پەیامی پیرۆزبایی ستافی بەڕێوەبەری ماڵپەڕی پێشمەرگەکان بۆ رێبەری حیزبی دێمۆکڕات

بەڕێز ڕێبەرایەتیی حیزبی دێمۆکڕات

سڵاو و ڕێز

یەکگرتنەوەی ڕیزەکانی حیزبی دیـۆکڕات وەک یەکێك لە هەواڵە پیرۆز و گرینگەکان،

 بۆ ئێمەش وەک ستافی ماڵپەڕی پێشمەرگەکان کە 20 ساڵە خزمەت بە ڕاگەیاندنی کوردی و بە تایبەتی لە ڕێبازی حیزبی دێموکڕات  بەردەوامین، هەواڵێکی گرینگ و دڵخۆشکەر بوو.

بەڕیزان، ماڵپەڕی پێشمەرگەکان هەر وەک چۆن لە ڕووداوی تاڵی دابڕان دا نە بێ لایەن بوو و نە بێ هەڵوێست، لە پڕۆسەی بەرەو یەکگرتنەوەشدا هەوڵ  و تێکۆسانی هەبووە و لەمەو دواش لە بەهێز کردن و پتەو کردنی ئاکامی پڕۆسەکە کە یەکگرتوویی حیزبی دێمۆکڕاتە، خۆی بە خاوەن هەڵوێستی پشتگیری دەزانێ و لەو ڕاستایەدا لە ڕێگای پەرەپێدانی بیروباوەڕی جیاواز، هاوکار و هاوخەباتی دێموکراتیکی یەکگرتووی شوێندانەر دەبێ.

ستافی بەڕێوەبەریی ماڵپەڕی پێشمەرگەکان پیرۆزبایی لە ڕێبەرایەتیی حیزبی دێمۆکڕات، هەیئەتەکانی  دیالۆگ  و هەموو کادر و پێشمەرگە و ئەندامان و لایەنگرانی حیزب و بنەماڵەی سەربەرزی شەهیدان و زیندانیانی سیاسی و بەگشتی خەڵکی کوردستان دەکا و سڵاو دەنێرین بۆ گیانی پاکی ئەو تێکۆشەرانەی کە لە مەودای دابڕان تا یەکگرتنەوە ماڵئاواییان لە ژیان کردووە  و ئەم ڕۆژە هیوا بەخشەیان بە چاو نەدیت.

لەگەڵ ڕێز و پیرۆزبایی دووبارە

ستافی بەڕێوەبەریی ماڵپەڕی پێشمەرگەکان

٢٢ی ئاگۆستی ٢٠٢٢ ئیسکاندیناوی