یادی نەورۆز و ساڵی ٢٧١٥ی کوردی لە ئۆفیسی نوێنەرایەتی حکومەتی هەرێمی کوردستان لە سوید بەڕێوە چوو.

ڕۆژی هەینی ڕێکەوتی لە٢٠ی مارسی ٢٠١٥ی زایینی، بۆ بەرز و پیرۆز ڕاگرتنی یادی نەورۆز جێژنی لە مێژییەی گەلی کورد و سەری ساڵی نوێی کوردی، لە ئۆفیسی نوێنەرایەتی حکومەتی هەرێمی کوردستان

لە ستۆکهۆڵم پایتەختی وڵاتی سوید و بە بەشداری نوێنەری حیزب و لایەنە سیاسییەکانی کوردستانی  و سویدی  و هەروەها باڵوێزخانەی عێراق کۆڕێکی هاوبەش بەڕێوە چوو.

لە کۆڕ یادەدا شاندێکی کومیتەی سویدی ” حیزبی دێموکراتی کوردستانی ئێران ” بەسەرپەرەستی ” محەممەد ئەحمەدی ”  بەرپرسی پێوەندییە کوردستانییەکانی کومیتە،  لەسەر بانگهێشتی فەرمی نوێنەرایەتی  حکومەتی هەرێمی کوردستان  بەشداری کرد.

شایانی باسە نوێنەرانی بەشدار بووی ئەم ڕێوڕەسمە پێکەوە ئەم یادەیان بەرز و پیرۆز نرخاند و پاش پیرۆزبایی  لە یەکتری پێکەوە جێژنی نەورۆز و ساڵی ٢٧١٥ی کوردییان لە سەرجەم گەلی کورد پیرۆز کرد.

لە کۆتایی ڕێوڕەسمەکەدا هەموو بەشداربووان هیواداربوون کە ساڵی نوێی کوردی ساڵێکی پڕ لە خێر و خۆش، ساڵی ئاشتی و تەبایی و پێکەوە ژیان، ساڵی ئازاد بوونی خاکی پیرۆزی کوردستان و سەر بە خۆ بوونی گەلی کورد بێت.

حیزبی دێموکراتی کوردستانی ئێران ـ کومیتەی سوید

٢١ی مارسی ٢٠١٥