سویدیش دەیەوێ خۆی بکاتە تۆپی شەق شەقێنی مەرامە گڵاوەکانی تورکیا، هەلۆ بەرزنجەیی

 سوید لەپێناوی پاراستنی ئاسایشی وڵاتەکەی لە هەڕەشەکانی رووسیای پۆتین، لەوەتەی شەڕی ئۆکراینا بڵێسەی سەندووە، داوای کردووە ببێتە ئەندامی NATO تورکیا ڕێگری بوونە ئەندامێتییە!..

کۆمەڵێ مەرجی داناوە بۆ سوید و فینلەندە، تا جێبەجێی نەکەن، تورکیای ئەندامی ناتۆ، رەزامەندی لەسەر بە ئەندامبوونی ئەو دوو دەوڵەتە لە ناتۆدا نادات…

 مەرجەکان: ڕادەستکردنەوەی کۆمەڵێ ناون کورد و تورک کە لەو وڵاتانە دەژین! ڕەگەزنامەی سویدییان هەیە و هێزێکی ئۆپۆزیسیۆنی کورد و تورکی بەهێز لە وڵاتەکەکانیان هەن…

بڕینی یارمەتی و پەیوەندییە لەگەڵ YPG و PKK و تەنانەت HDP دا، واتە بە قوربانی کردنی کورد، کرۆکی ئەم گەمەیەیە؟؟

بەڵام لە پێناوی بوونە ئەندامدا، ئێستا سوید بە سەرۆکایەتی سەرەکوەزیرانی نوێ Ulf Kristersson دەیەوێ مل بۆ مەرجەکانی تورکیا بدات و وڵاتەکەی بکاتە بارمتەی سیاسەتی ئەردۆغان؟!….

 دیارە ئەوەی کورد کردی بۆ کۆمەڵگای نێودەوڵەتی لەشەڕی (داعش) دا و ئەو نموونە هەرە باشتر و جوانتر و دیموکراسییانەترە لە ناوچەکەدا لەوانی تورک و عەرەب و فارس و زۆر شتی تریش بەها و سەنگیان نییە؟!… لەبەرانبەر بەرژەوەندی نێودەڵەتی دا!؟..

کریستەرسۆن سەردانی تورکیای کردووە و ڕازییە بە مەرجەکانییان. و بڕیسرە ئەردۆغانیش کە لە 2013 نەچۆتە سوید،  سەردانی ئەو وڵاتە بکات!…

 ئەو یاسا و هاوکێشەیە روونە، هەمیشە قوربانی بە بچووک و لاواز دەدرێ بۆ گەورە و بەهێزەکان…

کوردیش لاوازە لە یەک شت دا، ئەویش خاوەن دەوڵەت نییە؟!.. بۆیە بۆ شەق شەقێنی گۆڕەپانەکە هەر وەک تۆپ ددمغنێتەوە…

لەم دیدەوە هەرچی گلەیی و گازندەیی و نەفرەت هەیە لە کۆمەڵگای نێودەوڵەتی بگەین و بگرین هەر کەمە، لێ چرکەساتی ئەوەش لەمێژە هاتووە، بەهەمان پێوەر بەگژ ئەوانەی ناوخۆشدا بچینەوە و لۆمەیان بکەین، کە دژی سەربەخۆیی و بە دەوڵەتبوونی کوردستان و مافە نەتەوەییەکانی کوردن!…

 ئەوانەی دوێنێ بۆ ئاینی ئیسلام و سۆسیالیزم و دەوڵەتی پرۆلیتاریا خەباتیان کرد و خەونی پرتەقاڵیان بینی و ئەوانەی ئیمڕۆی بۆ تیۆری و قسەی سەوز و سووری ناو دەقی کتێبە دەق ئەستوورەکان دەژین و هەر باسی پێکەوە ژیان و قسەگەلێکی تری بێ رۆح و گیان دەکەن و بەردەوام کچی کورد دەکەنە قوربانی کوڕی خەڵکی؟!…

 ئەوانەی بێ هیچ بەرپرسیارێتییەک لە سەر مافە نەتەوەییەکانی کورد سازش دەکەن و ئامادەن ببنە سوورەی بەر لەشکری هەر بیر و هێزێکی بێگانەی دوور لە بەرژەوەندی باڵا و ستراتیژی نەتەوەی کورد و خاکی کوردستان؟!..

 باشە خۆ ئەوە تەوەندی کوردە لە سوید و فینلەندە و جیهان لەگەڵ ئەوان دەژی و ژنی لێهێناون و کچی داونەتێ و کاردەکەن و باج دەدەن و بەهرەیان خستۆتە خزمەتی ئەوانەوە و سەرمایەگوزاری دەکەین و سامانێکی مرۆیی هاتوونەتە وڵاتیان و زمان و کولتووریان فێربووین و خزمەتیان دەکەین، کەچی ئەوان پێکەوە ژیانی ئێمەیان ناوێ و وەک کاڵا و شمەک دەمان کڕن و دەمان فرۆشن…

 شایانی گووتنە هەڵوێستی ئەو دەوڵەتانە نابێت زۆر جێی گلەیی بێت! میللەتان ئاسایشی ستراتیژی نەتەوەیی و سیمبۆل و بەهاکانی خۆیان دیاری کردووە و هەر کاتێ ئەم چەمک و خاڵانە کەوتنە بەردەم مەترسی و هەڕەشە Priorität بۆ خۆیان و دەوڵەتەکەیانە و هەموو شتی بۆ دەکەن بە قوربانی هەر لە دیموکراسی و لیبەراڵیزم و بانگاشەی مافی مرۆڤەوە تا دەگاتە پێکەوە ژیان و لێبووردەیی و هەموو خەونە خەیاڵییەکانی تۆی شاعیر..

کەواتە ئاغای ناموبارەک!..

بەڵێ ئەوەی ئێمە چاوڕێی دەکەین بە شۆڕشەکەی تۆشەوە کتومت خەونی شاعیرانەیە! … نەک دەوڵەتی کوردیییییییییی!!!….