سەفەرەکەی  کاک نێچیروان بۆ ئێران، مەلا برایم مەجید پوور

ڕۆژی ٥ مەی سەرۆکی هـەرێـمـی کـوردستان کاک نێچیروان بارزانی ، دەگەڵ دەستەیەکی ڕەسمی هەرێم سەردانی کۆماری ئیسلامی ئێرانیان کرد.

دەگەڵ هەمو  بەرپرسە پلە بەرزەکان لە خامەنەییڕا بگرە تا دەگاتەوە سەرۆکی پاڕلمان دانیشتن  ولەسەرمەسایلی هەرێم وعێڕاق و ناوچەو بگرە جیهانیش  قسەو  ڕاوێژیان کرد. بەر پرسانی کۆماریش  زۆر زمان لوسانەو گەرم و گوڕ پێشوازی و میوانداریان لێکردن. تا ئێستا لە سەر ئەسڵی مەبەستەکان چیکراوە و کوتراوە، لە پڕوپاگەندە و  پێهەڵاکوتن زیاتر شتێکی تر نەزاندراوە و ناشزاندرێ! لە سەر ئەو دیدار و و تووێژانە   ڕاوبۆچونی جیاواز و ئەرێنی و نەرێنی دەربڕاون . هێندێک بە گرینگیان داناوە و  پێشی  دڵخۆشن! هێندێکیتر بە نەرێنیان لە قەڵەم داوە و لێی دڕدۆنگن. تا ئـیرە ئاساییە و هـەمـووکەس و لایـەنـێک بـە تـێـگـەیـشـتـنـی خـۆی مـافـی ئـەوەی هـەیـە  هەڵیسەنگێنێ و لێکیداتەوە. منیش وەک کوردێکی ڕۆژهەڵات بۆم گرینگە و بە پیویستی دەزانم رای خۆم دەر بڕم . ئەوەی  بۆ من رونە ئەوەیە  کۆماری ئیسلامی ئێران  تاسەر ئێسقان دژە  کوردە و حکومەتی هەرێمیشی بۆ هەڵخەڵەتاندن و بەرژەوە دەوێ، ئەگینا  هەر گیز قبوڵی نەبووە و نیە و نابێ! بۆیەش نابێ وەک دیدارێکی ڕەسمی دوو حکومەت  چاوی لێبکرێ. بەداخم لەوە حکومەتێکی هاری دژە کوردی جینایەتکار دەگەڵ  سەرۆکی هەرێمێکی بێدەسەڵاتی گەمارۆ دراو  لەناو خۆ و  دەرەوە  کە مێژوش  سەلماندویەتی  هەر وتووێژێکی بەناو دۆستانەی  بۆ زەبر لێدان و تێکدان بووە، هەموو  دۆستایەتێکی  دەگەڵ کوردان  بۆ بەگژ یەکتردا کردن و ساز کردنی  دوژمنایەتی و  دو بەرەکی بووە و برای بەگژ برا داکردوە و خۆشی وەک دوژمنی  هەردوک  لایان سەیری  کردوە و  لە ئاوە  قوڕاوەکە  ماسی پێویستی خۆی گرتوە .

