لە شاری ئێسکیلستونای وڵاتی سوید چێژنی نەورۆز و ساڵی نۆێی کوردی پیرۆز کرا.

ڕۆژی شەممە ڕێکەوتی ١ی خاکەلێوەی ٢٧١٥ی کوردی بەرانبەر بە ٢١ی مارسی ٢٠١٥ی زایینی کومیتەی ئێسکیلستونای حیزبی دێموکراتی کوردستانی ئێران بە هاوکاری یەکێتی کوردان و یەکێتی لاوانی ئەو شارە

جێژنێکی بەرین و شکۆداری بۆ کوردانی دانیشتووی ئەو شارە و دەوروو بەری پێک هێنا.

 

سەرەتای ڕێوڕەسمەکە بە خۆلەکێک بێ دەنگی بۆ ڕێزگرتن لە گیانی پاکی شەهیدانی کورد و کوردستان دەستی پیکرد.

پاشان لەلایەن بەڕێوەبەری ڕێوڕەسمەکە بەخیر هاتنی بەشداربووان و جێژنە پیرۆزەی نەورۆز و سەری ساڵی ٢٧١٥ی کوردیان لێ کرا .

 

دواتر پەیامی نەورۆزیی کومیتەی ئێسکیلستونای حیزبی دێموکراتی کوردستانی ئێران لەلایەن ” حەبیب بەهرامی خوێندرایەوە .

 

لە بڕگریرکی دیکەی ڕێوڕەسمەکەدا پەیامی نەورۆزیی ناوەندی یەکیتی کوردان لەلایەن ” هێرش بەهرەمند ” پێشکەش کرا .

 

بەشێکی دیکەی ڕێورەسمەکە تەرخان کرابوو بۆ خواردنی ڕەنگاوڕەنگی کوردی کە بەشێوەی ئیوارەخوانی نەورۆزیی ئامادە کرابوو.

 

پاشان  باسێکی مێژووی سەرهەڵدانی نەورۆز و گرنگی ئەو ڕۆژە بۆ گەلی کورد، بە هەردوو زمانی  سویدی و کوردی لە لایەن ” ئەنوەر کاکایی” بەرپرسی کومیتەی گشتی حیزبی دێموکراتی کوردستانی ئێران  پێشکەش کرا.

 

بەشی کۆتایی ڕێوڕەسمەکە بە کێبەرکێ و سروود، شیعر و گۆرانی درێژەی کێشا.

بەم شێوەیە بەشداربووان پێشوازییان لە ساڵی نۆێی ٢٧١٥ی کوردی و نەورۆزەی لە مێژینەی کوردەواری کرد.

 

حیزبی دێموکراتی کوردستانی ئێران ـ ئێسکیلستونا

یەکێتی کوردان ـ ئێسکیلستونا

یەکێتی لاوان ـ ئێسکیلستونا

 

٢٢ی مارسی ٢٠١٥