پەیامی سەرەخۆشیی بەڕێوەبەرانی ماڵپەڕی پێشمەرگەکان بۆ کەس و کاری قوربانیانی کارەساتی بوومەلەرزەی پارێزگاری کرماشا

بەداخ و پەژارەیەکی زۆرەوە حەفتەی ڕابردوو  بوومەلەزرەیەکی بە هێز چەند شار و ناوچەیەکی سەربە پارێزگای کرماشانی گرتەوە کە کارەساتێکی گەورەی بەدوای خۆیدا هێنا. ژمارەیەکی سەدان کەسی گیانیان لە دەست دا، هەزاران کەس بریندارو دەیان هەزار کەسی دیکەش ئاوارە ، دەربەرو بێ ماڵ و حاڵ مانەوە.

هەروەک ئاگاداریشین کۆمەڵێکی زۆر لە کەس و کاری خەڵکی  ناوچەی کارەسات دیتوو لە دەرەوەی وڵات دەژین کە خزم و کەسیان بۆتە قوربانی. ئەو خەڵکە لە ئەمریکاوە هەتا ئۆرووپا و ئوسترالیا  بڵاو بوونەتەوە و ئیمکانی ئەوە نیە تا ئێمە وەک بەڕێوەبەرانی ماڵپەڕی پێشمەرگەکان بتوانین ڕاستەوخۆ سەردانیان بکەین، یان پەیوەندی بە هەموویانەوە بگرین ، بۆیە لە ڕێگای ئەم پەیامەوە سەرەخۆشی لە کەس و کاری قوربانیان  چ لە کوردستان و چ لە دەرەوەی وڵات دەکەین  و خۆمان بە شەریکی غەمیان دەزانین. قوربانیان ئەم کارەساتە قوربانیانی هەموومانن و ئازارەکەشی هەر ئازاری هەموومانە .

سڵاو دەنێرین بۆ گیانی پاکی قوربانیان، هیوامان سڵامەتیی بریندارانی ئەو کارەساتەیە.

سەری نەتەوەی کورد ساغ بێ

بەڕێوەبەرانی ماڵپەڕی پێشمەرگەکان