بە پێی هەواڵی ماڵپەڕی باس نیوز رۆژی چوارشەممە، 2015/09/23 سەعات7ئێوارە لە کاتی نانخواردن لە گوندی خرابەرووت پێشمەرگەیەک بە ناوی رەحیم مستەفایی بە بیکەیسی
هەوڵی تیرۆرکردنی جێگری سەرۆکی پارتی ئازادی کوردستانی داو بەداخەوە سێ پاسەوانی تایبەتی شەهید کردون بە ناوەکانی شەهید” مەهدی یار محەمەدی” ( کارزان) و ” بەهمەن یاری”( بەدرە) و علانور اندوز. ئەو سێ پێشمەرگەیە خەڵکی ناوچەی مەلەکشای سەر بە پارێزگای ئیلامی رۆژهەڵاتی کوردستانن.
عەباس زادە یەکێک لە فەرماندەی پێشمەرگەکانی پارتی ئازادی کوردستان بە (باسنیوز)ی ڕاگەیاند : دوای ڕووداوەکە لە سنووری باشووری کەرکووک پلانێکی ئەمنی تۆکمە داڕێژرا بۆ ئەوەی ئەو کەسە دەربازی نەبێت و دەستیگر بکرێت سەر ئەنجام لەلایەن هێزەکانی پێشمەرگەی کوردستانەوە دەستگیر کراو ئێستەش دەستبەسەرە.
ئەو فەرماندەیە لەبارەی پلانەکەوە گوتی : ئەوە پلانە لە تاران داڕێژراوە بۆ تیرۆرکردنی حسێن یەزانپەنا و ئەو کەسە خەڵکی کرماشانی رۆژهەڵاتی کوردستانە و ناوی (رەحیم مستەفایی)یە .
لە بارەی دادگایکردنیەوە عەباس زادە گوتیشی “ئەو کەسە دەدرێتە دادگای شۆڕش و سزای خۆی دەدرێت.
بەپێ زانیاریەکانی (باسنیوز) دادگای شۆرش سزاکەی بریتیە لە گوللەبارانکردنی ئەو کەسانەی بەتۆمەتی سیخوری لە نێو پێشمەرگە دەستگیر دەکرێن.
