کارەساتی هەڵەبجە و شەهیدانی لە بیر کراو، مەنسوور ئیراندوست

16/03/88 بە هۆی مەلملانێی دەسەڵات دارە دڵڕەقەکانی تاران و بەغدا هەڵەبجە و ناوچەکانی بونە مەیدانی شەڕێکی خوێناوی کە قوربانی سەرەکی ئەمشەڕە نەخوازراوە دانیشتوانی بێ دەسەڵاتی ناوچەکە بوون و بوون بە باراشی بەینی دوو بەرداش .

سەرەتا هێزەکانی ئێران لە هەموو لایەکەوە ناوچەکەیان خستە ژێر توندترین ئاوری تۆپخانەکانیانو لەئاکامدا کۆمەڵێک شەهید و بریندار بوون و بەشێک لە خانوەکان وێران کران.
دوتر کە ناوچەکە کەوتە دەستی هێزەکانی ئێران و ئێراقیەکان نائۆمید بون لە گرتنەوەی هەڵەبجە بە شێوەیەکی دڕندانە و بێ بەزەیانە کوتنە خاپور کردن و کۆمەڵکوژی لە ئاکامی ئەم کۆمەڵ کوژیەدا بەشێکی زۆری دانشتوانی شارەکە کەوتنە بەر چکی شیمایی وشەهید و بریندار بوون کۆمەڵێکیش لە داوکەوتوانی بێ دەسەڵاتی ئەم کارەساتە کەوتنە بەر دەستی هێزی داگیرکەری کۆماری ئیسلامی کە دواتر بەشێکیان ئیعدام کران و بەشێکیشیان بۆ ماوەی درێژ لە چالە ڕەشەکانی کۆماری ئیسلامیداژیانی پڕکارەساتیان بردە سەر.
پاش 27 ساڵ لەم کۆمەڵ کوژیەهێشتا ئاسەوارە دڵتەزێنەکانی کۆتایی نە هاتوە .
بەشیک لە بریندارەکانی ئەوسەردەمە 27 ساڵە بە دەست ئازارەکانیانەوە دەناڵینن و چارەسەر نەکراون .
بەشێک لە شەهیددکانیش بێ سەروشوێنن ، لەم ڕٶژانەدا تەرمی 8 کەس لە شەهیدەکانی ئەو کۆمەڵکوژیە دۆزرانەوە و پشکنینان بۆ کراوە دەرکەوتوە کە شهیدانی شیمیایین .
بەشێکی دیکەی شەهیدەکانیش بێ سەروشوێنن هێندێکیان لە نەخوشخانەکانی ئێران بێ کەس و بێ ناو بە خاک سپێردراون و ههێندێک لە وڵاتانی ئەروپا ،
ئەوەی کە لێرەدا جێگای مەبەستە ئەو بێ سەروشوێنانەیە کە کوردی ڕۆژهەڵات بوون و پێشمەرگە و ئەندامی حیزبی دیموکرات بون ، پاش 27 ساڵ حیزبی دیموکرات هیچ هەواڵێکی نەداوە بۆ کەم کردنەوەی دڵەڕوکێی بنەماڵەکانیان .
4 کەس لەو بێ سەروشوێنانەی کە پێسمەرگە و ئەندامی حیزبی دیموکرات بون و بۆ منیش خزم و هاوسەنگەرم بون بریتین لە
1.خاڵۆ یوسو نەوسودی کە پێشمەرگە و خەباتکارێکی ماندونەناس بو لە سەرەتاشۆڕشی گەلانی ئێران لە یەکەم کەسەکان بوو کە بوو بە ئەندامی حیزبی دیموکرات دواتریش دەستی دایە چەک و تاکاتی کارەساتی هەڵەبجە ماندونەناسانە دژی هێزەکانی کۆماری ئیسلامی لە خەباتدابوو .
لەکاتی ڕوداوەکەی هەڵەبجە لە هێزی پێشمەرگە دابڕا و بێ سەر شوێنە .
2. ئەنوەر ئەمینی (دەرەبەیان
ئەنوەر دەرەبەیانی یەکێک لە پێشمەرگە و فەرماندە بە جەرگ و نەترسەکانی هێزی شاهۆ حیزبی دیموکرات بوو .
ئەنوەر ناوێکی دیاری ناو هێزی پێشمەرگە بوو ، بۆ پێشمەرگە پشتیوان و ورە ، بۆ جاش و خۆفرۆشانیش ترس و تۆ‌قءنەر بوو .بە گوێرەی زانیارییەکان تا بێست ڕۆژ دوای کارەساتی هەڵەبجە لەوێ بینراوە .
بەداخەوە دواتر بێ سەر و شوێن بوە وادیارە کاک کەمال شاکر و کاک قادر کۆکۆیی هێندێک زانیاریان هەبووە ،
بەداخەوە کاک قادر دواتر شەهید بوو ئەو زانیاریانەی لە گەڵ خۆی بردە ژێر خاک ، بەڵام داوا و هیوام لە بەڕێز کاک کەمال شاکر ئەوەیە کە دڵسۆزی و بوێری نیشان بدات ئەو گرێ پوچکەیە بکاتەوە و بنەماڵەکەی لە دڵەڕاوکێ 27 ساڵە دربێنێت .
4. دادە خاتون حوسینی (ئێناخی) و کەیومەرس ی کوڕی ، دادە خاتون ژنێکی بەس مەینەت کە بە کولەمەرگی دوو کوڕی گەورە کرد و دواتر هەردوک کوڕەکەی بە ناوەکانی ئیقباڵ و کەیومەرس بون بە پێشمەرگە ئیقباڵ لە شەڕێکی قورسی ناوچەی مەڕەخێڵ ساڵی 1361 دا شەهید کرا لە کارەساتی هەڵەبجەدا دادە خاتون و کەیومەرس بێ سەر و شوێن بوون .
دادە خاتون دڵسۆز و میواندار بوو ئەو نان و دۆیەی بە کولەمەرگی بە دەستی دەهێنا بە دڵفراوانیەوە دیدایە پێشمەرگە و ورەبەخش بوو بۆ پێشمەرگە بۆ درێژەدانی ڕێگای شەهید ئیقباڵ .
ڕۆحی شەهیدەکانمان شاد و ڕووڕەشی بۆ داگیرکەران و بکوژان .
مەنسور/ 20150315
یوتوبوری سوید