ماڵپەڕێکی هەیە بە ناوی هەواسان.  کاک ماهیر کەسێکی جیدی ، ڕاستگۆ و لەسەرەخۆیە لە ڕەفتار و لە هاوکاریکردن دا. جگەلەوەی کە ئەوە پێشە و دەرگای داهاتی ژیانیەتی کە ساڵانێکی زۆری بۆ گەیشتن بەو ئارەزوویەی سەرف کردووە، هاوکاریی زۆر دۆست، هاوڕێ و ناسیاری خۆی دەکات بە بێ بەرابەر و چاوەڕوانی.

کاک ماهیر لە تازەترین داهێنانی دا سیستەمێکی بە کار هێناوە کە بێ ئەوەی خۆی کار لە سەر سایتی هەواسان بکا، ئەو سایتە ڕۆژانە لە چەندین سایتی دیکە هەواڵ گوڵبژێر دەکا و وێڕای ئیشارە بە سەرچاوە، هەوال و بابەتەکان نەقڵی سەر لاپەرەی سەرەکیی خۆی دەکاتەوە. ئەوەش سیستەمێکە کە لە راگەیاندنی کوردی دا( مەبەست ڕاگەیاندنی ئیلیکترۆنیکی یە) داهێنانێکی تازەیە و تا ڕادەیەکیش هاسانکاری دەکا بۆ خاوەن ماڵپەرەکان و لە هەمان کاتیش دا هەواڵەکان وەک چۆنداڕێژراوە دەخاتە بەر دیدی خوێنەران. ڕۆژانە لە باتی ئەوەی سەردانی چەندین ماڵپەڕ بکەی، دەتوانی سەردانی هەواسان بکەی و هەواڵ و لینکی  سایته‌ به‌ناوبانگه‌کانی کوردی بخوێنیته‌وه‌ ، بێ ئەوەی مافی ئەو سایتانەش بفه‌وتێ.

ئێمەش وەک بەڕێوەبەرانی ماڵپەڕی پێشمەرگەکان  وێڕای پیرۆزبایی لە کاک ماهیر و هیوای سەرکەوتن بۆ کار و خزمەتەکانی. هاوکات لە پێوه‌ندیه‌کی پێشمه‌رگه‌کان له‌گه‌ڵ کاک ماهیر هیندێک زانیاریی داوه‌ سه‌باره‌ت به‌ هه‌واسان  و ئێمەش بێ دەستکاری دەقی زانیارییەکانی کاک ماهیر لێرە دا بڵاو دەکەینەوە:

“له‌ نوێکاری ماڵپه‌ڕی هه‌واسان ئه‌م جاره‌ به‌شێوازێکی نوێی کاری میدیای دێته‌وه‌ خزمه‌تتان. هه‌واسان ئۆتۆمیدیا بۆ خزمه‌ت کردن به‌ خۆێنه‌ران له‌ وه‌رگرتنی هه‌واڵ و بابه‌ته‌کان دوور  له‌ قه‌ره‌باڵغیی ماڵپه‌ر به‌ردەوام ئاگادارتان ده‌کاته‌وه‌.

هه‌واڵی ماڵپه‌ره‌ باوه‌ڕ پێکراوه‌کانی کوردستان به‌ بێ جیاوازی،و به‌شێوازی ئۆتۆمات وه‌رده‌گرین و بڵاویان ده‌که‌ینه‌وه‌.

 پێویسته‌ بڵێین ئێمه‌ بۆ خۆمان هه‌واڵنووس نین، بۆیه‌ ڕێز له‌ سه‌رچاوه‌ی هه‌واڵه‌کان ده‌گیردریت، و ئاماژه‌ به‌ سه‌رچاوه‌کانیان ده‌کرێت.‌

بێگومان ئه‌م ماڵپه‌ره‌ بۆ خزمه‌تکردنی ئێوه‌یه‌، و ڕەخنه ‌و پێشنیاره‌کانتان گرینگن بۆ درێژه‌دانی کاره‌کانمان له‌ هه‌واساندا.”

لینکی ماڵپه‌ڕ 

www.hewasan.net