"an independent online kurdish website

کوردستان میدیا: فەرماندەیی هێزی پیشمەرگەی کوردستان بڵاوی کردەوە، لە ئەنجامی تۆپبارانی، تۆپخانەکانی سپای تێرۆریستی پاسدارانی ڕێژیمی ئێرانەوە، دوو پێشمەرگەی کوردستان شەهید بوون و درێژەی ڕێگایان بە هاوسەنگەرانیان ئەسپارد.


دەقی ڕاگەیەندراوی فەرماندەیی هێزی پیشمەرگەی کوردستان بەم چەشنەیە:

راگەیەندراوی فەرماندەیی هێزی پیشمەرگەی کوردستان

خەڵکی ئازادیخوازی کوردستان

لە درێژەی کردەوە دژە مرۆیی و تاوانبارانەکانی ڕێژیمی دژی گەلیی کۆماری ئیسلامیدا، رۆژی سێشەممە ٢٦ی پووشپەڕی ١٣٩٧ سوپای تیرۆریستیی پاسداران ناوچە شاخاوییەکانی باشوور و ڕۆژهەڵاتی کوردستان له سنوورەکانی پیرانشار و چۆمان وسیدەکان دایە بەر تۆپی رق و کین و ئەو ناوچانەی تۆپباران کرد. به هۆی چڕی تۆپبارانەکه زەرەر و زیانی مادیی زۆر لە خەلکی ناوچەکە کەوت و بەداخەوە دوو پێشمەرگەی بەوەجی هێزی پێشمەرگە به ناوەکانی ڕەحیم ڕۆستەم داستان خەڵکی مەهاباد و ئیدریس دەرویشی خەڵکی پیرانشار شەهید بوون و چوونە ڕیزی کاروانی شەهیدانی گەلەکەمان.

لە لایەن ڕێبەرایەتی حیزبی دێموکراتی کوردستانی ئێران و فەرماندەیی هێزی پێشمەرگەی کوردستانەوە، پرسە و سەرەخۆشی خۆمان ئاراستەی بنەماڵەی بەڕێزیان و خەلکی کوردستان و هاوسەنگەرانیان دەکەین و دووپاتی دەکەینەوە کە تا گەیشتن به مافه نەتەوایەتییەکانی گەلی کورد درێژه به ڕێگایان دەدەین.

رۆحی شەهیدیان شاد و رێگایان پڕ ڕێبوار بێ

فەرماندەیی هێزی پێشمەرگەی کوردستان

٢٦ی پووشپەڕی ١٣٩٧

١٧ی ژووئیەی ٢٠١٨

پێشمەرگەکان:  لە ناخی دڵمانەوە بەم بۆنە تاڵەوە سەرەخۆشی و هاودەردی گەرمی خۆمان بە گەلی کورد و حیزبی دێموکڕات و کەس کاریان و هاوسەنگەرانیان ڕادەگەیەنین. ئاواتمان ساڕێژ بوونەوەی برینی بریندارەکانە.

روحیان شاد بێ و رێگەیان بەردەوام بێ، کۆماری ئیسلامی دەبێ باش بزانێ بە شەهید کردنی رۆڵەکانمان ناتوانێ چۆک بە خەباتی گەلی کورددا بدات.

مردن و سەرشۆڕی بۆ کۆماری ئیسلامی ئێران

نویتـرین هەواڵ و بابەت


فارسی