بەبۆنەی هاتنی ساڵی نوێی کوردی و جێژنی نەورۆزەوە، ئاهەنگێک لە شاری فاڵۆن بەڕێوەچوو.

رۆژی شه‌ممه‌ رێکه‌وتی ۲۱ی مارسی ٢٠١٥ی زایینی، کومیته‌ی فاڵۆنی حیزبی دێموکرات به‌ هاوکاری یه‌کێتی کوردانی ئەو شارە، بۆ بەرز و پیرۆز ڕاگرتنی یادی نەورۆز

جێژنی لەمێژینەی گەلی کورد و هاتنی سەری ساڵی ۲۷۱۵ کوردی ڕێوڕەسمێکی بۆ ئه‌ندامان، دۆستان و بنەماڵە حیزبێکانی دانیشتووی شاری ” فاڵۆن”  پێک هێنا.

سه‌ره‌تا به‌رنامەکە‌ پاش به‌خێرهاتن کردنی به‌شداربووان لەلایەن بەڕێوەبەری ڕێوڕەسمەکە، سروودی نەتەوایەتی “ئه‌ره‌قیب” و دواتر خوله‌کێک بێ ده‌نگی بۆ ڕێزگرتن لە ڕۆحی پاکی شه‌هیدانی کورد و کوردستان دەستی پێ کرد.

پاشان په‌یامی هاوبەشی کومیته‌ی حیزب و یه‌کێتی کوردانی شاری ” فاڵۆن” لە لایەن ” جەلال کەریمی” بەرپرسی کومیتەی حیزب لەو شارە پێشکه‌ش کرا.

بەشی کۆتایی ڕێوڕەسمەکە تایبەت بوو بە شایی و هەڵپەڕکێی بەشداربووان، که‌ هه‌تا دره‌نگانی شه‌و ده‌رێژی کێشا.

حیزبی دێموکراتی کوردستانی ئێران ـ فاڵۆن

یەکێتی کوردان ـ فاڵۆن

٢٣ی مارسی ٢٠١٥