ڕێکخستنی ئەو دیدارە  بەدوای  هێندێک ڕوداو و  جموجۆڵی  سیاسی و نیزامی لە ناوچەکە و جیهان پێکهاتووە مانا و  مەبەستی  تایبەت  بە خۆی هەیە. باسی ڕوسیە و  ئۆکڕاین ناکەین. ئاخوندەکان شەڕی غەزەیان  بەو هیوایە  هەڵگیرساند، پێیان وابوو  دونیای  ئیسلام و عەرب  پشتی دەگرن و ئیسڕائیل لەناو دەبەن! کەچی وا دەرنەچوو. بە شایەدی  دنیاش جگە  لە زیانێکی قورسی گیانی و ماڵی کە تا ئێستاش ڕادەکەی  نەزاندراوە بەرو بویەکیتری نەبوو ! ئەوەی ڕون بوو  کۆماری  ئیسلامی دۆڕاندویەتی  نەیدەزانی  چۆنی بیشارێتەوە، ئەو  خاڵە ڕەشە لەناو چاوانی پاک کاتەوە !! دەستی کرد بە پیلانێکیتر بۆ  بەلاڕێدا بردنی بیرو ڕای گشتی، ڕویکردە عێڕاق و لەوێش کوردان بخاتە بەر ڕەهێڵەی  دڕۆن و موشەک و هیتر، بەوە  ڕازی نەبوو کە چەکدارە  دروستکراوەکان بەردەوام لە بەڵای ئاخوندان بێبەش نەکردبوو . بە دڕۆن لە هەولێری داو خۆشی لێکردە خاوەن و دانی پێدا هینا و بیانوەکەشی ئەوە بوو ئیسڕائیل لە هەولێر هەیە بۆیە موشەکبارانی کردوە . ئەو جارەش جگە لە وەی دژکردەوەی  زۆری  دنیای  دەرەوەی  لێکەوتەوە ، دەسکەوتێکی بۆ ئاخوندەکان نەبوو. ئەوجار ویستیان بە قەولی کوردی تیری ئاخری باوێن وراستەو خۆ هێرش بکەنە  سەر ئیسڕائیل ،کەچی ئەوەیان لە هەموان زێاتر شەرم هێنەرو  سەر شۆڕانەتر بوو گۆیا (٧٠٠ ) موشەکیان بە ئیسڕائیلەوە ناوە  تاقە  کوژراوێکیشی نەبووە . تائیرە هەمو نەخشەکان  نەزۆک بوون چیان لێنەکەوتەوە. بۆ شاردنەوە و  پوچەڵبونەی  ئەو هەمو پیلانانە، هاتە  سەر ئەو بڕوایە وەک  خەسڵەتی خۆیان نەرمی بکێشن لە ڕێگای دۆستایەتی و هێمنانە  وەک مار بە دژ بەرەکانیانەوە  بدەن وەک  لە پێشەوە باسمکردوە ئاخوندەکان کورد  بە دوژمنی لەئاشتی نەهاتوی خۆیان دەزانن و لە هەمو شکست و سەر نەکەوتنیان دا کورد بە هۆکاری ئەسڵی دەزانن. بۆیە  گەڕانەوە  سەر ئەو نەقڵە کۆنە کە کوتراوە  دار هۆرەی  لە خۆی نەبێ  ناقەڵشێ ، روی ئاشتبونەوەیان دەکوردان واتە هەرێمی کوردستان  کردوە . من کوتم هەرێم کە دەبو  بڵێم هەولێر یان زۆنی زەرد . چونکە تا ئێستا ئەو کورە داردەستەکانی تۆق تۆقیلەیەکیان بە زۆنی سەوز دانەداوە.. خراپی مە خوێننەوە من ڕوم لە یەکیەتی نیە ، بەڵام باوەڕم وایە ڕاستی چۆن بێی دەبێێ ئاوا بکوتری ، جا بەدڵی کێی دەبێ باببێ و نابێێ با نەبێ ! کوماری ئیسمامی هەروەک  چۆن شەڕی ساردی لە باشور دروست کردوە ، دەیەوێی بیکاتە  شەڕی گەرم کە هەمیشە مەبەستی بوە . جیا لە وەش بە شیوەی خۆیان هەوڵ دەدەن لە خودی بارزانیەکانیشدا بێی موتمانەیی و دڕدۆنگی دروست بکەن ! وەک فارس بۆ خۆیان دەڵێن ( تفرقە  بیانداز و حکومت کن ) ئەوەی بکەن . جیا لەوانەش مەسەلەی  کوردی ڕۆژ هەڵاتێش  سەردێری  هەمو  باس و خواسەکانی کۆماری ئیسلامیە. دەیانەوێی هەر دەنگی کوردو بۆنی کوردبونی لێدێی ، لە ناوبەرن  یان تێکیان بەردەن !  رواڵەتی مەسەکە  زۆر شتی لێی چاوەڕوان دەکرێی و  مەترسیدارە . دەبینن دادگای بەناو فدراڵ  کە من  دەڵێم : ( ویلایەتی فەقیە  بەوەکالەت ) تەنگی بە هەرێم  هەڵچنیوە ، نەوتەکەی  راگرتوە ، رێگای هەڵبژاردنی ئازی لێداخستوە،  موچەی بەیان قەول دەدا پاش نیوەڕۆیە  پە شیمان دەبێتەوە . حیزبە کوردستانیە کانیش جگە لە پارتی هەمویان ئەو  هەوایە  دەڵێن کە عەڕەبەکان داوایان کردوە ،، پارتیش دەستی بە کڵاوی خۆی داگرتوە  بانەیبا ، رەنگە هێندێک وا بزانن ئەو  سەفەرەی نێچیروان چارەی دەکا !! لێرە ئەوەندە ماوە کە پیاو چاکەکان بپاڕینەوە و بڵێن : خوایە ڕوحم بە هەرێم بکە . دەسکەوتی ئەو سەفەرەش جگە لەوەی کۆماری دەیەوێی هیچیتری لێی شین نابێ !!

