تەنیایی کە هات سات و زەمان ناوی نییە
تا تووڕەیی بێ وەرزی ژوان باوی نییە
خەڵوەت کە دەکەم گەرمی خەفەت ئەمبەنەوە
بۆ شوێنەیە دەریای بەزەییت ئاوی نییە
ئاهم کە هەموو هەوری شیوەن دێنێتەوە
هیچ چۆمی بەهار بەم جۆرە لافاوی نییە
زۆر پاییز و ژاکاوی گوڵم دیوە، بەڵام
وەرزی غوربەتم دی ئەوە کە خەماوی نییە
با دەور وبەرم پڕ بێ لە دێوی نەخۆشی
دەستت لە دەسم بێ مۆتەکە کە یاوی نییە
بۆ بوون و نەبوون خەم مەخۆ پێتی بڵێم
زیندانی توانجی خەڵکی تا ماوی نییە
زۆرم مژی لێو دڵ نەگەیە حەزی زانیم
ئاوی کانی دەمت نەبێ پاراوی نییە
{jcomments off}
زانکۆ