شرۆڤەیەکی کورت لە سەر ڕێککەوتننامەیەک !

دوا بە دوای بڵاو بوونەوەی هەواڵی ئیمزا کرانی ڕێککەوتننامەیەک لە نێوان حیزبی دێمۆکراتی کوردستانی ئێران وکۆمەڵەی شۆڕشگێری زەحمەتکێشانی کوردستانی ئێران ، هەڵسەنگاندنی جۆراوجۆر و لێکدانەوەی جۆراوجۆری بۆ کرا .

لەم پەیوەندیە دا هەوڵمداوە تا بۆم بکرێ ، ڕا و بۆچوونی موخالیفان ، موافیقان و  هەر وەها شرۆڤەکارانێک وەربگرم  و لە ڕۆژانی داهاتوودا بڵاو دەکەمەوە.

ئامادەکار : کاووس عەزیزی

 چاودێرێکی سیاسی کە بە هۆی هیندێک تێبێنی ڕازی نەبوو ناوی بهێنرێ ، سەبارەت بەو ڕێکەوتننامەیە ئاوا وڵامی دامەوە :

ئەو ڕێککەوتننامەیە هیندێک شتی باشی تێدایە، بەڵام زۆرتر لایەنی تەبلیغاتی هەیە . لە هیندێ ڕوویشەەوەپێم باش نیە . باشتر وابوو هەموو حیزبەکان پێکەوە ئەوەان ئیمزا کردبایە . کۆمەڵە دایەوێ وا بنوێنێ کە لە کوردستان ٢ حیزبی سەرەکی هەیە ، وەک یەکیەتی وپارتی، هەر وەها دایەوێ بڵێت کە کۆمەڵەی سەرەکی منم .

ئەوە دەبێتە هۆی ساردیی پەیوەندیی حیزب لە گەل کۆمەڵەکانی دیکە . هەر وەها پێم وانیە کاک عەبدولای موهتەدی پابەند بێت بەو ڕێککەوتنە  وهەمیش لایەنی فارسەکان دەگرێت . بەو پێیە ئەگەری هەڵوەشانەوەی ئەو ڕێکەوتنە زۆرە .

ڕەنگە  ئەو ڕێککەوتنە ببێتە هۆی ئەوەی کە برادەرانی پێشووش ، لە گەل حیزبەکانی دیکە و کۆمەڵەکانی دیکە ڕێککەوتننامە ئیمزا بکەن . ئەوەش دەبێتە هۆی دوو دەستەگی لە نێو حیزبەکانی کوردستانی ئێران دا .

ئەوەی سەرەوە دەقی وڵامی نووسراوی ئەو بەڕیزەیە بە بێ کەم و زیاد .

{jcomments off}