بە نیسبەتی کوردەکانی ڕۆژ هەڵات ، چونکە من دێمۆکڕاتم ناتوانم هیچ لە بارەی حیزبەکانیتر بڵێم ،  دەزانم هەلو  مەرجەکە  زۆر  ناسک و مەترسیدارە ،  بۆ حیزبیش  بەزیان و  خەسارە  بەڵام ئەزمونی زیاتر لە ( ٧٠ ) ساڵ ئاگاداریم لە سیاسەتی حیزب  لە دورو نیزیکەوە پێم دەڵێی : حیزبەکامان کۆسپی زۆر قورس و قەرەبو  نەکراوی  هاتنە  سەر ڕێو دەگەڵ زۆر گیرو گرفت و مەترسی لەوە گەورەتریش  بەرەو  ڕو بوەو  تەنانەت  جاری وا هەبوە  دوژمنان و دۆراوەکان  قاتیحای  مەرگیان بۆ خوێندوە . کەچی لە پڕ سەری هەڵداوەو وەگەڕ کەوتۆتەوەو  لە پێشو بەهێزتریش بوە . ئەوەش دەگەڕیتەوە  بۆ ئەوەی کە حیزب لە ناخی زۆرینەی کوردی  ڕۆژهەڵاتدا  جێیگرتوە ، تا کورد مابێی ئەو حیزبە زیندوە ، چونکە دروشمی یان سەرکەوتن یانکورد نەمانی لە سینەی  ڕۆڵەکانیدا  سەبت کردوە.

دوا قسە ئەوەیە تەنیا دەردێکی کورد پێیەوە دەناڵێنی برێتیە لە : دژایەتی یەکتر کردن و یەک نەگرتن و هاوکاری دەگەڵ دوژمن کردنە ، هێندێک  حێزبی کوردی هەن   بە نیسبەتی حیزبە کوردیەکانی ڕۆژ هەڵات و ئەوانیتریش ، هەر ئەوەی دەکەن کە کۆماری ئیسلامی دەیەوویی . ئەوەیان جیگای داخە ،بەلامەوە  سەیرە کورد بران ، برا دەگەڵ برا  سەڕیش  بکا دوژمن نیە ،  دوژمن ئەوانە ن  نەبونی تۆو ئەوانیشی دەوێێ،  با ئێمە وەک حیزبی سیاسی ئەگەر هاوکاری یەکتریش نەکەین دوژمن نەبێی و لابارەی بەلای دوژمنی هەردوکمان دانەخەین !!